"မဟာသန္တိသုခ ကိစ္စနှင့်ပတ်သက်ပြီး တရားစွဲဆိုခံထားရသော သံဃာတော်ငါးပါးမှ မိမိတို့နစ်နာမှုအတွက် တရားပြန်လည်စွဲဆိုရာ ပယ်ချခံရ"
(ရန်ကုန်၊ ဇူလိုင် ၁၆)
မဟာသန္တိသုခ ကိစ္စနှင့်ပတ်သက်ပြီး တရားစွဲဆို ခံထားရသော သံဃာတော် ငါးပါးမှ မိမိတို့နစ်နာမှုအ တွက် ယနေ့ ဗဟန်းတရားရုံး၌ တရားပြန်လည် စွဲဆိုရာ ပယ်ချခံရသည်။
တရားစီရင်ရေး ဆွေးနွေးဆုံးဖြတ်ချက်အရ မဟုတ်ဘဲ စီမံခန့်ခွဲရေး အရ တရား စွဲဆိုရန် တင်ပြလွှာကို လက်မခံဘဲ ပြန်လည်ပေးအပ်ခဲ့ကြောင်း ဆရာတော် များ၏ အကျိုးဆောင်ရှေ့နေ ဦးသန်းထွန်းအောင်က ပြောသည်။
“ဥပဒေဘောင်အတွင်းကနေ အဆုံးထိ လုပ်ဆောင်သွားမှာပါ။ ဒီနေ့ ညနေ လေးနာရီ မှာ အစည်းဝေး လုပ်ပါမယ်။ အကောင်းဆုံး လုပ်ဆောင် သွားပါ့မယ်” ဟု ဦးသန်းထွန်းအောင်က ပြောသည်။
မဟာသန္တိသုခကျောင်းကို ဇွန်လ ၁၀ ရက်နေ့ ညပိုင်းတွင် သာသနာရေး ဝန်ကြီးဌာနမှ တာဝန်ရှိ သူတချို့နှင့် ရဲတပ်ဖွဲ့ဝင်များက ဝင်ရောက် စီးနင်း ချိတ်ပိတ်ကာ အင်္ဂလန်ဆရာတော် ဦးဥတ္တရ အပါအဝင် ရဟန်းတော် ၅ ပါးကို သာသနာတော်ညှိုးနွမ်းစေမှုဖြင့် ဖမ်းဆီးခဲ့သည်။ နောက်ရက်တွင် လူဝတ် လဲစေ၍ ရုံးထုတ်ကာ အင်းစိန်ထောင်သို့ ပို့ဆောင်ခဲ့သည်။ ဇွန်လ ၂၀ ရက်နေ့တွင် အာမခံဖြင့် ပြန်လွှတ်ပေးပြီး ရဟန်းတော် ၅ ပါးစလုံး သင်္ကန်းပြန် စည်းခဲ့ပြီး အမှုမှာလည်း ဆက်လက်စစ်ဆေးနေဆဲဖြစ်သည်။
ဖိုးလပြည့်
ဓါတ်ပုံ - ကျော်ကျော် (AF)
from Popular Myanmar News Journal's Facebook Wall http://ift.tt/1yqMcPg
Comments
Post a Comment