၂၀၁၄ တိုကျိုဂိမ်းပြပွဲတွင် Rage Of Rama (ရာမ) မြန်မာဂိမ်း မိတ်ဆက်ပြသမည်
မောင်မန်း
အာဆီယံနိုင်ငံများက ထုတ်လုပ်သည့်ဂိမ်းများကို မိတ်ဆက်ပြသသည့် Tokyo Game Show 2014 တွင် မြန်မာပြည်မှ Rage Of Rama အမည်ရှိ မြန်မာဂိမ်းကို မိတ်ဆက်ပြသသွားမည်ဟု မြန်မာဂိမ်းများရေးဆွဲ ထုတ်လုပ်နေသည့် Total Game Play Studio က အမှုဆောင်အရာရှိချုပ် ကိုမြင့်ကျော်သူက မဇ္ဈိမကို ပြောသည်။
ကိုမြင့်ကျော်သူက “၂၀၁၄ တိုကျို ဂိမ်းပြပွဲမှာ မြန်မာဂိမ်း Rage Of Rama (Demo Version) ကို ပြသ မိတ်ဆက်သွားပါမယ်”ဟု ဆိုသည်။
အဆိုပါဂိမ်းပြပွဲတွင် အာဆီယံနိုင်ငံများက ဂိမ်းထုတ်လုပ်သူများကို ဖိတ်ခေါ်ကာ ပြပွဲကျင်းပခြင်းဖြစ်ပြီး၊ ၂၀၁၄ အောက်တိုဘာလအတွင်းတွင် ကျင်းပမည်ဖြစ်သည်။ အာဆီယံပြိုင်ပွဲဖြစ်သည့်အတွက် အာဆီယံ နိုင်ငံများနှင့် ရင်းနှီးပြီး ဇာတ်ကောင်ဖြစ်သည့် ရာမဇာတ်ကောင်ဖြင့် ဂိမ်းရေးဆွဲ ပါဝင်ပြသခြင်းဖြစ်သည် ဟုလည်း ကိုမြင့်ကျော်သူက ဆိုသည်။
၎င်းက“အာဆီယံနိုင်ငံတွေက လာပြမှာဆိုတော့ အာဆီယံနိုင်ငံတွေနဲ့ ရင်းနှီးပြီးသားဇာတ်ကောင်ဖြစ်တဲ့ ရာမဇာတ်ကောင်ကို ရေးဆွဲတာဖြစ်ပါတယ်”ဟု ဆိုသည်။
လက်ရှိရေးဆွဲနေသည့် ရာမဂိမ်းကို မိုဘိုင်းဂိမ်းအဖြစ် ထုတ်လုပ်သွားမည်ဖြစ်သည်ဟုလည်း ကိုမြင့်ကျော် သူက ဆိုသည်။ ရာမဂိမ်းသည် အစုအဖွဲ့ဖြင့် တိုက်ခိုက်ရမည့် အွန်လိုင်းဂိမ်း အမျိုးအစားဖြစ်ပြီး Dota ဂိမ်း ကို ဖုန်းပေါ်တွင်ဆော့ကစားနိုင်မည့် ပုံစံမျိုးဖြစ်သည်ဟု ဆိုသည်။
Total Game Play Studio သည် အဆိုပါ Rage Of Rama (ရာမ)ဂိမ်းကို ရေးဆွဲရာတွင် ၃၀ ရာခိုင်နှုန်း ခန့် ပြီးစီးနေ ပြီဖြစ်သည်။
ရာမဂိမ်းကို ဦးစားပေးရေးဆွဲနေသောကြောင့် ယခင်ကြေညာထားသည့် သမိန်ပေါသွပ်နှင့် လမ်းမတော် ဖိုးတုတ် မြန်မာဂိမ်းများ ထွက်ရှိနိုင်ရန် နောက်ကျသွားမည် ဖြစ်သည်ဟု ကိုမြင့်ကျော်သူက ဆိုသည်။
Total Game Play Studio က ရေးဆွဲ ထားသော မြန်မာဂိမ်းများမှာ မြန်မာစစ်တုရင်၊ ခြင်းလုံး၊ သမိန် ပေါသွပ်၊ ဆိုက်ကား ဆရာငပိန်၊ လမ်းမတော် ဖိုးတုတ် အစရှိ သည့် ဂိမ်းများဖြစ်ကာ စစ်တုရင်နှင့် ခြင်း လုံးဂိမ်းများမှာထွက်ရှိပြီး ဖြစ်သည်။
from Mizzima - News in Burmese's Facebook Wall http://ift.tt/1mAyFN9
Comments
Post a Comment