ပြည်တွင်း အိုင်တီစွန့်ဦးတီထွင်သူများ Microsoft ၏ bizspark အစီအစဉ်တွင် ၀င်ရောက်အသုံးပြုနိုင်မည်
စ, ချိုကို
အူရီးဒူးအော်ပရေတာက ဆောင်ရွက်ပေးနေသော စွန့်ဦးထီထွင်ခြင်း IdeaBox အစီအစဉ်တွင် ပါဝင်သော စွန့်ဦးထီထွင်သူများ၊ သတင်းအချက်အလက် ဆက်သွယ်ရေး နည်းပညာနယ်ပယ်မှ ပညာရှင်များ၊ Developer များ၊ ညွှန်ကြားပြသူများနှင့် ရင်းနှီမြှုပ်နှံသူများအနေဖြင့် Microsoft ၏ Dream Spark နှင့် Bizspark အစီအစဉ်များကို အသုံးပြုနိုင်မည်ဟု Microsoft နှင့် အူရီးဒူးမြန်မာတို့က ဇွန် ၁၇ ရက်တွင် သတင်းထုတ်ပြန်သည်။
Microsoft ၏ Dream spark နှင့် Bizspark အစီအစဉ်များကို အူရီးဒူး၏ ideabox အစီအစဉ်တွင် ၀င်ရောက် ယှဉ်ပြိုင်မည့် ပြည်တွင်းရှိ စွန့်ဦးတီထွင်သူများ အသုံးပြုနိုင်ရန်အတွက် အူရီးဒူးမြန်မာနှင့် Microsoft ၏ Asia Pacific ဆိုင်ရာ ဥက္ကဋ္ဌ Cesar Cernuda တို့ ဇွန်လ ဒုတိယပတ် အတွင်းက သဘောတူညီမှု လက်မှတ်ရေးထိုးခဲ့ခြင်း ဖြစ်သည်။
Microsoft ၏ BizSpark အစီအစဉ်သည် ကမ္ဘာအရပ်ရပ်မှ နည်းပညာ နယ်ပယ်သားများအား ပရိုဂရမ်များ ကို တီထွင်ခြင်းများနှင့် အကောင်အထည်ဖော်ခြင်းများအတွက် cloud နည်းပညာကို သင်ယူရရှိစေခြင်း၊ software များ၊ အထောက်အကူပြု ခြင်းများကို လေ့လာနိုင်မည်ဖြစ်သည်။ ယင်းအပြင် အင်တာနက်ပေါ်ရှိ Window စတိုးဆိုင်များသို့ အခမဲ့ဝင်ရောက်၍ှSoftwareများ အသုံးပြုနိုင်ခြင်းနှင့် ကမ္ဘာ့ BizSpark အသိုင်း အ၀ိုင်းနှင့် ဆွေးနွေးနိုင်မည် ဖြစ်သည်။
Ooredoo မြန်မာ၏ အလုပ်အမှုဆောင် အရာရှိချုပ် Ross Cormack က “Microsoft ရဲ့ Dreamspark နဲ့ Bizspark အစီအစဉ်ကပေးတဲ့ အသုံးတည့်နည်းလမ်းတွေကို စွန့်ဦး တီထွင်သူတွေက လက်တွေ့ခံစားရ တော့မှာပါ” ဟု ဆိုသည်။
အလားတူ Microsoft ၏ Dream-Spark အစီအစဉ်သည် မျိုးဆက်သစ်လူငယ်စွန့်ဦးတီထွင်သူများ၊ကျောင်း သားများ၊ သင်ကြားလေ့ကျင့်ပေးသူများနှင့် စာပေပညာသင်ကြားရေးဆိုင်ရာ အဖွဲ့အစည်းများ တက္ကသိုလ် များကို အထောက်အပံ့များ ပေးလျက်ရှိသည်။
Microsoft ၏ အာရှပစိဖိတ်ဆိုင်ရာ ဥက္ကဋ္ဌCésar Cernuda က “ကျွန်တော်တို့ အနေနဲ့ နယ်ခံတိုင်းသူ ပြည်သားတွေ သင့်လျော်တဲ့ အရည်အချင်းတွေ ပြည့်ဝလာပြီး တစ်ချိန်တည်းမှာပဲ သူတို့အတွက် အခွင့် အလမ်းတွေ အများကြီးရှိလာလို့ နည်းပညာအစီအစဉ်တွေနဲ့အခုလို ကူညီရတာပါ”ဟု ပြောသည်။
from Mizzima - News in Burmese's Facebook Wall http://ift.tt/1ibOFcz
Comments
Post a Comment