လူမှုဝန်ထမ်းဦးစီးဌာနနှင့် JICA တို့ပူးပေါင်းပြီး လက်သင်္ကေတ ဘာသာစကားသင်တန်း ဒုတိယအကြိမ်ဖွင့်
အောင်သူရထွန်း
နေပြည်တော်၊ မဇ္ဈိမ။ ။ အကြားအာရုံချို့ယွင်းသူများကို လူမှုရေးပြဿနာများ ဖြေရှင်းပေးနိုင်ရန်အတွက် မြန်မာလက်သင်္ကေတပြ ဘာသာစကားသင်တန်းကို လူမှုဝန်ထမ်းဦးစီးဌာန နှင့် ဂျပန်အပြည်ပြည်ဆိုင် ပူးပေါင်းဆောင်ရွက်ရေးအဖွဲ့(JICA) တို့ပူးပေါင်းပြီး ဇွန် ၂၆ ရက်က နေပြည်တော်၊ မင်္ဂလာသီရိဟိုတယ်တွင် ဒုတိယအကြိမ်
ဖွင့်လှစ်ခဲ့သည်။
ပထမအကြိမ် ဖွင့်လှစ်စဉ်က သင်တန်းသား ၂၄ဦး တက်ရောက်ခဲ့ပြီး လူမှုဝန်ထမ်းဌာနမှ ၁၃ ဦး၊ MRTV မှ သုံးဦးနှင့် NGOs အဖွဲ့မှ ရှစ်ဦးတက်ရောက်ခဲ့ကာ သင်တန်းကာလ တစ်နှစ်ခွဲ ကြာမြင့်ခဲ့သည်။
ပထမအကြိမ်သင်တန်း တက်ရောက်ခဲ့သော လူမှုဝန်ထမ်းဦးစီးဌာန၊ နားမကြားသော ကလေးများကျောင်း (ရန်ကုန်)တွင် လက်တွေ့ တာဝန်ထမ်းဆောင်နေသော ဦးသီဟအောင်က “အရင်က ဒီကလေးတွေဟာ ရုပ်မြင်သံကြား ကြည့်နေတာ ဘာမှနားမလည်တဲ့ ရုပ်ရှင်ကိုကြည့်နေသလိုပဲ၊ အခုတော့ သူတို့သိချင်တာတွေ သတင်းအချက် အလက်တွေကို သိခွင့်ရလာတယ်” ဟု မဇ္ဈိမကို ပြောသည်။
ရန်ကုန်မြို့ရှိ နားမကြားသော ကလေးများကျောင်းတွင် အသက် ၆ နှစ်အရွယ်မှ ၁၈ နှစ်အထိ ကျောင်းသား၊ ကျောင်းသူများ ပညာသင်ကြားလျက်ရှိသည်။
ထို့ပြင် နားမကြားသော ပုဂ္ဂိုလ်များအနေဖြင့် အစည်းအဝေးများ၊ အမှုအခင်းတရားရင်ဆိုင်ရာတွင်လည်းကောင်း၊ ကျန်းမာရေးစောင့်ရှောက်မှု ခံယူရာတွင်လည်းကောင်း၊ လူမှုဝန်ထမ်းဦးစီးဌာန၊ လက်သင်္ကေတပြ ဘာသာစကား ကူညီပံ့ပိုးခြင်း ဝန်ဆောင်မှုအတွက် ရုံးများတွင် သတ်မှတ်ထားသည့် လျှောက်လွှာတင်ကာ ဘာသာပြန်များအား
အကူညီတောင်းခံနိုင်ကြောင်းသိရသည်။
ပုံစာ- ဇွန်လ ၁၀ရက်မှ ၁၂အထိ ရန်ကုန်မြို့တွင် ပြုလုပ်သည့် မသန်စွမ်းသူများ ညီလာခံတွင် လက်သင်္ကတ ဘာသာစကားဖြင့် ဘာသာပြန်ပေးနေသူနှ စ်ဦးကို တွေ့ရစဉ်။ (ဓာတ်ပုံ- ဟိန်းထက်၊ မဇ္ဈိမ)
from Mizzima - News in Burmese's Facebook Wall http://ift.tt/1lYxf42
Comments
Post a Comment