ကင်ဝူဘင်းနှင့် ဂိုအာရာအား “Dominos Pizza” ကုန်အမှတ်တံဆိပ် ကြော်ငြာမော်ဒယ်သစ်အဖြစ်ရွေးချယ်
မင်းသားကင်ဝူဘင်းနှင့် ဂိုအာရာတို့သည် “Dominos Pizza” ကုန်အမှတ်တံဆိပ်၏ မျက်နှာသစ်ကြော်ငြာမော်ဒယ်များအဖြစ် ရွေးချယ်ခံထားရသည်ဟု k pop net တွင်ရေးသားဖော်ပြထားသည်။
၎င်းတို့နှစ်ဦးလုံးသည် အဆိုပါ ကုန်အမှတ်တံဆိပ်ကို ကြော်ငြာပေးမည့် မင်းသား၊မင်းသမီးများအဖြစ် တစ်နှစ်စာချုပ် ချုပ်ဆိုထားပြီးဖြစ်သည်ဟု ဇွန်၈ရက်တွင် “Dominos Pizza”ကုမ္ပဏီက ကြေညာထားသည်။
၎င်းတို့နှစ်ဦး သရုပ်ဆောင်ထားသည့် ကြော်ငြာသစ်ကို ဇွန်၁၃ရက်တွင် ရုပ်သံလိုင်းမှ စတင်ထုတ်လွှင့်မည်ဖြစ်သည်။ “Dominos Pizza” ကုန်အမှတ် တံဆိပ် ကြော်ငြာ အတွက် ဝူဘင်းနှင့်ဂိုအာရာတို့အား ရွေးချယ်ထားခြင်းကို ယခင် နာမည်ကြီး သရုပ်ဆောင်များဖြစ်သည့် ကင်ဆိုဟွန်း၊စူဇီ၊ဂွန်ယို၊ဟန်ရီဆော တို့ကလည်း ထောက်ခံထားကြသည်။
ကင်ဝူဘင်းနှင့် ဂိုအာရာတို့၏ မကြာသေးမီကမှ လူသိများကျော်ကြားခဲ့သည့် သရုပ်ဆောင်မှုများကြောင့် ကုမ္ပဏီက ၎င်းတိုို့ကို ကြော်ငြာမော်ဒယ်လ်သစ်များ အဖြစ်ရွေးချယ်ခဲ့ခြင်းဖြစ်သည်။
“ကင်ဝူဘင်းနဲ့ဂိုအာရာက “Dominos Pizza”ရဲ့ အရည်အသွေးမြင့်မားတဲ့ ဂုဏ်သတင်းကို လူထုဆီအရောက် ပို့ပေးနိုင်မယ်လို့ ကျွန်တော်တို့ မျှော်လင့်ထားပါတယ်။ တစ်ချိန်တည်းမှာပဲ သူတို့ကနှစ်လိုဖွယ် ဟန်ပန်အမူအယာတွေနဲ့ ကျွန်တော်တို့ရဲ့ စားသုံးသူတွေနဲ့ ကောင်းကောင်း ဆက်သွယ်ပေးနိုင်မယ်လို့လည်း ယုံကြည် ထားပါတယ်”ဟု“Dominos Pizza”ကုမ္ပဏီမှ ကိုယ်စားလှယ်တစ်ဦးက ပြောကြားထားသည်။
ကင်ဝူဘင်းသည် မကြာသေးမီကပင် “Maxim Mocha Gold Coffee” ၏ မျက်နှာသစ် ကြော်ငြာမော်ဒယ်အဖြစ် လီနာယောင်းနှင့်တွဲ၍ သရုပ်ဆောင်ပေးခဲ့ပြီး လတ်တလောတွင် ကြော်ငြာမင်းသားအဖြစ် ရေပန်းစားနေသူဖြစ်သည်။
from Mizzima - News in Burmese's Facebook Wall http://ift.tt/1pZ5IR9
Comments
Post a Comment