ရဲမှုမစစ်သည့် CNG ယာဉ်များကို ဓာတ်ငွေ့ ထုတ်ခွင့် ပိတ်ရန်စီစဉ်
ရန်ကုန်၊ ဇွန် ၇
တစ်လတစ်ကြိမ် ရဲမှုစစ်ဆေးခြင်း မရှိသည့် CNG သဘာဝဓာတ်ငွေ့ အသုံးပြု မောင်းနှင်နေသည့် ယာဉ်များကို ဓာတ်ငွေ့ထုတ်ယူခွင့် ပိတ်သိမ်းနိုင်ရန် စီစဉ်လျက်ရှိကြောင်း အမှတ် (၂) ယာဉ်ထိန်းရဲတပ်ဖွဲ့မှူး ရုံးမှ ဒုတိယရဲမှူးကြီး လင်းထွဋ်က ပြောကြားသည်။
ယာဉ်ပိုင်ရှင်အချို့မှာ တစ်နှစ်တစ်ကြိမ် ယာဉ်လိုင်စင် ဝင်မှသာ ရဲမှု စစ်ဆေးလေ့ ရှိသဖြင့် ဒဏ်ငွေများစွာ ဆောင်ရပြီး အခက်အခဲများ ကြုံတွေ့ရကြောင်း၊ တစ်လတစ်ကြိမ် ရဲမှုစစ်ဆေးပါက ပြစ်မှုကျူးလွန်မှုများကို သိရှိရပြီး ယာဉ်မောင်း၊ ယာဉ်နောက်လိုက်များကို စည်းကမ်း လိုက်နာစေရန် ညွှန်ကြားနိုင်မည် ဖြစ်ကြောင်း ၎င်းကဆိုသည်။
“ရဲမှုမစစ်ဘဲ ပထမအကြိမ် ဂက်စ်လာထုတ်ရင် ယာဉ်ပိုင်ရှင်ကို အသိပေးစာ ပို့မယ်။ ဒုတိယအကြိမ်ဆို သတိပေးစာ ပို့မယ်။ တတိယအကြိမ်ဆို ဓာတ်ငွေ့ ထုတ်ယူခွင့် မပြုတော့ဘူး။ ရဲမှု ကင်းရှင်းထောက်ခံချက် လက်မှတ်ပါ CNG ထုတ်လို့ရအောင် စွမ်းအင်ဝန်ကြီးဌာနနဲ့ ညှိနှိုင်း ဆောင်ရွက်နေပါတယ်” ဟု ၎င်းက ပြောကြားသည်။
“အမှုရှိရင် တစ်လတစ်ခါ ဆောင်ရမယ့် သဘောပေါ့။ ယာဉ်မောင်းတွေ အတွက်လည်း ပမာဏနည်းတယ်။ ကားပြောင်း မောင်းချင်လို့ စပေါ်ပြန်လိုချင်ရင်လည်း တစ်လစာလောက် ခန့်မှန်း ဖယ်ထားပြီး ကျန်တဲ့ ငွေတွေကို ပြန်ပေးလိုက်လို့ ရတယ်” ဟု အငှားယာဉ် (TAXI) နှစ်စီးပိုင်ရှင် ဦးသိန်းထွန်းက ဆိုသည်။
ဒဏ်ငွေ သောင်းဂဏန်းဖြင့် ကောက်ခံခဲ့သည့် ယခင်စီမံချက် ဒဏ်ငွေစနစ်ကို ဖျက်သိမ်းခဲ့ပြီး နောက်ပိုင်း ဒဏ်ငွေ ၁၅၀၀ ကျပ် ပြောင်းလဲသတ်မှတ်ကာ စည်းကမ်းပျက် ယာဉ်များကို ယခင်ထက် ပိုအရေးယူခဲ့သဖြင့် ၂၀၁၄ ခုနှစ် မေလ တစ်လအတွင်း စည်းကမ်းပျက် ယာဉ်ပေါင်း ၄၃,၇၅၀ စီး ဖမ်းဆီးရမိကြောင်း အမှတ် (၂) ယာဉ်ထိန်းရဲတပ်ဖွဲ့ထံမှ စုံစမ်းသိရှိရသည်။
from The Voice Weekly's Facebook Wall http://ift.tt/1o1yu45
Comments
Post a Comment