အီဂျစ် ရွေးကောက်ပွဲ ကာကွယ်ရေးဦးစီးချုပ်ဟောင်း အယ်လ်စီစီ အနိုင်ရ ကိုင်ရို၊ ဇွန်...

အီဂျစ် ရွေးကောက်ပွဲ ကာကွယ်ရေးဦးစီးချုပ်ဟောင်း အယ်လ်စီစီ အနိုင်ရ



ကိုင်ရို၊ ဇွန် ၄



အီဂျစ်နိုင်ငံတွင် လွန်ခဲ့သော သီတင်းပတ်က စ၍ သမ္မတ ရွေးကောက်ပွဲများ ကျင်းပခဲ့ရာ အီဂျစ် ကာကွယ်ရေးဦးစီးချုပ်ဟောင်း အယ်လ်စီစီက အနိုင်ရရှိသွားကြောင်း CNA သတင်းတွင် ဖော်ပြထားသည်။



အီဂျစ်နိုင်ငံတွင် ကျင်းပသော သမ္မတ ရွေးကောက်ပွဲတွင် မဲပေးသူဦးရေ ရာခိုင်နှုန်းမှာ ၄၇ ဒသမ ၄၅ ရာခိုင်နှုန်းထိ ရှိကြောင်း အီဂျစ် ရွေးကောက်ပွဲကော်မရှင် ဥက္ကဋ္ဌ အန်ဝါရာရှတ်အယ်လ်အစီက

သတင်းစာ ရှင်းလင်းပွဲတွင် ကြေညာခဲ့သည်။



အဆိုပါ ရွေးကောက်ပွဲတွင် အီဂျစ် စစ်တပ်အကြီးအကဲဟောင်း အယ်လ်စီစီက မဲအရေအတွက် ၉၆ ဒသမ ၉ ရာခိုင်နှုန်း ထောက်ခံမဲ ရရှိခဲ့ပြီး အနိုင်ရရှိခဲ့ခြင်း ဖြစ်ကြောင်း အီဂျစ်ရွေးကောက်ပွဲ ကော်မရှင်က ကြေညာခဲ့သည်။



စစ်တပ် အကြီးအကဲဟောင်း အယ်လ်စီစီ၏ တစ်ဦးတည်း ပြိုင်ဘက် ဟမ်ဒင်ဆာဘာဟီမှာ ထောက်ခံမဲ သုံးရာခိုင်နှုန်းသာ ရရှိခဲ့သည်။



အီဂျစ်နိုင်ငံတွင် အာဏာရှင်သမ္မတ မူဘာရတ်ကို ဖြုတ်ချအပြီး သမ္မတ ဖြစ်လာသော မွတ်ဆလင် ညီအစ်ကိုများအဖွဲ့ ခေါင်းဆောင်တစ်ဦးဖြစ်သူ မိုဟာမက်မော်စီကို လွန်ခဲ့သော တစ်နှစ်ခန့်က ကာကွယ်ရေးဦးစီချုပ် ဖြစ်ပြီး ယခု ရွေးကောက်ပွဲတွင် အနိုင်ရခဲ့သော အယ်လ်စီစီက ဖြုတ်ချပစ်ခဲ့သည်။



အီဂျစ်သမ္မတ ရွေးကောက်ပွဲတွင် ဗိုလ်ချုပ်ကြီးဟောင်း အယ်လ်စီစီ အနိုင်ရကြောင်း ကြေညာခဲ့ပြီးနောက် မွတ်ဆလင် ညီအစ်ကိုများအဖွဲ့ကို ဆန့်ကျင်သည့် ဆော်ဒီအာရေးဗီးယားဘုရင် အဗ္ဗဒူလာက အီဂျစ်ကို အကူအညီပေးရန် တိုက်တွန်း ပြောကြားလိုက်သည်။



ယခုကျင်းပသည့် သမ္မတ ရွေးကောက်ပွဲကို မွတ်ဆလင် ညီအစ်ကိုများအဖွဲ့က လက်မခံဘဲ သပိတ်မှောက်ခဲ့ကြသည်။



လွန်ခဲ့သော တစ်နှစ်ခန့်က မွတ်ဆလင်ညီအစ်ကိုများအဖွဲ့ ခေါင်းဆောင် မိုဟာမက်မော်စီကို ယင်းအချိန်က အီဂျစ်ကာကွယ်ရေး ဦးစီးချုပ်ဖြစ်သူ အယ်လ်စီစီက ဖြုတ်ချခဲ့ပြီးနောက် မွတ်ဆလင် ညီအစ်ကိုများအဖွဲ့ ခေါင်းဆောင်ပိုင်းကိုသာမက အဖွဲ့ဝင် များစွာကို ဖမ်းဆီးထားခဲ့သည်။



ယခုချိန်ထိ ရဲတပ်ဖွဲ့နှင့် လမ်းပေါ်တွင် ဖြစ်ပွားသည့် ပဋိပက္ခများကြောင့် လူ ၁၄၀၀ ခန့် သေဆုံးခဲ့ရပြီး ၁၅၀၀၀ ကျော်ခန့်ကို ဖမ်းဆီး ထိန်းသိမ်းထားခဲ့သည်။ သေဆုံးသူ အများစုမှာ မွတ်ဆလင် ညီအစ်ကိုများ အဖွဲ့ဝင်များ ဖြစ်ကြသည်။



အီဂျစ်သမ္မတအဖြစ်ရွေးကောက်ခံလိုက်ရသော အယ်လ်စီစီသည် အာဏာရှင် မူဘာရတ် ပြုတ်အကျအပြီး သုံးနှစ်ခန့် အရှုပ်အထွေးများကြောင့် ကျဆင်းသွားသည့် အီဂျစ် စီးပွားရေး၊ ကမ္ဘာလှည့် ခရီးသွားကဏ္ဍနှင့် နိုင်ငံခြားရင်းနှီးမြှုပ်နှံမှုများ ပြန်လည်တိုးတက်အောင် ပြုလုပ်ရမည် ဖြစ်သည်။







from The Voice Weekly's Facebook Wall http://ift.tt/UdzmFy