ကစားသမားများ၏ အသက်မှန်ကန်ရေး နည်းပြများတွင်တာဝန်ရှိဟု ဦးဇော်ဇော်ဆို
ညီမိုဃ်း
မြန်မာနိုင်ငံ ဘောလုံးအဖွဲ့ချုပ်ဥက္ကဋ္ဌ ဦးဇော်ဇော်က ကစားသမားများ၏ အသက်မှန်ကန်ရေးမှာ နည်းပြများတွင် တာဝန်ရှိသည်ဟု ပြောကြားလိုက်သည်။
မြန်မာနိုင်ငံ ဘောလုံးအဖွဲ့ချုပ်သည် ယခုနှစ်မှစတင်၍ ကစားသမားများ၏ အသက်မှန်ကန်မှုကို တင်းကျပ်စွာ စစ်ဆေးခဲ့ပြီး မြန်မာနေရှင်နယ်လိဂ်နှင့် လိဂ်(၂) လူငယ်အသင်းများတွင် အသက်ကျော် ကစားသမား များ စစ်ဆေးတွေ့ရှိခဲ့သလို ဘောလုံးအဖွဲ့ချုပ် ဘောလုံးအကယ်ဒမီတွင်လည်း အသက်ကျော် ကစားသမား နှစ်ဦး တွေ့ရှိခဲ့ရသည်။
မြန်မာနိုင်ငံဘောလုံးအဖွဲ့ချုပ် ဥက္ကဋ္ဌဦးဇော်ဇော်က “ပြည်တွင်းက နည်းပြတွေအနေနဲ့ ကိုယ့်အသင်းအောင် မြင်မှုရရှိဖို့ တစ်ခုတည်းအတွက် မကြည့်ဘဲ မြန်မာ့ဘောလုံးလောက တိုးတက်ဖို့ကို ၀ိုင်းဝန်း ကူညီသင့် တယ်လို့ ထင်ပါတယ်။ ကိုယ့်အသင်းအတွက်ပဲ ကိုယ်ကြည့်မယ်ဆိုရင် ကစားသမားတွေ အတွက်လည်းနစ် နာမှု ရှိနိုင်ပါတယ်။ ကိုယ့်အသင်း နိုင်ချင်စိတ်နဲ့ အသက်ကျော် ကစားသမားတွေကို ထည့်ကစားမယ် ဆိုရင် ပြိုင်ဘက်အသင်းက ကစားသမားတွေအတွက်လည်း အကျိုးမရှိနိုင်သလို ၂၃ နှစ်အရွယ်အတွက် အတွေ့ အကြုံကိုရယူရမယ့် ကစားသမားက ၂၀ နှစ်အောက် အတွေ့အကြုံကို ဆင်းယူနေရရင် တကယ်တမ်း လက်ရွေးစင်အဆင့်ရောက်ရင် အတွေ့အကြုံက ကွာသွားပါပြီ။ ဒါကြောင့် လူငယ်အသင်းကို ကိုင်တွယ်ခွင့် ရတဲ့ နည်းပြတွေအနေနဲ့ ကိုယ့်အသင်းက ကစားသမားတွေရဲ့ အသက်မှန်ကန်ရေးအတွက် တာဝန်ရှိပါ တယ်” ဟု AFC-A လိုင်စင်နည်းပြ သင်တန်းဆင်းပွဲတွင် ပြောသည်။
ထို့အပြင် ဦးဇော်ဇော်က ပြည်တွင်းနည်းပြများအနေဖြင့် လက်ရွေးစင်အသင်းများကို ကိုင်တွယ်နိုင်ရန်နှင့် ပြည်ပအသင်းများတွင် သွားရောက် လုပ်ကိုင်နိုင်ရန် ကြိုးစားသင့်ကြောင်း ထပ်မံပြောကြားသည်။
ဦးဇော်ဇော်က“ကျွန်တော်တို့ရဲ့လက်ရွေးစင်အသင်းတွေကို ကြည့်ရင် ပြည်ပနည်းပြတွေပဲ ကိုင်တွယ်နေရပါတယ်။ လက်ရွေးစင်အသင်းမှာဆိုရင် ဆားဘီးယား၊ အမျိုးသမီးအသင်းမှာဆိုရင် ဂျပန်၊ ယူ-၁၉ အသင်းမှာ ဆိုရင် ဂျာမနီ၊ ယူ-၁၆ အသင်းမှာဆိုရင် ဘူဂေးရီးယားနိုင်ငံက နည်းပြတွေ တာဝန်ယူနေတယ်။ ကျွန်တော်တို့ မြန်မာနည်းပြတွေ မရှိကြဘူး။ ဒါ့ကြောင့် မြန်မာနည်းပြတွေအနေနဲ့ လက်ရွေးစင်အသင်းတွေမှာ တာဝန် ယူနိုင်အောင် ကြိုးစားဖို့ လိုပါတယ်။ နောက်တစ်ခုက သူများတွေလို အခြားနိုင်ငံက ကလပ်အသင်းတွေမှာ တာဝန်ယူနိုင်တဲ့ နည်းပြတွေဖြစ်အောင် ကြိုးစားကြဖို့ လိုပါတယ်” ဟု ပြောသည်။
from Mizzima - News in Burmese's Facebook Wall http://ift.tt/Sah9XD
Comments
Post a Comment