အီရတ်စစ်သွေးကြွများ မြို့ကြီးနှစ်မြို့ကို ထိန်းချုပ် ဒုက္ခသည်များအတွက် စိုးရိမ်ြေ...

အီရတ်စစ်သွေးကြွများ မြို့ကြီးနှစ်မြို့ကို ထိန်းချုပ် ဒုက္ခသည်များအတွက် စိုးရိမ်ကြောင်း UN ထုတ်ပြန်



မိုဆော၊ ဇွန် ၁၂



အီရတ်၏ မြို့ကြီး ၂ မြို့ ဖြစ်သော မိုဆောနှင့် တီကရစ်တို့ကို အစ္စလာမ္မစ် သူပုန်များက ထိန်းချုပ်လိုက်သဖြင့် ငါးသိန်းခန့် ရှိသော ပြည်သူများ အရေးပေါ် တိမ်းရှောင်ကြရလေရာ ၎င်းတို့ကို လူသားချင်းစာနာမှု ရှုထောင့်အရ စိုးရိမ်မိကြောင်း ကုလသမဂ္ဂက ထုတ်ပြန်လိုက်သည်ဟု BBC သတင်းတစ်ရပ်က ဆိုသည်။



“အချိန်နှင့်အမျှ အခြေအနေက ကြောက်စရာ ကောင်းနေပြီး ပိုဆိုးလာနေပါတယ်” ဟု ယင်းထုတ်ပြန်ချက်တွင် ဖော်ပြထားသည်။



အစိုးရတပ်များက သူပုန်များကို မြို့တော်ဘဂ္ဂဒက်မှ ၁၁၀ ကီလိုမီတာအကွာတွင် ခုခံထားနိုင်ပြီး ၎င်းတို့ ရှေ့ဆက်ချီတက်လာမည့် လမ်းကြောင်းကို ပိတ်ထားနိုင်သော်လည်း သူပုန်သိမ်းခံထားသော မြို့ကြီး ၂ မြို့မှ ပြည်သူများက အသက်အန္တရာယ်အတွက် ပြေးလွှားခဲ့ကြရသည်။



စစ်သွေးကြွများကို တိုက်ခိုက်ရာတွင် အကူအညီများ ပေးမည်ဟု အမေရိကန်က ကြေညာထားပြီး မည်သို့ မည်ပုံ ကူညီမည်ကိုတော့ တိတိကျကျ မပြောထားပေ။



သူပုန်များ သိမ်းထားသော တီကရစ်မြို့သည် ဆက်ဒမ်ဟူစိန်၏ ဇာတိဖြစ်ပြီး သူပုန်အင်အားစုများသည် ဆွန်နီစစ်သွေးကြွ အစ္စလာမ္မစ် အီရတ်နိုင်ငံတော် အဖွဲ့ဖြစ်ကာ အယ်လ်ကေဒါ လက်အောက်ခံ အဖွဲ့လည်း ဖြစ်သည်။



ISIS ဆွန်နီသူပုန်များသည် ဆီးရီးယားတွင်လည်း အဓိက သူပုန်အင်အားစု တစ်ရပ်ဖြစ်ကာ အီရတ်-ဆီးရီးယား နယ်စပ်တစ်လျှောက် အင်အားကြီးထွားလာလျက် ရှိသည်။



သူပုန်အဖွဲ့က ၎င်းတို့သည် မြို့တော်ဘဂ္ဂဒက်နှင့် တောင်ပိုင်း ရှီးယိုက်မြို့များအထိ ချီတက်ကြမည် ဖြစ်ကြောင်း ထုတ်ပြန်ထားသည်။



ယခင်ကလည်း ဖာလူဂျာဒေသကို မွတ်ဆလင်သူပုန်များ သိမ်းပိုက်နိုင်ခဲ့သော်လည်း အီရတ်စစ်တပ်က ပြန်လည် တိုက်ထုတ်နိုင်ခဲ့သည်။



စစ်သွေးကြွများသည် တောင်ပိုင်းအထိ တိုက်ခိုက်မှု ရှေ့ဆက်လျက် ရှိနေသည်ဟု AFP သတင်းက ဖော်ပြထားပြီး ခုခံထားသော အစိုးရတပ်များနှင့် တိုက်ပွဲများ ဖြစ်ပွားနေသည်။



သူပုန်များက အီရတ်စစ်တပ်၏ ဟမ်းဗီးစစ်ကားများကိုပါ သိမ်းလိုက်နိုင်ခဲ့ပြီး ယင်းကားများပေါ်တက် အောင်ပွဲခံနေသည့် ဓာတ်ပုံများလည်း မီဒီယာများပေါ်တွင် တွေ့ရသည်။







from The Voice Weekly's Facebook Wall http://ift.tt/1l7gins