အီရတ်၏ တိုက်ပွဲများမှာ ဘာသာရေးဂိုဏ်းဂဏ စိတ်ဝမ်းကွဲမှုများကြောင့်ဟု ကန်သမ္မတ အိုဘား...

အီရတ်၏ တိုက်ပွဲများမှာ ဘာသာရေးဂိုဏ်းဂဏ စိတ်ဝမ်းကွဲမှုများကြောင့်ဟု ကန်သမ္မတ အိုဘားမားပြော



ရိုက်တာ



အီရတ်နိုင်ငံ၏ တိုက်ပွဲများမှာ ဘာသာရေး ဂိုဏ်းဂဏ စိတ်ဝမ်းကွဲမှုများ၏ ရလဒ်တစ်ခု ဖြစ်ကြောင်းနှင့် ထိုကွဲပြားခြားနားမှုများကို ဖြေရှင်းနိုင်ရန်မှာ အီရတ်ပြည်သူများ နှင့် ခေါင်းဆောင်များပေါ်တွင် မူတည်နေကြောင်း အမေရိကန် သမ္မတ ဘာရက်အိုဘားမားက ဇွန်လ ၂ဝရက်က ပြောကြားခဲ့သည်။



ရုပ်သံ သတင်းဌာန အများအပြားက ကောက်နုတ် ထုတ်လွှင့်ခဲ့ကြသော အင်တာဗျူးတွင် သမ္မတက အီရတ်တွင် ISIL သူပုန်အဖွဲ့၏ အန္တရာယ်အား ကာကွယ်နိုင်ရေးအတွက် ကူညီမည်ဖြစ်သော်လည်း အမေရိကန်အကူအညီမှာ အကန့်အသတ်ရှိမည်ကာ အခြေအနေများပေါ်တွင် မူတည်လိမ့်မည်ဟုလည်း အိုဘားမားက ပြောခဲ့သည်။ ISIL သူပုန်များသည် အီရတ်မြောက်ပိုင်းရှိ ဒေသများကို သိမ်းပိုက် ထားကြသည်။



အီရတ်တွင် လူနည်းစုများ၏ စိုးရိမ်မှုများကို ဖြေရှင်းမပေးနိုင်ခဲ့ခြင်း နှင့် ဧပြီလ ရွေးကောက်ပွဲအပြီး အစိုးရတစ်ရပ် ဖွဲ့စည်းခဲ့ရာတွင် ရှင်းရှင်းလင်းလင်း မရှိခဲ့ခြင်းတို့ကြောင့် အီရတ်နိုင်ငံရေး မတည်မငြိမ် ဖြစ်ခဲ့ရခြင်း ဖြစ်ကြောင်းလည်း အိုဘားမားက ပြောခဲ့သည်။



အိုဘားမားသည် အီရတ်နိုင်ငံသို့ စစ်ဘက်အကြံပေးအရာရှိ ၃ဝဝခန့် အထိ စေလွှတ်ထားကာ လိုအပ်ပါက လေကြောင်းတိုက်ခိုက်မှုလည်း ပြုလုပ်မည်ဖြစ်ဟု ခြိမ်းခြောက်ထားသည်။ ယခုအခါ အီရတ်နိုင်ငံ မြောက်ပိုင်းကို ဆွန်နီ အစ္စလာမစ်များက ထိန်းချုပ်ထားပြီး ဘဂ္ဂဒက်မြို့ဆီသို့ ဦးတည်ချဉ်းကပ်လျက်ရှိသည်။



ရှီးယားမူစလင် နှင့် ဆွန်နီမူစလင်များအကြား သံသယများ ကြီးထွားလာခြင်းကြောင့် အီရတ်တွင် တင်းမာမှုများ ပိုမိုမြင့်တက်လာလျက်ရှိကြောင်း အမေရိကန် သမ္မတက ဆိုခဲ့သည်။



ဆွန်နီ၊ ရှီးယား နှင့် ကာ့ဒ်များ အားလုံး လုံလောက်စွာ ပါဝင်ကိုယ်စားပြုနိုင်မည့် အစိုးရ တစ်ရပ် ဖြစ်ရေးမှာ အီရတ်နိုင်ငံအတွက် စိန်ခေါ်ချက်တစ်ရပ်ဖြစ်ကြောင်းလည်း အမေရိကန် သမ္မတ အိုဘားမားက ဆိုခဲ့သည်။

from Mizzima - News in Burmese's Facebook Wall http://ift.tt/1uNSipj