နိုင်ငံခြားရောက် အလုပ်သမားများအတွက် အထူးဥပဒေ ပြဋ္ဌာန်းရန် ကိုယ်စားလှယ် လေးဦးသာ ထောက်ခံ
နေပြည်တော်၊ ဇွန် ၉
နိုင်ငံခြားရောက် မြန်မာအလုပ်သမားများ နစ်နာမှု မရှိစေရေးနှင့် အခကြေးငွေ ရပိုင်ခွင့်နှင့် လုပ်ပိုင်ခွင့်များ ရရှိရန် အလုပ်သမားဆိုင်ရာ ဥပဒေတစ်ရပ် အလျင်အမြန် ပြဋ္ဌာန်းနိုင်ရန် သင်္ဃန်းကျွန်း မဲဆန္ဒနယ်မှ ဦးသိန်းညွန့်၏ အဆိုကို လွှတ်တော်ကိုယ်စားလှယ် လေးဦးသာ ထောက်ခံခဲ့သည်။
နိုင်ငံခြား တိုင်းပြည်များသို့ သွားရောက် အလုပ်လုပ်ကိုင်နေသော မြန်မာတိုင်းရင်းသား အိမ်အကူများနှင့် အိမ်ဖော်များသည် ညှဉ်းပန်းနှိပ်စက် ခံရခြင်း၊ အသတ်ခံရခြင်းနှင့် ပဋိပက္ခများအကြား ရောက်ရှိသည့် အချိန်တွင် ထိုက်တန်သော ဘဝရပ်တည်မှုကို ရရှိစေရန် တင်သွင်းရခြင်း ဖြစ်ကြောင်း ပြည်သူ့လွှတ်တော် ကိုယ်စားလှယ် ဦးသိန်းညွန့်က ဆိုသည်။
ပြည်ပရောက် မြန်မာအလုပ်သမား တိုင်းရင်းသား သုံးသန်းကျော်အတွက် အမှန်လိုအပ်နေသောကြောင့် ဥပဒေတစ်ရပ်အဖြစ် ပြဋ္ဌာန်းပေးသင့်ကြောင်း ရေးမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်မိမြင့်သန်းက လွှတ်တော်အတွင်း ထောက်ခံပြောဆိုသည်။
ပြည်ပရောက် မြန်မာအလုပ်သမားများ၏ အခက်အခဲများကို လက်ရှိတွင် နိုင်ငံတကာ စံချိန်စံနှုန်းများဖြင့် လိုက်လျောညီထွေ ဖြစ်စေရန် သံတမန်ဆိုင်ရာ ညှိနိုင်းမှုများဖြင့် ဆောင်ရွက်လျက် ရှိသောကြောင့် ယင်းဥပဒေကို ပြဋ္ဌာန်းရန် မလိုကြောင်း အလုပ်သမား ဝန်ကြီးဌာန ဒုတိယဝန်င်္ကြီး ဦးထင်အောင်က ပြောသည်။
ဥပဒေတစ်ရပ် ပြဋ္ဌာန်းရေးသည် အများပြည်သူအပေါ် အကျိုးသက်ရောက်မှု ရှိရန် လိုအပ်ပြီး အလျင်စလို ပြဋ္ဌာန်းရန် စီစဉ်ခြင်းသည် မလုပ်သင့်သည့် ကိစ္စဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက မှတ်ချက်ပေးသည်။
ထို့ကြောင့် ဦးသိန်းညွန့် တင်သွင်းသော အဆိုကို ထိုင်ထစနစ်ဖြင့် မဲခွဲဆုံးဖြတ်ရာတွင် ကြံ့ခိုင်ရေးပါတီနှင့် အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်များ အပါအဝင် ကိုယ်စားလှယ် ၄၀၀ ခန့် ကန့်ကွက်ခဲ့ပြီး ဦးသိန်းညွန့်နှင့် ကိုယ်စားလှယ် ငါးဦးသာ ထောက်ခံခဲ့သဖြင့် အဆို ရှုံးနိမ့်ခဲ့သည်။
အဆို ရှုံးနိမ့်ခဲ့သော်လည်း ပြည်တွင်းအလုပ်သမားများနှင့် သက်ဆိုင်သည့် အဆိုကို လာမည့် ဧကာ ဒသမအကြိမ်တွင် ထပ်မံတင်သွင်းသွားမည် ဖြစ်ကြောင်း ဦးသိန်းညွန့်က ပြောကြားသည်။
ပြည်သူ့လွှတ်တော်တွင် ဦးသိန်းညွန့် တင်သွင်းခဲ့သော အဆိုများမှာ အများစု ရှုံးနိမ့်ခဲ့ပြီး အနည်းစုသာ အောင်မြင်ခဲ့သည်။
from The Voice Weekly's Facebook Wall http://ift.tt/1mAMQlf
Comments
Post a Comment