ကျေးလက်အိမ်ရာစီမံကိန်း အကောင်အထည်ဖော်မည်
မောင်သင်တုန်း| သောကြာနေ့၊ ဇွန်လ ၆ ရက်၊ ၂၀၁၄ ခုနှစ်
တိုင်းနှင့်ပြည်နယ်များရှိ ကျေးလက်ဒေသများတွင် ကျေးလက်အိမ်ရာစီမံကိန်းများ အကောင်အထည်ဖော်ရန် စီစဉ်ဆောင်ရွက်လျက်ရှိသည်ဟု မွေးမြူရေးရေလုပ်ငန်းနှင့် ကျေးလက်ဒေသဖွံ့ဖြိုးရေး ၀န်ကြီးဌာန ဒု-၀န်ကြီး ဦးခင်မောင်အေးက လွှတ်တော်သို့ လာရောက်စဉ် ဇွန် ၅ တွင် မဇ္ဈိမကို ပြောသည်။
“ကျေးလက်အိမ်ရာ စီမံကိန်းပေါ့၊ စီစဉ်ဆောင်ရွက်နေတယ်။ အဓိကတော့ဝန်ထမ်းတွေကို ဦးစားပေးမယ်။ ကျန်းမာရေးဝန်ထမ်းတွေလိုမျိုးပေါ့ ” ဟု ဒုတိယ၀န်ကြီး ဦးခင်မောင်အေးက ပြောသည်။
လက်ရှိအနေအထားမှာ ဆောင်ရွက်ပေးရန်စီစဉ်သည့်ကာလဖြစ်သည့်အတွက် မည်သို့ဆောက်လုပ်ပေးမည်ကို မပြောနိုင်သေးပေ။ အဓိက ဖွံ့ဖြိုးမှုနည်းသည့်ကျေးရွာများတွင် တည်ဆောက်ပေးနိုင်ရန် မျှော်မှန်းထားပြီး ဘတ်ဂျက်ရရှိမှုအပေါ်မူတည် ဆောင်ရွက်သွားမည်ဖြစ်သည်။
ကျေးလက်အိမ်ရာများဆောက်ပေးထားမှုများရှိသော်လည်း လုံလောက်မှုလုံးဝ မရှိသည့်အတွက် လိုအပ်သည့်နေရာများတွင် သီးသန့်ဆောင်ရွက်ပေးနိုင်မည်ဟု ဆိုသည်။ လူထုဗဟိုပြု ဖွံ့ဖြိုးတိုးတက်ရေးအတွက်လည်း ကျေးရွာတစ်ခုလျှင် ကျပ် သိန်း ၃၀၀ ပေးသော်လည်း နည်းပါးလျက်ရှိသည်ဟု ဒု-၀န်ကြီးက ဆက်ပြောသည်။
ကျေးလက်ဒေသဖွံ့ဖြိုးရေးမှာ ရန်ပုံငွေခွဲသည့်အခါတွင် ကျေးလက်အိမ်ရာဆောက်လုပ်ပေးရန် သီးသန့် ခွဲပေးမှုများပါသော်လည်း ရရှိမှုနည်းပါးသည်ဟုဆိုသည်။ သဘာဝဘေးကြောင့် ပျက်စီးဆုံးရှုံးသွားလျှင် တည်ဆောက်ရေးလုပ်ငန်းများကို ချက်ချင်းဆောင်ရွက်ပေးနိုင်ရန် ပေါ်လစီအရ စီမံချက်ဖြင့် ချက်ချင်းဆောင်ရွက်လျက်ရှိသည် ဟုဆိုသည်။
“လာမယ့်နှစ်မှာ ဆောက်လုပ်ဖို့ရှိတယ်။ သူဘတ်ဂျက်ပေါ် မူတည်တယ်” ဟု ဒုတိယ၀န်ကြီး ဦးခင်မောင်အေးက မဇ္ဈိမကို ပြောသည်။
အချို့မြို့နယ်များရှိ ကျေးလက်ဒေသများတွင် အမှန်တကယ် နေထိုင်မည့် အဆောက်အအုံဆောက်လုပ်ရန် အခက်အခဲများရှိပါက ကျေးရွာအုပ်ချုပ်ရေးမှူးများမှတစ်ဆင့် စာစီပြီးမွေးမြူရေးရေလုပ်ငန်းနှင့် ကျေးလက်ဒေသဖွံ့ဖြိုးရေး ၀န်ကြီးဌာနကို ကူညီဆောင်ရွက်ပေးရန် တောင်းခံနိုင်သည်ဟု ဆိုသည်။
from Mizzima - News in Burmese's Facebook Wall http://ift.tt/1pcDxf0
Comments
Post a Comment