ရှေ့ဘီးနှစ်ဘီးပါ ဆိုင်ကယ် မြိတ်ဈေးကွက်တွင် ဝယ်သူမရှိ မြိတ်၊ ဇွန် ၁၄ မြိတ်မော်...

ရှေ့ဘီးနှစ်ဘီးပါ ဆိုင်ကယ် မြိတ်ဈေးကွက်တွင် ဝယ်သူမရှိ



မြိတ်၊ ဇွန် ၁၄



မြိတ်မော်တော်ဆိုင်ကယ် ဈေးကွက်အတွင်းသို့ မေလ ပထမပတ်မှ စပြီး ဝင်ရောက်လာသည့် ရှေ့ဘီးနှစ်ဘီးပါ မော်တော်ဆိုင်ကယ်များ လက်ရှိအချိန်ထိ ဝယ်သူမရှိဟု မော်တော်ဆိုင်ကယ် အရောင်းပြခန်းအချို့မှ သိရသည်။



ဆိုင်တွင် နှစ်စင်း တင်ရောင်းထားသော်လည်း ဝယ်ယူသူ မရှိသေးဟု N2O မော်တော်ဆိုင်ကယ် အရောင်းပြခန်းမှ ဝန်ထမ်းတစ်ဦးက ပြောသည်။



“အရောင်းအဝယ်ဖြစ်တာ တစ်စီးမှ မရှိသေးဘူး” ဟု Easy Rider Motorbike Co., Ltd မော်တော်ဆိုင်ကယ် အရောင်းပြခန်းမှ အရောင်းတာဝန်ခံက ပြောသည်။



အထက်ပါဆိုင်ကယ် ၂၀၁၄ မော်ဒယ်လ် အမျိုးအစားတစ်စီး၏ ကာလပေါက်ဈေးမှာ ကျပ် ၂၄ သိန်းနှင့်အထက် ရှိသည်ဟု ယင်းဆိုင်ကယ် တင်ရောင်းထားသည့် အရောင်းပြခန်း တချို့မှ သိရသည်။



ယင်းဆိုင်ကယ်များ ဝယ်သူ မရှိသည်မှာ ဈေးနှုန်းကြောင့် မဟုတ်ဘဲ လိုင်စင် မထုတ်ပေးသေးသည့် အတွက် ဖြစ်နိုင်ကြောင်း မြိတ်မြို့ခံ ဆိုင်ကယ် အကျိုးဆောင်များက မှတ်ချက်ပြုသည်။



ထိုင်းနိုင်ငံထုတ် RI CITY (YAMAHA) HONDA ကုမ္ပဏီမှ တင်သွင်းလာသည့် ရှေ့နှစ်ဘီးပါ မော်တော်ဆိုင်ကယ်များကို လိုင်စင် ပြုလုပ်ပေးနိုင်ရန် နေပြည်တော် ရုံးချုပ်သို့ မေလအတွင်းက တင်ပြထားဆဲ ဖြစ်သည်ဟု မြို့နယ် ကညနရုံးမှ သိရသည်။



ရှေ့ဘီးနှစ်ဘီး ရှိသည့်အတွက် လမ်းကောင်းသည့် နေရာများတွင် အခြားဆိုင်ကယ်များထက် ပိုသက်သောင့်သက်သာ ရှိသော်လည်း မြိတ်တွင် မြို့တွင်းလမ်းများ မကောင်းသည့်အတွက် စီးနင်းရာတွင် အနည်းငယ် အခက်တွေ့ကြောင်း ယင်းဆိုင်ကယ်ကို ထိုင်းမှ တိုက်ရိုက်ဝယ်ယူ စီးနင်းသူ အချို့က ပြောသည်။



မြိတ်တွင် ဆိုင်ကယ်များကို ဘဏ်များနှင့် ချိတ်ဆက်ပြီး အရစ်ကျစနစ်ဖြင့် ဝယ်ယူနိုင်ကြောင်းနှင့် ဆိုင်ကယ်ပြခန်း ၆ ခန်းနှင့် အရောင်းဆိုင်ခွဲ ၂၀ ကျော်ခန့် ရှိသည်ဟု ဒေသခံများထံမှ သိရသည်။



(Dawei Watch)

from The Voice Weekly's Facebook Wall http://ift.tt/1vk7w7F