သိမ်းဆည်းမြေများ ပြန်ပေးရန် ကြန့်ကြာနေပါက တောင်သူလယ်သမားအရေးတော်ပုံကြီး ဖြစ်ပွား...

သိမ်းဆည်းမြေများ ပြန်ပေးရန် ကြန့်ကြာနေပါက တောင်သူလယ်သမားအရေးတော်ပုံကြီး ဖြစ်ပွားနိုင်



အောင်ကိုဦး| အင်္ဂါနေ့၊ ဇွန်လ ၁၇ ရက်၊ ၂၀၁၄ ခုနှစ်



သိမ်းဆည်းခံထားရသော လယ်ယာမြေများ၂၀၁၄ခုနှစ် မကုန်မီပြန်လည်ပေးအပ်မှသာ စစ်မှန်သည့် အစိုးရအဖြစ် ယုံကြည်မှုရှိလာမည်ဖြစ်ပြီး၊ ၂၀၁၅ မတိုင်ခင် ပေးရန် ကြန့်ကြာနေပါက တစ်နိုင်ငံလုံးအတိုင်းအတာနှင့် တောင်သူလယ်သမားအ ရေးတော်ပုံကြီးဖြစ်ပွားနိုင်သည်ဟု တောင်သူလယ်သမားအရေး ဆောင်ရွက်သူများက သုံးသပ်ပြောဆိုသည်။



စစ်တပ်က သိမ်းဆည်းလယ်ယာမြေ များ ပြန်လည်စွန့်လွှတ်ပေးရန် နှောင့်နှေး နေခြင်းကြောင့် မန္တလေး တိုင်းအတွင်း ထွန်တုံးတိုက်ပွဲများ ဆက်တိုက်ဖြစ်နေသည်ဟု တောင်သူလယ်သမားများအရေး စောင့် ကြည့်သုတေသနပြုနေသောအဖွဲ့မှ ဦးကျော်ကျော်မိုးက ပြောသည်။



“ကျွန်တော်တို့အဖွဲ့က စောင့်ကြည့် သုတေသနပြုတဲ့အဖွဲ့ပါ။ တပ်ကစွန့်လွှတနေတဲ့ မြေပမာဏက နည်း နေသေးတယ်။တချို့ပိုလျှံနေတဲ့မြေတွေက ပုဂ္ဂလိကနဲ့ နှစ်ရှည်အကျိုးတူ လုပ်ထားတာတွေဆိုတော့ သူတို့ ဘက်မှာလည်း အခက်အခဲအများ ကြီးရှိတယ်ဆိုတာ နားလည်တယ်။ အခုဖြစ် နေတာတွေက တောင်သူနဲ့ သူတို့ သီးစားချထားတဲ့ သူတွေနဲ့ တိုက်ရိုက်ပြဿနာဖြစ် တာများတယ်။ ဒါကိုလည်းတပ်ပိုင်းက ပြီး ပြတ်အောင် ဖြေရှင်းပေးသင့်တယ်”ဟု ဦး ကျော်ကျော်မိုးက ပြောသည်။



ပုဒ်မအမျိုးမျိုးတပ် တရားစွဲခံနေရ သည့် တောင်သူ ၆၀ ကျော်ရှိသည်။ အ ဆိုပါမြို့နယ်တွင် စစ်တပ်နှင့် ၀န်ကြီးဌာန က သိမ်းဆည်းထားသော လယ်ယာမြေ တစ်သိန်းကျော်ရှိပြီး ယင်းလယ်ယာမြေ များကို အကြောင်းအမျိုးမျိုးပြသိမ်းယူကာ နစ်နာကြေးခြင်းမရှိကြောင်း ဆိုသည်။



“လယ်ယာမြေတွေ မူလပိုင်ရှင်လက်ထဲ ရောက်ဖို့ ကြန့်ကြာနေတာကတော့ တိုင်းအစိုးရအဖွဲ့ အဂတိ လိုက်စားနေလို့ပဲ။ အမှန်တယ်စွန့်ထားတဲ့ မြေကိုတော့ အမြန် ဆုံးပြန်လည်ပေးစေချင်တယ် ”ဟု မတ္တရာ မြို့နယ်မှ တောင်သူတစ်ဦးက ပြောသည်။



ကျောက်ပန်းတောင်းမြို့နယ်တွင် လည်း တောင်သူ၂၀၀ကျော် တရားစွဲဆိုခံ ရပြီး ကျောက်ပန်းတောင်း မြို့ နယ် တရားရုံး တွင် အမှုရင်ဆိုင်နေရသည်။



တပ်သိမ်းမြေများ ပြန်လည်ရရှိရေးမှာ မန္တလေးတိုင်းအစိုးရအဖွဲ့တွင်လည်း တာဝန်ရှိကြောင်း၊ တိုင်းဒေ သကြီးအစိုးရအဖွဲ့ က ဆောင်ရွက်ရာတွင် ဘက်လိုက်မှုနှင့် အဂတိ လိုက်စားမှုများရှိသောကြောင့် နှောင့် နှေးနေသည်ဟု ဝေဖန်ပြောဆိုသည်။



မန္တလေးတိုင်းအတွင်းရှိ လယ်သိမ်းခံ တောင်သူများက သိမ်းဆည်းမြေများ ပြန် လည်ရရှိစေရန် ထွန်တုံး တိုက်ပွဲများဆက် တိုက်ဆင်နွှဲရန် စီစဉ်လျက်ရှိပြီး ဇွန်လ၁၇ ရက်တွင်လည်း မြစ်သားမှ စစ်တပ်က သိမ်း ယူထားသော လယ်ယာမြေများကို ပြန် ရရန် ထွန်တုံးတိုက်ပွဲဝင်မည်ဖြစ်သည်။

from Mizzima - News in Burmese's Facebook Wall http://ift.tt/1uzLYlh