အချိုးကျ ကိုယ်စားပြု ပီအာရ်စနစ်ကို အမျိုးသားလွှတ်တော် အတည်ပြု
အောင်သူရထွန်း| ကြာသပတေးနေ့၊ ဇွန်လ ၁၂ ရက်၊ ၂၀၁၄ ခုနှစ်
အချိုးကျကိုယ်စားပြုစနစ် PR ကို အမျိုးသားလွှတ်တော်ကိုယ်စားလှယ် ၂၆ ဦး သုံးရက်ကြာ အချိန်ပေးဆွေးနွေးခဲ့ပြီး မဲခွဲဆုံးဖြတ်ရာတွင် ထောက်ခံသူ ၁၁၇ ဦး၊ ကန့်ကွက်သူ တပ်မတော်ကိုယ်စားလှယ်များအားလုံး အပါအ၀င် ၈၅ ဦးသာရှိသည့် အတွက် လာမည့်ရွေးကောက်ပွဲများတွင် ယင်းစနစ်ကျင့်သုံးရန် ရွေးကောက်ပွဲကော်မရှင်ကို တိုက်တွန်းကြောင်း အဆို အနိုင်ရရှိခဲ့သည်။
“ကော်မရှင်တစ်ရပ်ဖွဲ့စည်း ဆောင်ရွက်ပြီး ဒီကော်မရှင်မှာ ငြင်းကြ၊ ခုန်ကြဦး၊ ကော်မရှင်ရဲ့ အစီရင်ခံစာ တင်ပြီးတော့ ဘယ်နည်းလမ်းနဲ့ လုပ်သင့်လဲ၊ ဒါရွေးကောက်ပွဲကော်မရှင်နဲ့ တိုင်ပင်ပြီးလုပ်ရမှာ ဖြစ်ပါတယ်”ဟု အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ပြောသည်။
ယင်းစနစ် ကျင့်သုံးနိုင်ရန် အမျိုးသားလွှတ်တော် ကိုယ်စားလှယ်များနှင့် ပြင်ပမှပညာရှင် သုံးဦးအပါအ၀င် ၄၄ ဦးက လေ့လာသုံးသပ်ပြီး ရေးဆွဲရေးကော်မတီတစ်ခု ဖွဲ့စည်းကာ ဦးဇော်မြင့်ဖေက ဥက္ကဋ္ဌတာဝန် ယူ ဆောင်ရွက်ရန် အမျိုးသားလွှတ်တော်က ဆုံးဖြတ်ပေးလိုက်သည်။
အချိုးကျကိုယ်စားပြုစနစ်ကို ပြောင်းလဲကျင့်သုံးမည်ဆိုလျှင် ပြည်သူလူထုကို မဲပေးစနစ်ပညာပေးရန် ခက်ခဲ သကဲ့သို့ နားလည်သဘောပေါက်ရန် အလွန်ခက်ခဲပြီး ရွေးကောက်ပွဲကော်မရှင်၏ ဘတ်ဂျက်ငွေများ၊ လူ နည်းစုတိုင်းရင်းသားပါတီ ကိုယ်စားလှယ်များ နည်းပါးသွားမည်ကို ထောက်ပြကာ ကန့်ကွက်ဆွေးနွေး ခဲ့ကြသည်။
ကရင်ပြည်နယ်၊ မဲဆန္ဒနယ်အမှတ်(၁) မှ အမျိုးသားလွှတ်တော်ကိုယ်စားလှယ် ဦးစောအောင်ကျော်နိုင်က “ကျွန်တော့် ပါတီတံဆိပ်က ကျွဲချိုကိုမှတ်ထားလို့ သင်ပေးလိုက်တာ မဲသွားထည့်တဲ့အခါ မဲစာရွက်က မင် တွေများနေတဲ့အတွက် စပါးနှံပုံလေးတွေ့တော့ ငါတို့ကတောင်သူပဲ စပါးနှံကို ခြစ်မယ်ဆိုပြီးခြစ်တယ်။ပြီးတော့မှ အောက်မှာ ကျွန်တော့်အမည်ကို တွေ့တော့ ထပ်ပြီး အမှန်ခြစ်တယ်၊ အဲဒီတော့ ပယ်မဲ ဖြစ်ရော။ ဒီလောက်ရိုးရှင်းတဲ့ လွယ်ကူတဲ့ မဲစနစ်တောင်ပယ်မဲတွေဖြစ်နေတာ။ နောက်ထပ်စနစ်တစ်ခု ပြောင်းမယ်ဆိုတော့ ကျွန်တော့်အနေနဲ့ လုံးဝ(လုံးဝ) ကန့်ကွက်တယ်”ဟု ပြော သည်။
ထို့အပြင် ရန်ကုန်တိုင်းဒေသကြီး မဲဆန္ဒနယ်အမှတ်(၁)မှ အဆိုရှင် ဒေါ်ခင်ဝိုင်းကြည်က “ဒီစနစ်က ပါတီငယ်တွေရော တိုင်းရင်းသားပါတီတွေအတွက်ပါ တကယ်ကောင်းမွန်တဲ့စနစ်ပါ။ နိုင်သူ အကုန်ယူစနစ် (FPTP) က ရှုံးသွားတဲ့ အမတ်လောင်းကို ထောက်ခံတဲ့ ပြည်သူတွေအကျိုး လွှတ်တော်မှာတင်ပြခွင့် ဆုံးရှုံး သွားတဲ့အတွက် ပြည်သူတွေ နစ်နာတယ်”ဟု လွှတ်တော် အပြီးတွင် မီဒီယာများကို ပြောသည်။
from Mizzima - News in Burmese's Facebook Wall http://ift.tt/1qxHvir
Comments
Post a Comment