နိုင်ငံရေး အကျင့်ပျက်ခြစားမှုကို တရားဝင် ခွင့်ပြုတော့မှာလား ယခုနှစ်အတွင်း ၂၀၁၅...

နိုင်ငံရေး အကျင့်ပျက်ခြစားမှုကို တရားဝင် ခွင့်ပြုတော့မှာလား



ယခုနှစ်အတွင်း ၂၀၁၅ ခုနှစ် ပြည်လုံးကျွတ် ရွေးကောက်ပွဲအတွက် အကြိုအားစမ်းပွဲဟု ဆိုနေကြသည့် ကြားဖြတ်ရွေးကောက်ပွဲ ပြုလုပ်ရန်ရှိနေပြီး ယင်းနှင့်ဆက်စပ်၍ ပြည်ထောင်စုရွေးကောက်ပွဲ ကော်မရှင်က မေလအတွင်း ညွှန်ကြားချက်၊ ထုတ်ပြန်ချက်များသည် ရွေးကောက်ပွဲ လွတ်လပ်မျှတရေးအတွက် စိုးရိမ်စရာများ ဖြစ်လာကြောင်း သုံးသပ်မှုများ ရှိနေသည်။



ရွေးကောက်ပွဲ ကော်မရှင်က ပထမဆုံး အနေဖြင့် ပါတီများကို ကန့်သတ်သည့် ညွှန်ကြားချက် မူကြမ်းတစ်စောင် ထုတ်ပြန်ခဲ့ပြီး အဆိုပါ ညွှန်ကြားချက်မူကြမ်းတွင် မဲဆွယ်စည်းရုံးခွင့် ရက်ပေါင်း ၃၀ သာ ခွင့်ပြုခြင်း၊ ရွေးကောက်ပွဲကော်မရှင်၏ ခွင့်ပြုချက်ဖြင့်သာ အခြားသူက ကူညီမဲဆွယ် ဟောပြောခွင့်ရမည်ဖြစ်ခြင်း၊ ရွေးကောက်ပွဲကော်မရှင်၏ ခွင့်ပြုချက်ဖြင့်သာ မီဒီယာများမှတစ်ဆင့် စည်းရုံးဟောပြောခွင့် စသည့်အချက်များ ပါဝင်ခဲ့သည်။



ယင်းကဲ့သို့ ညွှန်ကြားချက် ထုတ်ပြန်နိုင်ရန် စီစဉ်ခြင်းအပေါ် ဝေဖန်မှုများစွာရှိခဲ့ပြီး ယင်းမှာ ရွေးကောက်ပွဲတွင် လွတ်လပ်စွာမဲဆွယ်ခွင့် ကန့်သတ်လိုခြင်းကြောင့်သာ ဖြစ်ကြောင်းနှင့် ပြည်ထောင်စုရွေး ကောက်ပွဲကော်မရှင်ကို အသစ်ပြန်လည် ဖွဲ့စည်းပေးရန် တိုက်တွန်းမှုများ ရှိခဲ့သည်။



ထို့နောက် မေ ၂၂ ရက်တွင် ပြည်ထောင်စုရွေးကောက်ပွဲ ကော်မရှင်က ဖွဲ့စည်းပုံပုဒ်မ ၄၃၆ ပြင်ဆင်ရေးအပေါ် မန္တလေးမြို့၌ ဒေါ်အောင်ဆန်းစုကြည်၏ ဟောပြောမှုအပေါ် သတိပေးမှုများ ပြုလုပ်ခြင်း၊ နိုင်ငံရေးပါတီများသို့ မြေကွက်နှင့် ကားပါမစ်များပေးရန် ခွင့်ပြုနိုင်ရန်အတွက် သမ္မတရုံးသို့ စာပို့ခြင်းများ ပြုလုပ်ခဲ့ရာ ယင်းအပေါ်တွင်လည်း ဝေဖန်မှုများစွာ ရှိခဲ့ပြန်သည်။



အဘယ်ကြောင့် ၂၀၁၅ ရွေးကောက်ပွဲအပေါ် သံသယ ရှိနေကြတာလဲ



လက်ရှိ ရွေးကောက်ပွဲကော်မရှင်ဥက္ကဋ္ဌ ဦးတင်အေးမှာ ယခင်တပ်မတော် အစိုးရလက်ထက် နံပါတ်ခြောက်ခေါင်းဆောင် ဒုတိယဗိုလ်ချုပ်ကြီးဟောင်း တစ်ဦးဖြစ်ပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ထိပ်ပိုင်းခေါင်းဆောင်တစ်ဦး ဖြစ်ခဲ့သည်။ ထို့နောက် ၂၀၁၀ ပြည့်နှစ် ရွေးကောက်ပွဲတွင် မန္တလေးတိုင်း တံတားဦးမြို့နယ်မှ ပြည်သူ့လွှတ်တော် ကိုယ်စားလှယ်အဖြစ် အနိုင်ရရှိခဲ့ပြီး သမ္မတဦးသိန်းစိန်၏ ထောက်ခံချက်ဖြင့် ရွေးကောက်ပွဲကော်မရှင်ဥက္ကဋ္ဌ ဖြစ်လာခဲ့ခြင်းဖြစ်သည်။



ယင်းကဲ့သို့ တပ်မတော် ထိပ်ပိုင်းခေါင်းဆောင်ဟောင်းနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ထိပ်ပိုင်းခေါင်းဆောင်ဟောင်း တစ်ဦးက ဦးဆောင်ကျင်းပပေးမည့် ၂၀၁၅ ခုနှစ် ရွေးကောက်ပွဲသည် လွတ်လပ်တရားမျှတမှု ရှိနိုင်၊ မရှိနိုင်အပေါ် သံသယများ ရှိနေချိန်တွင် ယခုကဲ့သို့ နိုင်ငံရေးပါတီများအား အခွင့်ထူးများပေးရန် ပြင်ဆင်ခြင်းအပေါ် သံသယများ ပိုမိုများပြားလာခဲ့ပြီး နိုင်ငံရေး အကျင့်ပျက်ခြစားမှုများကို တရားဝင်ခွင့်ပြုပေးရန် စီစဉ်ခြင်းလားဟူ၍ မေးခွန်းထုတ်စရာ ဖြစ်လာခဲ့သည်။



ဘယ်လို အကြောင်းပြသလဲ



ပါတီရုံးခန်းများ ဖွင့်လှစ်နိုင်ရေးအတွက် ရုံးအဆောက်အအုံ (သို့မဟုတ်) မြေနေရာရရှိရေး ကိစ္စနှင့် နိုင်ငံရေးပါတီများ အခွန်ကင်းလွတ်ခွင့်ဖြင့် မော်တော်ယာဉ် တင်သွင်းခွင့်ပြုနိုင်ရေးများအတွက် လမ်းညွှန်ပေးနိုင်ရန်ဟုဆိုကာ ကော်မရှင်ဥက္ကဋ္ဌ ဦးတင်အေးကိုယ်တိုင် လက်မှတ်ရေးထိုးပြီး သမ္မတရုံးသို့ ခွင့်ပြုချက် တောင်းခံခဲ့ခြင်းဖြစ်သည်။



နိုင်ငံရေးပါတီများသည် စစ်မှန်၍ စည်းကမ်းပြည့်ဝသော ပါတီစုံ ဒီမိုကရေစီစနစ်ကို ကျင့်သုံးဖော်ဆောင်ရာတွင် အဓိကကျသည့် နိုင်ငံရေးအင်အားစုများ ဖြစ်ပါကြောင်း၊ ထိုသို့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်နှင့် နိုင်ငံတော် ဖွံ့ဖြိုးတိုးတက်ရေး လုပ်ငန်းစဉ်များကို တစ်ဖက်တစ်လမ်းမှ အကောင်အထည်ဖော် ဆောင်ရွက်နေသော နိုင်ငံရေးပါတီများ အနေဖြင့် ဌာနချုပ်နှင့် တိုင်းဒေသကြီး/ပြည်နယ် ခရိုင်မြို့နယ်များတွင် ပါတီရုံးခန်းများဖွင့်လှစ်ရန် အခက်အခဲ ရှိနေပါကြောင်း စသည်ဖြင့် မြေနေရာပေးရန် ခွင့်ပြုချက်တောင်းသည့် ပေးပို့စာတွင် ပါရှိသည်။



မော်တော်ယာဉ်ငါးစီး အခွန်ကင်းလွတ် တင်သွင်းခွင့်နှင့် ပတ်သက်၍လည်း ရွေးကောက်ပွဲကော်မရှင်က သက်ဆိုင်ရာတိုင်းဒေသကြီး/ပြည်နယ်အစိုးရ အဖွဲ့များနှင့် ပူးပေါင်းဆောင်ရွက်ရာတွင် လည်းကောင်း၊ ပါတီဝင်အင်အား တောင့်တင်းခိုင်မာစေရန် ပြည်ထောင်စုတစ်ဝန်းလုံးတွင် ဖြစ်စေ၊ တိုင်းဒေသကြီး (သို့မဟုတ်) ပြည်နယ်အတွင်းဖြစ်စေ၊ ပါတီဝင် စည်းရုံးရေးနှင့် ပါတီ၏ မူဝါဒသဘောထား ရှင်းလင်းရာတွင်လည်းကောင်း၊ မဲဆွယ်စည်းရုံးရာတွင်လည်းကောင်း သွားလာလွယ်ကူစေရန် စသည်ဖြင့် အကြောင်းပြချက်တွင် ဖော်ပြထားသည်။



သို့သော် ယင်းကဲ့သို့ အကြောင်းပြချက်များ ပေးခြင်းမှာ လုံလောက်မှု မရှိကြောင်းနှင့် အကြောင်းရင်း ခိုင်ခိုင်မာမာမရှိဘဲ နိုင်ငံတော် အကျိုးစီးပွားများကို နိုင်ငံရေးပါတီများကို မပေးသင့်ကြောင်း ဝေဖန်မှုများ ရှိခဲ့သည်။



ဘယ်လို သုံးသပ်ကြသလဲ



နိုင်ငံရေးပါတီများကို နိုင်ငံ၏ အကျိုးစီးပွားများကို ခွင့်ပြုခြင်းမှာ မည်သည့်ဥပဒေဖြင့် ခွင့်ပြုသလဲ ဆိုသည်ကို သိရန်လိုကြောင်း၊ နိုင်ငံအကျိုးစီးပွားကို နိုင်ငံရေးပါတီများအား ပေးသည်ဆိုခြင်းမှာ အထူးအခွင့်အရေး ပေးခြင်းဖြစ်ပြီး မည်သည့်အတွက် ပေးသည်ဆိုသည်ကို စဉ်းစားရမည်ဖြစ်ကြောင်း ၁၉၉၀ ပြည့်နှစ် ပြည်သူ့လွှတ်တော် ကိုယ်စားလှယ်အဖွဲ့က ဦးနိုင်းနိုင်းက သုံးသပ်သည်။



“ရွေးကောက်ပွဲကော်မရှင်ရဲ့ လုပ်ငန်းတာဝန်က ဘာလဲဆိုတာကို ပြတ်ပြတ်သားသား၊ ပြည့်ပြည့်စုံစုံ ဆုံးဖြတ်ရမယ်။ ရွေးကောက်ပွဲကော်မရှင်က လုပ်ပိုင်ခွင့် ဘယ်လောက်ရှိသလဲ ဆိုတာကို ဆုံးဖြတ်ရမယ်။ နိုင်ငံရေးပါတီတွေ ရွေးကောက်ခံရဖို့ ကြိုးစားတဲ့အချိန်မှာ လွတ်လပ်ပြီး တရားမျှတဖို့ လိုတယ်။ နိုင်ငံရေးပါတီတွေရဲ့ စီးပွားရေးသဘောအရ လုပ်တယ်ဆိုတာကတော့ နိုင်ငံရေးသဘောအရ သိပ်အဓိပ္ပာယ်မရှိဘူးလို့ ထင်တယ်။ အဲဒီတော့ ကော်မရှင်ဟာ ကော်မရှင်အလုပ်ထက် ပိုပြီးတော့ လုပ်နေတယ်။ ကော်မရှင်က ဘက်မလိုက်သော၊ တရားမျှတသော ကော်မရှင် ဖြစ်ရမယ့်အစား ဘက်ယူပြီး ချွေးသိပ်တာမျိုး ဖြစ်နေမယ်ဆိုရင်တော့ မသင့်တော်ဘူးလို့ ထင်တယ်” ဟု ဦးနိုင်းနိုင်းက ဆိုသည်။



ရှမ်းတိုင်းရင်းသားများ ဒီမိုကရေစီအဖွဲ့ချုပ် အထွေထွေအတွင်းရေးမှူး ဦးစိုင်းညွန့်လွင်ကလည်း နိုင်ငံရေးပါတီများတွင် အစိုးရနှင့် ရင်းနှီးသည့်အုပ်စုနှင့် မရင်းနှီးသည့်အုပ်စုဆိုကာ နှစ်မျိုးရှိပြီး ရင်းနှီးသည့် ပါတီငယ်အချို့က အခွင့်အရေးတောင်းခြင်းမျိုး ရှိကြောင်း၊ ကားများကို အခွန်လွတ် တင်သွင်းခွင့်ပေးခြင်းကြောင့် နိုင်ငံတော် အခွန်အခအတွက် များစွာထိခိုက်နိုင်ကြောင်း၊ သို့သော် ပေးသည့်ပစ္စည်းကိုယူပြီး မူဝါဒ ပြောင်းလဲမသွားရန်သာ အရေးကြီးကြောင်း ပြောကြားသည်။



၎င်းက “ပေးတဲ့ပစ္စည်းတွေကိုယူပြီး မူဝါဒ ပြောင်းလဲမယ်ဆိုရင်တော့ အဲဒီပါတီကို လူထုက ထောက်ခံမှာ မဟုတ်တော့ဘူး။ အသိသာကြီးပဲ။ ပေါ်လာမှာပဲလေ။ ကျွန်တော်တို့က သံသယတော့ ရှိတာပေါ့။ ဒါပေမဲ့ တစ်ခုတော့ ရှိတာပေါ့လေ။ အားလုံးကို ပေးတာဆိုတော့။ ဒါပေမဲ့ သူကတော့ အဲဒီလိုပဲ ပေးရမှာပဲလေ။ ဒါပေမဲ့ လာဘ်ထိုးသည်ဖြစ်စေ၊ လာဘ်မထိုးသည်ဖြစ်စေ မူဝါဒခိုင်မာတဲ့ ပါတီတွေကတော့ ပြောင်းလဲမှာမဟုတ်ပါဘူး” ဟုဆိုသည်။



အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကမူ အစိုးရ၏ အထောက်အပံ့များကို မည်သည့်အရာမျှ ယူသွားမည် မဟုတ်ကြောင်းနှင့် ပြည်သူများ၏ ထောက်ခံမှု၊ ဥပဒေဘောင်အတွင်းမှ အလှူငွေ တောင်းခံမှုများဖြင့်သာ ပါတီအနေဖြင့် ဆက်လက်လုပ်ဆောင်သွားမည်ဟု ပြောကြားသည်။



ဒီလိုမျိုးတွေ ရှိခဲ့ဖူးလား



အစိုးရငြိမ်းချမ်းရေး ဖော်ဆောင်ရေးကော်မတီ အနေဖြင့်လည်း တိုင်းရင်းသားလက်နက်ကိုင် အဖွဲ့များထံသို့ ကားပါမစ်ပေးမှုများ ရှိခဲ့ပြီး ယင်းကဲ့သို့ ပေးခြင်းကြောင့် နိုင်ငံတော် အခွန်အခများထဲမှ အမေရိကန်ဒေါ်လာ ဘီလျံနှင့်ချီ ဆုံးရှုံးနိုင်သည်ဟု ဝေဖန်မှုများ ရှိခဲ့သည်။ ယင်းကဲ့သို့ပေးခြင်းကို သမ္မတဦးသိန်းစိန်ကိုယ်တိုင် ပြည်ထောင်စုနေ့ ညစာစားပွဲ အခမ်းအနားတွင် စာအိတ်ဖြင့် ပေးခဲ့ခြင်းဖြစ်ကြောင်း ကားတင်သွင်းခွင့် ရရှိခဲ့သည့် KNU အဖွဲ့မှ ဗဟိုအလုပ်အမှုဆောင် ပဒိုမန်းငြိမ်းမောင်က ၂၀၁၃ ခုနှစ် ဒီဇင်ဘာလအတွင်း ပြောကြားသည်။



ငြိမ်းချမ်းရေးကားပါမစ်များ လက်ခံခဲ့သည့် တိုင်းရင်းသား လက်နက်ကိုင်အဖွဲ့ ၁၄ ဖွဲ့မှာ ကရင်အမျိုးသား အစည်းအရုံး(KNU)၊ ရှမ်းပြည်ပြန်လည်ထူထောင်ရေးကောင်စီ (RCSS/SSA)၊ ရှမ်းပြည်တိုးတက်ရေးပါတီ (SSPP/SSA)၊ KNU/KNLA ငြိမ်းချမ်းရေးကောင်စီ၊ ဒီမိုကရေစီအကျိုးပြု ကရင်တပ်မတော် (DKBA)၊ ကရင်နီအမျိုးသား တိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ နာဂအမျိုးသား ဆိုရှယ်လစ်ကောင်စီ (NSCNK)၊ ပအိုဝ်းအမျိုးသား လွတ်မြောက်ရေးအဖွဲ့ (PNLO)၊ မွန်ပြည်သစ်ပါတီ (NMSP)၊ ‘ဝ’ သွေးစည်းညီညွတ်ရေးပါတီ (UWSA)၊ အမျိုးသားဒီမိုကရေစီ သွေးစည်းညီညွတ်ရေး တပ်မတော် (NDAA)၊ ရခိုင်ပြည်လွတ်မြောက်ရေးပါတီ (ALP) နှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တို့ဖြစ်ပြီး စုစုပေါင်း အခွန်လုံးဝကင်းလွတ်သည့် အစီးရေ ၂၉ဝ နှင့် ရာခိုင်နှုန်း ၆ဝ အခွန်ဆောင်ရသည့် အစီးရေမှာ ၅၈ဝ အထိ ရှိခဲ့ကြောင်း သိရသည်။



ထို့ပြင် နောက်ထပ် အစိုးရကချပေးရန် ရည်မှန်းထားမှုများလည်း ရှိနေပြီး ၎င်းတို့မှာ ကချင်လွတ်မြောက်ရေးအဖွဲ့ချုပ် (KIO) သို့ အခွန်လုံးဝ ကင်းလွတ်အစီး ၄ဝ နှင့် ရာခိုင်နှုန်း ၆ဝ အခွန်ဆောင်အစီး ၈ဝ၊ တအာင်း (ပလောင်) အမျိုးသားလွတ်မြောက်ရေး တပ်မတော် (TNLA) နှင့် လားဟူဒီမိုကရက်တစ် သမဂ္ဂ (LDU) များသို့ လုံးဝအခွန်ကင်းလွတ် ၁၅ စီးစီနှင့် ရာခိုင်နှုန်း ၆ဝ အခွန်ဆောင် အစီး ၃ဝ စီဖြစ်ကြောင်း၊ သို့သော် အဆိုပါ အဖွဲ့များမှာ ငြိမ်းချမ်းရေးဆွေးနွေးမှု တိုးတက်မှု မရှိသေးသည့်အတွက် ရယူခြင်း မရှိသေးကြောင်းလည်း သိရသည်။



၂၀၁၅ ရွေးကောက်ပွဲ လွတ်လပ်တရားမျှတပါ့မလား



ပြည်တွင်းပြည်ပ ရွေးကောက်ပွဲစောင့်ကြည့် အဖွဲ့များကို နိုင်ငံတကာ စံနှုန်းများနှင့်အညီ ခွင့်ပြုပေးသွားမည်ဟု ရွေးကောက်ပွဲကော်မရှင်က ပြောကြားထားသော်လည်း ယခုကဲ့သို့ နိုင်ငံရေး အကျင့်ပျက်ခြစားမှုများ ဖြစ်လာနိုင်သည့် အခြေအနေကို ခွင့်ပြုပေးလာသည့် အပေါ်တွင် သုံးသပ်ဝေဖန်မှုများ ရှိလာသည်။



ရွေးကောက်ပွဲကော်မရှင်ဥက္ကဋ္ဌ အနေဖြင့် တပ်မတော်သား ကိုယ်စားလှယ်လောင်းအချို့ကို ကော်မရှင်သို့ ထည့်သွင်းထားသည့် အပေါ်မှာပင် တရားမမျှတမှု ဖြစ်နေကြောင်း၊ ယင်းအချက်ကို နှုတ်ပိတ်လိုသည့်အတွက် နိုင်ငံရေးပါတီများကို ချော့မြှူခြင်းလား ဆိုသည်ကို သံသယရှိစရာကောင်းကြောင်း ဗမာနိုင်ငံလုံးဆိုင်ရာ ကျောင်းသားများသမဂ္ဂ လုပ်ငန်းကော်မတီဥက္ကဋ္ဌ ကိုကျော်ကိုကိုက ပြောကြားသည်။



“ရွေးကောက်ပွဲ နီးလာပြီဖြစ်တော့ ရွေးကောက်ပွဲမှာ လွတ်လပ်မျှတမှု မဖြစ်နိုင်တော့လို့ ကြိုတင်ပြီးတော့ မဲတွေများအောင် ၀ယ်သလား၊ သို့တည်းမဟုတ် ပြဿနာမတက်အောင် ကြိုတင်လာဘ်ထိုးပြီး အညှာကို ကိုင်မှာလားဆိုတာကို စိုးရိမ်မိတယ်” ဟု ကိုကျော်ကိုကိုက ဆိုသည်။



ယင်းကဲ့သို့ နိုင်ငံရေးပါတီများကို အခွင့်အရေးများ ပေးခြင်းမှာ ၁၉၉၀ ရွေးကောက်ပွဲ မတိုင်မီကလည်း ရှိခဲ့ဖူးကြောင်း၊ ယင်းအတွက် အကျိုးဆက်အနေဖြင့် နိုင်ငံရေးပါတီများစွာ ထွက်ပေါ်လာခဲ့ကြောင်း၊ ယခုကဲ့သို့ ပေးခြင်းကြောင့် နိုင်ငံတော် အခွန်အခများကို ထိခိုက်သွားစေနိုင်ကြောင်း၊ နိုင်ငံရေးပါတီများကို စည်းရုံးသည့် သဘောမျိုးလည်းဖြစ်ကြောင်း ၁၉၉၀ ပြည်သူ့လွှတ်တော် ကိုယ်စားလှယ်အဖွဲ့ အတွင်းရေးမှူး ဦးဒေးဗစ်လှမြင့်က ပြောကြားသည်။



“ဒါကတော့ သူတို့အနေနဲ့ နိုင်ငံရေးပါတီတွေကို စည်းရုံးတဲ့သဘော ပါပါတယ်။ ဒီလိုကာလမှာ ဒီလိုမျိုး ပေးတယ်ဆိုတာက နိုင်ငံရေးပါတီတွေကို သူတို့ရဲ့ ရွေးကောက်ပွဲ အောင်နိုင်ရေးအတွက် တစ်ဖက်က စည်းရုံးနိုင်တဲ့ အနေအထားလို့လည်း ပြောလို့ရတာပေါ့။ ဘာလို့လဲဆိုတော့ အစိုးရဆိုတာက ကြံ့ခိုင်ရေးပါတီက တင်မြှောက်ထားတာလေ။ အဲဒီတော့ အစိုးရက ပေးတယ်ဆိုတော့ နောင်လာမယ့် ရွေးကောက်ပွဲမှာလည်း သူတို့အတွက် အင်အားတစ်ခု လိုချင်လို့လို့ ယူဆရတာပေါ့” ဟု ၎င်းကပြောကြားသည်။



ရခိုင်အမျိုးသားပါတီ ပထမခေါင်းဆောင် ဦးအေးသာအောင်ကမူ ယင်းကဲ့သို့ ပေးခြင်းမျိုးမှာ မကောင်းသော်လည်း ပါတီငယ်လေးများအတွက်မူ ရန်ပုံငွေ အခက်အခဲရှိသည့်အတွက် ယူကောင်းယူနိုင်ကြောင်း၊ ၎င်းတို့အနေဖြင့်လည်း စိတ်မသန့်သော်လည်း ငွေကြေးအခက်အခဲကြောင့် ယူကောင်းယူနိုင်ကြောင်း၊ ယင်းကဲ့သို့ ပေးခြင်းမျိုးမှာ ဖဆပလခေတ်ကလည်း ရှိခဲ့ဖူးပြီး ဝေဖန်မှုများ ရှိခဲ့ကြောင်း၊ သို့သော် ကားတင်သွင်းခွင့်များ အတွက်မူ ပါတီငယ်အချို့မှာ ကားဝယ်ရန်အတွက်ပင် အခက်အခဲရှိသဖြင့် အဆိုပါ ပါမစ်များကို ရောင်းစားမှုများ ရှိလာနိုင်ကြောင်း သုံးသပ်ပြောကြားသည်။

from Eleven Media Group's Facebook Wall http://ift.tt/1pKS8hw