" ရန်ကုန်တွင် မုဒိမ်းမှု အများဆုံးဖြစ်ပွား "
မြန်မာနိုင်ငံရှိ ဒေသများအနက် ရန်ကုန်တိုင်းဒေသကြီး၌ မုဒိမ်းမှု အများဆုံးဖြစ်ပွားနေကြောင်း ပြည်ထဲရေးဝန်ကြီးဌာန မြန်မာနိုင်ငံ ရဲတပ်ဖွဲ့စာရင်းများအရ သိရသည်။တစ်နိုင်ငံလုံးတွင် ယခုနှစ် ဇန်နဝါရီမှ
ဧပြီထိ မုဒိမ်းမှုစုစုပေါင်း ၂၉ဝ မှုရှိခဲ့ပြီး ရန်ကုန်တိုင်းတစ်ခုတည်းတွင် ၅၇ မှု ဖြစ်ပွားခဲ့ကြောင်း ရဲတပ်ဖွဲ့မှစာရင်းများအရ သိရသည်။
ထို့ပြင် သက်ငယ်မုဒိမ်းမှုများသည်လည်း ရန်ကုန်တိုင်းအတွင်း ယခုနှစ် ပထမလေးလတွင် ၂၆ မှု ဖြစ်ပွားခဲ့သည်ဟု သိရသည်။ ကျား၊ မတန်းတူ အရေးကိစ္စများဆောင်ရွက်နေသည့် Gender Equality ကွန်ရက်မှ ညှိနှိုင်းရေး မှူး ဒေါ်မေစံပယ်ဖြူကမူ ရန်ကုန်ကဲ့သို့ မြို့ပြလူ့အဖွဲ့အစည်းအတွင်း မုဒိမ်းမှု
ပိုမိုဖြစ်ပွားလာခြင်းမှာ တရားဥပဒေစိုးမိုးမှုအားနည်းနေခြင်းကို မြင်သာထင်သာ ရှိစေသည့်အချက်ဖြစ်သည်ဟု ဝေဖန်သည်။ အခြားပြည်နယ်နှင့်တိုင်းများတွင် မုဒိမ်းမှုနည်းပါးနေရခြင်းမှာ တိုင်ကြားမှုမရှိခြင်းကြောင့်သာ အရေအ တွက်နည်းနေရခြင်းဖြစ်နိုင်ကြောင်း မင်္ဂလာတောင်ညွန့်မဲဆန္ဒနယ်
ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းက သုံးသပ်သည်။ ထို့ကြောင့် မုဒိမ်းမှုလျှော့ချနိုင်ရေးအတွက် ရဲစခန်းနှင့်ဌာနဆိုင်ရာများတွင် အမျိုးသမီးများ
သီးသန့်ဆွေးနွေးနိုင်မည့် လူပုဂ္ဂိုလ်များထားရှိပေးခြင်း၊ ဥပဒေကြောင်းအရ တိုင်တန်းလိုပါက အခမဲ့လိုက်ပါဆောင်ရွက်မှုများ ပြုလုပ်ပေးသင့်ကြောင်း
ထောက်ပြပြောဆိုသည်။
''အရေးမကြီးတဲ့ ဥပဒေတွေပြဋ္ဌာန်းဖို့ ကြိုးစားနေမယ့်အစား ဒီလိုကိစ္စမျိုးတွေကို တိကျတဲ့တရားစီရင်ရေးမဏ္ဍိုင်နဲ့ ဖြေရှင်းဖို့လုပ်သင့်တယ်'' ဟု ပြည်သူ့ လွှတ်တော်ကိုယ်စားလှယ် ဒေါ်ဖြူဖြူသင်းက ဆိုသည်။ မြန်မာနိုင်ငံရဲတပ်ဖွဲ့သည် မုဒိမ်းမှု ကျဆင်းရေးအတွက် ပညာပေးဟောပြောခြင်း၊ ညစ်ညမ်းဗီဒီယိုခွေများ
ဖမ်းဆီးအရေးယူခြင်း၊ နယ်မြေလူထုနှင့် ပူးပေါင်းစောင့်ရှောက်သည့် လုပ်ငန်းများ ဆောင်ရွက်နေကြောင်း ပေါ်ပြူလာနယူးစ်၏ မေးမြန်းမှုကို
ဖြေကြားသည်။
ထို့ပြင် အမျိုးသမီးများအား နှောင့်ယှက်ပါက ခြေချုပ်နှင့် ခံဝန်ဥပဒေအ ရအရေးယူပေးခြင်းများ ပြုလုပ်လျက်ရှိသည်ဟု မြန်မာနိုင်ငံရဲတပ်ဖွဲ့မှ
ဒုရဲမှူးကြီး ဝင်းစိန်က ဖြေကြားသည်။ ၂ဝ၁၃ ခုနှစ်တွင် ရန်ကုန်တိုင်းအတွင်း သက်ငယ်မုဒိမ်းမှုအပါအဝင် မုဒိမ်းမှု စုစုပေါင်း ၂၂၂ မှု ဖြစ်ခဲ့ပြီး ဒုတိယအများဆုံးမှာ ၂ဝ၄ မှု ဖြစ်ပွားခဲ့သည့် ဧရာဝတီ တိုင်းဖြစ်ကြောင်း တွေ့ရသည်။
သုတလင်း
from Popular Myanmar News Journal's Facebook Wall http://ift.tt/1tGC80r
Comments
Post a Comment