တုံ့ပြန်ကြေညာချက်များ တရားဝင်ပေးပို့ရန် ပြည်ထောင်စု ရွေးကောက်ပွဲ ကော်မရှင် တိုက်...

တုံ့ပြန်ကြေညာချက်များ တရားဝင်ပေးပို့ရန် ပြည်ထောင်စု ရွေးကောက်ပွဲ ကော်မရှင် တိုက်တွန်း



ရန်ကုန်၊ ဇွန် ၇



ပြည်ထောင်စု ရွေးကောက်ပွဲ ကော်မရှင်က NLD ပါတီ ဥက္ကဋ္ဌ ဒေါ်အောင်ဆန်းစုကြည်၏ ဟောပြောမှုများသည် အခြေခံဥပဒေဘောင် ကျော်နေကြောင်း အသိပေးမှုအပေါ် ပြန်လည် ထုတ်ပြန်သော NLD ပါတီနှင့် လူ့အခွင့်အရေး စောင့်ကြည့်အဖွဲ့ (HRW) ၏ ကြေညာချက်များကို သက်ဆိုင်ရာ အဖွဲ့အစည်းများထံ ဥပဒေနှင့်အညီ တရားဝင် ပေးပို့ရန် တိုက်တွန်းကြောင်း ပြည်ထောင်စု ရွေးကောက်ပွဲ ကော်မရှင် ညွှန်ကြားရေးမှူး ဦးသောင်းလှိုင်က The Voice သို့ ပြောကြားသည်။



ဒေါ်အောင်ဆန်းစုကြည်၏ အခြေခံဥပဒေ ပြင်ဆင်ရေး ဟောပြောမှုများကို ပြည်ထောင်စု ရွေးကောက်ပွဲ ကော်မရှင်က သတိပေးခြင်းမှာ လုံးဝသင့်လျော်မှု မရှိဟု NLD ပါတီ၏ တုံ့ပြန် ကြေညာချက်နှင့် ရွေးကောက်ပွဲ ကော်မရှင်က အကြောင်းကြားစာကို အမြန်ဆုံး ရုပ်သိမ်းပေးရန် ဇွန်လ ၄ ရက်နေ့ထုတ် HRW ထုတ်ပြန်ချက်များနှင့် ပတ်သက်၍ ၎င်းက ယင်းသို့ ပြောကြားခြင်း ဖြစ်သည်။



“ကျွန်တော်တို့က တရားဥပဒေနဲ့အညီ တရားဝင် စာပို့ပြီး အကြောင်းကြားတာ၊ နိုင်ငံတော်အဆင့် ဖွဲ့စည်းထားတဲ့ ကော်မရှင်ကို မပို့ဘဲနဲ့ ပါတီ၊ အဖွဲ့အစည်းတွေက သူတို့ဘာသာ ကြေညာချက် ထုတ်တာကတော့ တရားမဝင်ပါဘူး” ဟု ၎င်းကဆိုသည်။



ယင်းသို့ တုံ့ပြန် ကြေညာချက် ထုတ်ပြန်ခြင်းမှာ ပါတီတစ်ခု၏ လုပ်ပိုင်ခွင့် ဖြစ်ပြီး မိမိပါတီ သဘောထားကို အများပြည်သူ သိသာစေရန် ရည်ရွယ်ခြင်း ဖြစ်ကြောင်း NLD ပါတီ ဗဟိုကော်မတီဝင် ဦးထွန်းထွန်းဟိန်က ပြောကြားသည်။

“ကြေညာချက် ထုတ်ပြန်ပြီ ဆိုကတည်းက အားလုံးနဲ့ သက်ဆိုင်ပါတယ်၊ ပြည်သူကော အစိုးရကော သိစေချင်လို့ ထုတ်ပြန်တာပါ။ တရားမဝင်ဘူးလို့ ပြောလို့ မရပါဘူး” ဟု ၎င်းကဆိုသည်။



ဖွဲ့စည်းပုံ အခြေခံဥပဒေ ပုဒ်မ ၃၅၄ (က) အရ မိမိ၏ ယုံကြည်ချက်၊ ထင်မြင် ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊ ရေးသားဖြန့်ဝေခွင့်ကို လွတ်လပ်စွာ သုံးစွဲဆောင်ရွက်ခွင့် ရှိကြောင်းနှင့် ပုဒ်မ ၄၀၆ တွင် နိုင်ငံရေးပါတီ တစ်ရပ်သည် နိုင်ငံတော်အတွင်း ဥပဒေနှင့်အညီ လွတ်လပ်စွာ စည်းရုံး ဟောပြောခွင့် ရှိသည်ဟု ပြဋ္ဌာန်းထားချက်များနှင့်အညီ ဟောပြောဆောင်ရွက်ခြင်း ဖြစ်သောကြောင့် အခြေခံဥပဒေကို ဘောင်ကျော်ခြင်း မရှိကြောင်း ဇွန်လ ပထမပတ်အတွင်း ထုတ်ပြန်သော NLD ပါတီ ကြေညာချက်တွင် ပါရှိသည်။



ထို့အပြင် NLD ပါတီ ဥက္ကဋ္ဌ ဒေါ်အောင်ဆန်းစုကြည်ထံ ပေးပို့ထားသော အသိပေး အကြောင်းကြားခြင်းကို အမြန်ဆုံး ရုပ်သိမ်းပေးသင့်သည်သာမက ရွေးကောက်ပွဲ မဲဆွယ်စည်းရုံးမှုများကို ရွေးကောက်ပွဲ ကော်မရှင်က ကန့်သတ်ပိတ်ပင်မှုများ မပြုသင့်ဘဲ နိုင်ငံတော်သမ္မတ ဦးသိန်းစိန် ဦးဆောင်သော အစိုးရကလည်း အဆိုပါ ကန့်သတ်မှုများကို လက်မခံကာ ပယ်ချသင့်ကြောင်း အမေရိကန်နိုင်ငံ နယူးယောက်မြို့ အခြေစိုက် လူ့အခွင့်အရေး စောင့်ကြည့်အဖွဲ့ HRW က ဇွန်လ ၄ ရက်နေ့တွင် ထုတ်ပြန် ကြေညာထားသည်။



တပ်မတော်သား ကိုယ်စားလှယ်များသည် အာဏာနှင့် အထူးအခွင့်အရေးကို မက်မောခြင်းကြောင့် နိုင်ငံရေးလုပ်ခြင်း မဟုတ်ကြောင်း သက်သေပြရန် စိန်ခေါ်ကြောင်း မေလ ၁၈ ရက်နေ့ မန္တလေးမြို့ အခြေခံဥပဒေ ပြင်ဆင်ရေး လူထုဟောပြောပွဲတွင် NLD ပါတီ ဥက္ကဋ္ဌ ဒေါ်အောင်ဆန်းစုကြည်၏ ပြောဆိုချက်သည် အခြေခံဥပဒေက ခွင့်ပြုထားသော ဘောင်ကို ကျော်လွန်နေသည်ဟု ဆိုကာ ပြည်ထောင်စု ရွေးကောက်ပွဲကော်မရှင်က NLD ပါတီသို့ မေလ ၂၂ ရက်နေ့ ရက်စွဲဖြင့် သတိပေး ညွှန်ကြားချက်တစ်စောင် ပေးပို့ထားသည်။



နိုင်ငံရေးပါတီများ မှတ်ပုံတင်ခြင်း ဥပဒေတွင် အခြေခံဥပဒေကို လေးစားရန် ပြဋ္ဌာန်းထားပြီး ဖောက်ဖျက်သည်ဟု တွေ့ရှိပါက နိုင်ငံရေးပါတီများကို ရွေးကောက်ပွဲ ကော်မရှင်က ညွှန်ကြားချက် ထုတ်ပြန် အသိပေးနိုင်သည့် အပြင် ညွှန်ကြားချက်ကို မလိုက်နာပါက သက်ဆိုင်ရာပါတီကို သုံးနှစ် ဆိုင်းငံ့ထားခြင်းနှင့် ပါတီမှတ်ပုံတင် ပယ်ဖျက်ခြင်းတို့ဖြင့် အရေးယူနိုင်ကြောင်း ပြည်ထောင်စု ရွေးကောက်ပွဲ ကော်မရှင်ထံမှ သိရသည်။

from The Voice Weekly's Facebook Wall http://ift.tt/1oJE0Ep