ဇွန် ၁ မှစ၍ပြည်တွင်းလေကြောင်း လေယာဉ်လက်မှတ်များကို နှစ်လ ကြိုစနစ်ဖြင့် ၀ယ်ယူနိုင်
မို့မို့ကြည်| တနင်္လာနေ့၊ ဇွန် ၂ရက်၊ ၂၀၁၄ခုနှစ်။
ပြည်တွင်းလေကြောင်း ဦးစီးဌာန၊ လေယာဉ်လက်မှတ် အရောင်းဌာနက ပြည်တွင်း လေယာဉ်လက်မှတ်များကို ယခင်က တစ်လကြိုဝယ်စနစ်ဖြင့် ရောင်းချပေးခဲ့ရာမှ ဇွန်လ ၁ ရက်မှစကာ နှစ်လ ကြိုဝယ်စနစ်သို့ တိုးမြှင့်၍ ရောင်းချပေးသွားမည်ဖြစ်ကြောင်း ပြည်တွင်းလေကြောင်းဦးစီးဌာနမှ တာဝန်ရှိသူ တစ်ဦးက မေလ ၂၉ ရက်တွင် မဇ္ဈိမကို ပြောသည်။
“ခရီးသွားပြည်သူတွေ လက်မှတ် ၀ယ်ယူတဲ့အခါမှာ အဆင်ပြေအောင် အရင်က တစ်လပဲကြိုဝယ်လို့ရတဲ့ စနစ်ကနေ အခု နှစ်လကြိုဝယ်လို့ရတဲ့ စနစ်ကိုပြောင်းလဲ ဆောင်ရွက်တာပါ ”ဟု အဆိုပါတာဝန် ရှိသူက ပြောသည်။
အဆိုပါ နှစ်လကြိုစနစ်ကို ၂၀၁၄ခုနှစ် ဇွန်လ ၁ရက်မှ စတင်၍ ၀ယ်ယူခွင့် ရရှိမည်ဖြစ်ပြီး လေယာဉ် လက်မှတ်ခများကိုကြိုတင်ပေးချေရန် လိုအပ်မှု မရှိ ဟုလည်း အထက်ပါ တာဝန်ရှိသူက ပြောသည်။
“အမည်စာရင်းကို အရင်ပေးထားရမှာပါ။ သွားချင်တဲ့ ရက်မတိုင်မီ နှစ်ရက်အလိုမှာ မြန်မာ့လေကြောင်း ကပြန်ပြီးဆက် သွယ်ပေးမှာ ဖြစ်ပါတယ်” ဟုလည်း ၎င်းက ပြောသည်။
“ ဒီစနစ်ကို ကျင့်သုံးတယ်ဆိုပေမယ့် အရင်လုပ်ပေးထားတဲ့ ကြိုရောင်းစနစ်ကိုတော့ ဖျက်ပစ်မှာ မဟုတ်ပါ ဘူး။ အရင်ကလိုပဲ ၀ယ်လို့ရမှာပါ ” ဟုလည်း ၎င်းက ပြောသည်။
လက်ရှိအချိန်တွင် မြန်မာ့လေကြောင်းက ပြည်တွင်းခရီးစဉ်များအဖြစ် နေပြည်တော်၊ မနလး၊ ဟုမ္မလင်း၊ ကလေး၊ လွိုင်ကော်၊ ဟဲဟိုး၊ မိုင်းဆတ်၊ ကျိုင်းတုံ၊ ထားဝယ်၊ မြိတ်၊ ကော့သောင်း၊ သံတွဲ၊ ကျောက်ဖြူ၊ စစ် တွေ၊ မြစ်ကြီးနား၊ ခန္တီး၊ မော်လမြိုင်၊ ဗန်းမော်၊ ပူတာအို၊ မုံရွာ၊ လားရှိုး၊ တာချီလိတ်၊ ဘုတ်ပြင်း၊ သံတွဲ၊အမ်း၊ စစ်တွေ စသည့်ဒေသများသို့ သတ်မှတ်ထားသည့် နေ့အလိုက် ပြေးဆွဲပေးလျက်ရှိသည်ဟု ရန်ကုန်မြို့၊ကမ်းနားလမ်း ရှိ လေယာဉ်လက်မှတ် အရောင်းဌာနမှ တာဝန်ရှိသူတစ်ဦးက ပြောသည်။
from Mizzima - News in Burmese's Facebook Wall http://ift.tt/1gWx47y
Comments
Post a Comment