အာဖဂန်သမ္မတလောင်း အသေခံဗုံးခွဲ တိုက်ခိုက်ခံရ ကဘူး၊ ဇွန် ၆ အာဖဂန်သမ္မတ ရွေးကောက်...

အာဖဂန်သမ္မတလောင်း အသေခံဗုံးခွဲ တိုက်ခိုက်ခံရ



ကဘူး၊ ဇွန် ၆



အာဖဂန်သမ္မတ ရွေးကောက်ပွဲတွင် ရှေ့ဆုံးမှ ဦးဆောင်နေသည့် သမ္မတလောင်း အဒူလာအဒူလာ၏ ယာဉ်တန်းကို ပစ်မှတ်ထား အသေခံဗုံးခွဲ တိုက်ခိုက်ခဲ့သော်လည်း သမ္မတလောင်း ထိခိုက်ဒဏ်ရာ ရရှိခြင်း မရှိကြောင်း BBC သတင်းတွင် ဖော်ပြထားသည်။



မင်္ဂလာခန်းမ တစ်ခုတွင် ပြုလုပ်သော ရွေးကောက်ပွဲ စုဝေးမှုမှ သမ္မတလောင်း အဒူလာ ထွက်ခွာလာချိန်တွင် ဗုံးပေါက်ကွဲမှု ဖြစ်ပွားခဲ့ခြင်း ဖြစ်သည်။



ပေါက်ကွဲမှုများ ဖြစ်ပွားပြီးနောက် ရုန်းရင်းဆန်ခတ် ဖြစ်မှုများ၊ ဖရိုဖရဲဖြစ်မှုများ ဖြစ်ပွားခဲ့ကြောင်း၊ သမ္မတလောင်း အဒူလာမှာ ဗုံးခွဲမှုမှ သီသီလေး လွတ်မြောက်သွားကြောင်း BBC သတင်းတွင် ဖော်ပြထားသည်။



“ဘုရားသခင်ကို ကျေးဇူးတင်ပါတယ်။ ကျွန်တော်တို့ ထိခိုက်ဒဏ်ရာ မရရှိပါဘူး။ စိတ်မကောင်းဖို့ ကောင်းတာက လုံခြုံရေးတစ်ဦး ထိခိုက်ဒဏ်ရာ ရသွားပါတယ်” ဟု အဒူလာက ဗုံးခွဲတိုက်ခိုက်မှု အပြီးတွင် ရုပ်မြင်သံကြားမှတစ်ဆင့် ပြောကြားလိုက်သည်။



သို့သော်လည်း အရပ်သားနှစ်ဦး သေဆုံးသွားပြီး လူပေါင်းများစွာ ထိခိုက်ဒဏ်ရာ ရရှိသွားကြောင်း အာဖဂန်တပ်ဖွဲ့က ပြောကြားသည်။



ဗုံးခွဲတိုက်ခိုက်မှုမှ ဘေးအန္တရာယ် ကင်းရှင်းစွာ လွတ်မြောက်ခဲ့ကြောင်း ဖော်ပြနိုင်ရန် သမ္မတလောင်း အဒူလာက တိုက်ခိုက်မှု အပြီးတွင် ရုပ်မြင်သံကြားမှတစ်ဆင့် တိုက်ရိုက် မိန့်ခွန်းပြောကြားခဲ့သည်။



မည်သည့် အုပ်စုကမျှ တိုက်ခိုက်မှု လုပ်ဆောင်ကြောင်း ထုတ်ပြန်သွားခြင်း မရှိသော်လည်း တာလီဘန် စစ်သွေးကြွအဖွဲ့ကမူ အာဖဂန် ရွေးကောက်ပွဲကို တိုက်ခိုက်မည်ဟု မကြာခဏ ခြိမ်းခြောက်ထားသည်။



ပထမအကြိမ် ဗုံးခွဲမှုကို ကားတစ်စီးအတွင်းရှိ အသေခံ ဗုံးခွဲသမားက လုပ်ဆောင်ခဲ့ခြင်း ဖြစ်ကြောင်း ကဘူးရဲတပ်ဖွဲ့ ပြောရေးဆိုခွင့် ရှိသူက ပြောကြားသော်လည်း ဒုတိယဗုံးခွဲမှုကို မည်ကဲ့သို့ လုပ်ဆောင်သွားကြောင်း ရှင်းလင်းစွာ မသိရသေးပေ။



ယခုကဲ့သို့ တိုက်ခိုက်ခြင်းမှာ အာဖဂန်သမ္မတလောင်း တစ်ဦးအပေါ် ရွေးကောက်ပွဲ ကာလအတွင်း ပထမဆုံးအကြိမ် ပစ်မှတ်ထား တိုက်ခိုက်မှု ဖြစ်သည်ဟု ကဘူးရဲတပ်ဖွဲ့က ထုတ်ပြန်သည်။



အာဖဂန်သမ္မတ ရွေးကောက်ပွဲ ဒုတိယအကျော့ကို လာမည့် ရက်သတ္တပတ်တွင် ကျင်းပမည် ဖြစ်ပြီး သမ္မတလောင်းများက လူထုစုဝေးမှုများကို ကဘူးမြို့တော်နှင့် နိုင်ငံတစ်ဝန်းတွင် လုပ်ဆောင်လျက် ရှိချိန်တွင် အသေခံဗုံးခွဲမှု ပေါ်ပေါက်လာခြင်း ဖြစ်သည်။



အဒူလာ၏ ပြိုင်ဘက် သမ္မတလောင်းဖြစ်သူ အာရတ်ဂါနီကလည်း ဗုံးခွဲတိုက်ခိုက်မှုကို Twitter ပေါ်တွင် ပြစ်တင် ရှုတ်ချလိုက်သည်။



ဧပြီလအတွင်း ကျင်းပခဲ့သည့် သမ္မတ ရွေးကောက်ပွဲတွင် မည်သည့် ကိုယ်စားလှယ်ကမျှ ထောက်ခံမဲ ၅၀ ရာခိုင်နှုန်းကျော် ရရှိအောင် လုပ်ဆောင်နိုင်ခြင်း မရှိခြင်းကြောင့် ဇွန် ၁၄ ရက်နေ့တွင် ဒုတိယအကျော့ ရွေးကောက်ပွဲ ဆက်လက် လုပ်ဆောင်ရခြင်း ဖြစ်သည်။







from The Voice Weekly's Facebook Wall http://ift.tt/1pP9xbu