ကချင်စစ်ပွဲ သုံးနှစ်ပြည့် အခမ်းအနား မြို့ကြီးသုံးမြို့တွင် ကျင်းပမည် ရန်ကုန်၊ ဇ...

ကချင်စစ်ပွဲ သုံးနှစ်ပြည့် အခမ်းအနား မြို့ကြီးသုံးမြို့တွင် ကျင်းပမည်



ရန်ကုန်၊ ဇွန် ၅



ကချင်ပြည်နယ်အတွင်း တပ်မတော်နှင့် KIO/KIA အဖွဲ့တို့ တိုက်ပွဲများ ဆက်တိုက် ဖြစ်ပွားနေခြင်းကို ရပ်စဲပေးရေးအတွက် ကချင်စစ်ပွဲ သုံးနှစ်ပြည့် အခမ်းအနားကို ရန်ကုန်၊ မန္တလေး၊ မြစ်ကြီးနား စသည့် မြို့ကြီးသုံးမြို့တွင် ကျင်းပပြုလုပ်မည် ဖြစ်ကြောင်း ယင်းအခမ်းအနား စီစဉ်သည့် ကချင်ငြိမ်းချမ်းရေး ကွန်ရက်မှ ညှိနှိုင်းရေးမှူး ဒေါ်ခွန်ဂျာက ပြောကြားသည်။



KIO/KIA အဖွဲ့နှင့် တပ်မတော်တို့အကြား တိုက်ပွဲများ ပြန်လည်ဖြစ်ခဲ့သည့် ဇွန်လ ၇ ရက်နေ့နှင့် ၉ ရက်နေ့တို့တွင် ယင်းအခမ်းအနားကို မြို့ကြီးသုံးမြို့တွင် ကျင်းပပြုလုပ်သွားမည် ဖြစ်ပြီး သက်ဆိုင်ရာမြို့များတွင် ခရစ်ယာန်နှစ်ခြင်း အသင်းတော်များက ဆုတောင်းပွဲ အသီးသီး ပြုလုပ်သွားမည် ဖြစ်ကြောင်း ၎င်းက ထပ်လောင်း ပြောကြားသည်။



အဆိုပါ အခမ်းအနားကို ရန်ကုန်မြို့တွင် ဇွန်လ ၇ ရက်နေ့ နံနက် ၈ နာရီမှ နံနက် ၁၀ နာရီအတွင်း မဟာဗန္ဓုလရှေ့ရှိ အာရှစိမ်းလမ်းဖွံ့ဖြိုးမှု ဘဏ်အနီးတွင် လည်းကောင်း၊ နံနက် ၁၀ နာရီမှ ညနေ ၃ နာရီအတွင်း ပြည်သူ့ရင်ပြင်၌ လည်းကောင်း ညနေ ၃ နာရီမှ ညနေ ၆ နာရီအတွင်း ပြည်လမ်း အင်းလျားကန်ဘောင်၌ လည်းကောင်း သုံးနေရာ ကျင်းပပြုလုပ်မည် ဖြစ်ကြောင်း ကချင်ငြိမ်းချမ်းရေး ကွန်ရက်ထံမှ သိရသည်။



ယင်းအခမ်းအနားတွင် ကချင်ရိုးရာ အဆို၊ အကများ၊ စစ်ဘေးဒုက္ခသည်များနှင့် သက်ဆိုင်သော ပန်းချီများ ရေးဆွဲခြင်း စသည့် အနုပညာပြပွဲများ ပြုလုပ်မည် ဖြစ်ကြောင်း အဆိုပါကွန်ရက်မှ ဒေါ်ခွန်ဂျာက ရှင်းပြသည်။



ဇွန်လ ၉ ရက်နေ့တွင် ရန်ကုန်မြို့ စမ်းချောင်းမြို့နယ် ရွှေပြည်အေးလမ်း အမှတ် (၄၀/ခ) ရှိ ကချင်နှစ်ခြင်း ခရစ်ယာန် အသင်းတွင် ဆုတောင်းပွဲများ ဆက်လက် ပြုလုပ်သွားမည် ဖြစ်ပြီး ကချင်ပြည်နယ် စစ်ဘေးဒုက္ခသည် စခန်းမှ ဒုက္ခသည် သုံးဦးက ၎င်းတို့ စစ်ဘေး၏ အတွေ့အကြုံများကို ရှင်းလင်း ပြောကြားမည် ဖြစ်ကြောင်း ၎င်းကဆိုသည်။



အဆိုပါ အခမ်းအနားတွင် လူ့အခွင့်အရေး ချိုးဖောက်မှုများ စောင့်ကြည့်ရေးအဖွဲ့ (Fortify Right) ဥက္ကဋ္ဌ မက်သ်သရူးစမစ်က စစ်ဘေးနှင့် လူ့အခွင့်အရေးဆိုင်ရာများ ဟောပြောသွားမည် ဖြစ်ကြောင်း ၎င်းကဆိုသည်။



“ဒီအခမ်းအနားက ကချင်မှာ ဖြစ်နေတဲ့ စစ်ပွဲကို တားဆီးဖို့ ရည်ရွယ်ပါတယ်” ဟု ဒေါ်ခွန်ဂျာက ဆိုသည်။



ဇွန်လ ၉ ရက်နေ့တွင် မန္တလေးမြို့၌ လည်း ကချင်နှစ်ခြင်း ခရစ်ယာန် အသင်းတော်များတွင် ဆုတောင်းပွဲများ ပြုလုပ်မည် ဖြစ်ကြောင်း အဆိုပါ ကွန်ရက်ထံမှ သိရှိရသည်။



မြစ်ကြီးနားမြို့၌လည်း သက်ဆိုင်ရာ ကချင်နှစ်ခြင်း ခရစ်ယာန်အသင်းတော် အသီးသီးက ဂျော်ဘွမ်တောင်သို့ လမ်းလျှောက်ကာ ဆုတောင်းပွဲများ ပြုလုပ်မည် ဖြစ်ကြောင်း ပွဲစီစဉ်ကျင်းပသူများက ဆိုသည်။



၂၀၁၁ ခုနှစ် ဇွန်လ ပထမပတ် အတွင်းတွင် KIO/KIA တပ်ဖွဲ့ကို နယ်ခြားစောင့် တပ်ဖွဲ့အဖြစ် ပြောင်းလဲရန် တပ်မတော်က ညွှန်ကြားခြင်းနှင့် KIO/KIA ထိန်းချုပ်နယ်မြေ တစ်ခုကို တပ်မတော်က ဝင်ရောက် သိမ်းဆည်းခြင်းများ ပြုလုပ်ခဲ့သောကြောင့် ၁၉၉၄ ခုနှစ်က ရေးထိုးထားသည့် အပစ်အခတ် ရပ်စဲရေးစာချုပ် ပျက်ပြယ်ကာ တိုက်ပွဲများ ပြန်လည်ဖြစ်ပွားခဲ့ခြင်း ဖြစ်သည်။



KIO သည် အစိုးရနှင့် အပစ်အခတ် ရပ်စဲရေးအတွက် ငါးကြိမ်ခန့် ဆွေးနွေးထားသော်လည်း အပစ်အခတ်ရပ်စဲရေး လက်မှတ် ရေးထိုးထားနိုင်ခြင်း မရှိသေးဘဲ တိုက်ပွဲများ လျှော့ချရန်သာ သဘောတူစာချုပ် ချုပ်ဆိုထားသည်။

from The Voice Weekly's Facebook Wall http://ift.tt/1mi4Fp6