ပြည်တွင်းလေကြောင်း ခရီးစဉ်အချို့ လက်မှတ်ခလျှော့ချ
မို့မို့ကြည်
မြန်မာ့လေကြောင်းလိုင်းမှ ခရီးစဉ် နှစ်ခု၏ လက်မှတ်ခနှုန်းထားများကို ဇွန်လ ၁၉ ရက်မှစ၍ လျှော့ချရောင်းချပေးသွားမည်ဟု မြန်မာ့လေကြောင်းလိုင်းမှ တာဝန်ရှိသူတစ်ဦးက မဇ်္ဈိမကိုပြောသည်။
မြန်မာ့လေကြောင်းလိုင်းမှ လျှော့ချပေးသွားမည့် ပြည်တွင်းလေယာဉ်လက်မှတ်ခနှုန်းများမှာ ယခင်က မန္တလေး- ဟုမ္မလင်း သို့ပြေးဆွဲပေးလျက်ရှိသော လေယာဉ်လက်မှတ်ခများကိုကျပ် ၆၄,၀၀၀ ဖြင့် ရောင်းချ ပေးလျက်ရှိရာမှ ၅၉,၀၀၀ ဖြင့် လျှော့ချရောင်းချပေးသွားမည်ဖြစ်ပြီး မုံရွာ-ဟုမ္မလင်းသို့ ပြေးဆွဲပေးလျက် ရှိသော လေယာဉ်လက်မှတ်ခကိုလည်း ကျပ် ၄၇,၅၀၀ ဖြင့် ရောင်းချပေးရာမှ ၄၅,၀၀၀ ဖြင့် လျှော့ချ၍ရောင်း ချပေးသွားမည် ဖြစ်သည်။
“ အခုလိုလက်မှတ်ခတွေကို လျှော့ချပြီးရောင်းချပေးတယ်ဆိုတာက ခရီးသည်တွေအနေနဲ့ ဈေးသက်သက် သာသာနဲ့ အဆင်ပြေအောင်လို့ လျှော့ချပြီးရောင်းချပေးတာပါ ” ဟု အထက်ပါတာဝန်ရှိသူ ကပြောသည်။
ထို့ပြင် အေးရှားဝင်းလေကြောင်းလိုင်းကလည်း ဟုမ္မလင်း-မန္တလေးလေကြောင်းလိုင်းနှင့် မုံရွာ-ဟုမ္မလင်း ခရီးစဉ် နှစ်ခု၏ လေယာဉ်လက်မှတ်ခများကိုလျှော့ချပေးထားကြောင်း အေးရှားဝင်း လေကြောင်းလိုင်း၏marketing ဌာနမှ တာဝန်ရှိတစ်ဦးက ပြောသည်။
from Mizzima - News in Burmese's Facebook Wall http://ift.tt/1oJbo2u
Comments
Post a Comment