စစ်ကိုင်းတိုင်းဒေသကြီးတွင် ယာဉ်တိုက်မှုကြောင့် ငါးလအတွင်း လူတစ်ရာ့ရှစ်ဆယ်ကျော် သေ...

စစ်ကိုင်းတိုင်းဒေသကြီးတွင် ယာဉ်တိုက်မှုကြောင့် ငါးလအတွင်း လူတစ်ရာ့ရှစ်ဆယ်ကျော် သေဆုံး



မုံရွာ၊ ဇွန် ၄



မော်တော်ယာဉ် လေးသိန်းကျော်နှင့် လူဦးရေ ခြောက်သန်းကျော် ရှိသော စစ်ကိုင်းတိုင်းဒေသကြီးတွင် ၂၀၁၄ ခုနှစ် ဇန်နဝါရီလမှ မေလအထိ ငါးလတာ ကာလအတွင်း ယာဉ်မတော်တဆမှု ၆၃၄ ကြိမ ဖြစ်ပွားခဲ့ပြီး ၁၈၈ ဦး သေဆုံးခဲ့ကြောင်း မုံရွာမြို့ အမှတ် (၁၄) ယာဉ်ထိန်း ဒုတပ်ဖွဲ့မှူးရုံး စာရင်းဇယားများအရ သိရသည်။



ယင်းငါးလတာ ကာလအတွင်း သင်္ကြန်ပွဲတော် ကာလဖြစ်သည့် ဧပြီလတွင် ယာဉ်တိုက်မှု ဖြစ်ပွားနှုန် အများဆုံး ဖြစ်ခဲ့ပြီး ဧပြီလတွင် ယာဉ်မတော်တဆမှု ၁၆၂ ကြိမ် ဖြစ်ပွားခဲ့ကာ၊ အနည်းဆုံးလမှာ ဖေဖော်ဝါရီလ ဖြစ်ပြီး ၉၈ ကြိမ် ဖြစ်ပွားခဲ့ကြောင်း ယာဉ်တိုက်မှုကြောင့် သေဆုံးမှုနှုန်း အမြင့်ဆုံးလမှာ မတ်လဖြစ်ပြီး ၅၅ ဦး သေဆုံးခဲ့ကြောင်း၊ အနည်းဆုံးလမှာ ဖေဖော်ဝါရီလ့ ဖြစ်ပြီး ၁၉ ဦး သေဆုံးခဲ့သည်ဟု ယင်းစာရင်းဇယားများတွင် ဖော်ပြထားသည်။



“ဧပြီလတုန်းက ယာဉ်တိုက်မှု များပေမယ့် မေလမှာ ပြန်လျော့သွားတယ်။ မုံရွာမြို့ပေါ်မှာ နေ့စဉ် ဆိုင်ကယ်တွေကို ဖမ်းဆီး စစ်ဆေးနေပေမယ့်လည်း ဦးထုပ်မဆောင်းတဲ့ သူတွေက လျော့မသွားဘူး။ နေ့စဉ် ဦးထုပ်မဆောင်းလို့ ဖမ်းမိတဲ့ ဆိုင်ကယ်စီးရေက ၆၀ ဝန်းကျင်လောက် ရှိတယ်” ဟု မုံရွာမြို့ အမှတ် (၁၄) ယာဉ်ထိန်း ဒုတပ်ဖွဲ့မှူးရုံး ယာဉ်ထိန်းရဲ အရာရှိတစ်ဦးက ပြောဆိုသည်။



စစ်ကိုင်းတိုင်းဒေသကြီးအတွင်း ၂၀၁၂ ခုနှစ်က ယာဉ်တိုက်မှု ၁၁၃၂ ကြိမ် ဖြစ်ပွားခဲ့ပြီး သေဆုံးသူ ၃၄၄ ဦးရှိခဲ့ကာ၊ ၂၀၁၃ ခုနှစ်တွင် ယာဉ်တိုက်မှု ၁၄၀၅ ကြိမ် ဖြစ်ပွားခဲ့ပြီး သေဆုံးသူ ၃၈၄ ဦး ထိ ရှိခဲ့ကြောင်း အဆိုပါ ၂ နှစ်လုံးတွင် ယာဉ်တိုက်မှု အများဆုံး ခရိုင်မှာ မုံရွာခရိုင် ဖြစ်ခဲ့ကြောင်း ယင်းယာဉ်ထိန်း ရဲတပ်ဖွဲ့ စာရင်းဇယားတွင် ထည့်သွင်း ဖော်ပြခဲ့သည်။







from The Voice Weekly's Facebook Wall http://ift.tt/1kw2Bhu