လာမည့်ရာသီတွင် ကျောနံပါတ် ၁၀ နှင့်အတူ တွေ့ရမည့် ဟက်ဇက်
Timeline Photos
ချယ်လ်ဆီးတောင်ပံကစားသမားဟက်ဇက် လာမည့်ရာသီတွင် ကျောနံပါတ် ၁၀ ကို ၀တ်မည် ................................................... အောင်သုတ ချယ်လ်ဆီးအသင်း၏ ဘယ်လ်ဂျီယံတောင်ပံကစားသမားအီဒင်ဟက်ဇက်သည် လာမည့်ရာသီတွင် ချယ်လ်ဆီးအသင်းအတွက် ကျောနံပါတ် ၁၀ ဂျာစီကို ၀တ်ဆင်ကစားမည်ဖြစ်သည်။ ပီအက်စ်ဂျီအသင်းမှ ခေါ်ယူရန်ပစ်မှတ်ထားခံနေရသည့် ဟက်ဇက်သည် လွန်ခဲ့သည့်နှစ်နှစ်က လိုင်လီအသင်းမှ ချယ်လ်ဆီးသို့ပြောင်းရွှေ့လာ ခဲ့ပြီး ၀တ်ဆင်ကစားခဲ့သည့် ကျောနံပါတ် ၁၇ ဂျာစီအစား လာမည့်ရာသီတွင် လစ်လပ်နေသည့် ကျောနံပါတ် ၁၀ ကိုပြောင်းလဲဝတ်ဆင်ကစား မည်ဖြစ်သည်။ ဟက်ဇက်သည် လိုင်လီမှ ပြောင်းရွှေ့လာကတည်းက ကျောနံပါတ် ၁၀ ကို ၀တ်ဆင်ခွင့်ရရန် မျှော်မှန်းခဲ့သော်လည်း ယင်းအ ချိန်က ကွင်းလယ်လူမာတာ ၀တ်ဆင်ကစားနေသဖြင့် ၀တ်ဆင်ခွင့်မရခဲ့ဘဲ ပြီးခဲ့သည့်ရာသီက မာတာ မန်ယူသို့ပြောင်းရွှေ့သွားခဲ့သည့်အ တွက် ကျောနံပါတ် ၁၀ မှာ လစ်လပ်နေခဲ့ခြင်းဖြစ်သည်။ “ချယ်လ်ဆီးအတွက် ကျောနံပါတ် ၁၀ ကို ၀တ်ဆင်ကစားခွင့်ရတဲ့အတွက် အရမ်းကျေနပ်ပါတယ်။ အဲဒီနံပါတ်က ကျွန်တော့်ရဲ့ အကြိုက်ဆုံးနံပါတ်ဖြစ်ပြီး လက်ရွေးစင်အသင်းမှာလည်း ၀တ်ဆင်ခွင့်ရထားပါတယ်။ ပြီးတော့ ကျွန်တော် ငယ်ငယ်က ကြိုက်ခဲ့ရတဲ့ ဇီဒန်းတို့ လို ဂန္ထ၀င်ကစားသမားတွေလည်း ၀တ်ဆင်ခဲ့တဲ့ နံပါတ်ပါ။ အဲဒီနံပါတ်ကြောင့် အနာဂတ်မှာ ကျွန်တော့်အတွက် ကံကောင်းမှုတွေရလာမယ်လို့ မျှော်လင့်ထားသလို ပရိသတ်တွေအနေနဲ့လည်း ကျွန်တော့်ကို လာမည့်ရာသီမှာ အဲဒီဂျာစီနဲ့ မြင်တွေ့ရမှာပါ”ဟု ဟက်ဇက်က ချယ်လ်ဆီးအ သင်းဝက်ဘ်ဆိုဒ်သို့ ပြောကြားသည်။ သို့သော် ချယ်လ်ဆီးအသင်းပရိသတ်အများစုမှာ ဟက်ဇက်၏ ကျောနံပါတ် ၁၇ ပါဂျာစီများကို ၀ယ်ယူထားကြပြီးဖြစ်နေရာ ၎င်းတို့အနေဖြင့် အသင်း၏ တရားဝင်စတိုးမှ ၀ယ်ယူခဲ့သည့်ဘောက်ချာများပြသပြီး ဇူလိုင် ၃၁ ရက်ကို နောက်ဆုံးထား၍ ပြန်လည်လဲလှယ်နိုင်ကြောင်း ချယ် လ်ဆီးအသင်းက ထုတ်ပြန်ထားသည်။ ပရိသတ်များပြန်လာလဲလှယ်သည့် ဂျာစီများကို ချယ်လ်ဆီးအသင်းမှ တည်ထောင်ထားသည့် ရန်ပုံငွေ အဖွဲ့အစည်းထံသို့ လှူဒါန်းသွားမည်ဖြစ်သည်။ ရည်ညွှန်း - ဒေးလီးမေးလ်
from Mizzima - News in Burmese's Facebook Wall http://ift.tt/1nbXbHx
Comments
Post a Comment