လူရည်ချွန်ဟောင်းများက ရန်ကုန်မြို့ရှိ လေလွင့်ကလေး သုံးရာကျော်ကို ပညာပေး ဟောပြာပွ...

လူရည်ချွန်ဟောင်းများက ရန်ကုန်မြို့ရှိ လေလွင့်ကလေး သုံးရာကျော်ကို ပညာပေး ဟောပြာပွဲ ပြုလုပ်မည်



ရန်ကုန်၊ ဇွန် ၆



အကြောင်းအမျိုးမျိုးကြောင့် ပညာရေးနှင့် ကင်းကွာနေသော ရန်ကုန်မြို့တော်ရှိ လေလွင့်ကလေးသူငယ် သုံးရာကျော်ကို လှိုင်သာယာမြို့နယ်၊ သောင်ကြီး ပရိယတ္တိစာသင်တိုက်တွင် ကျန်းမာရေးနှင့် ဘဝတိုးတက်ရေး အသိပညာပေး ဒုတိယအကြိမ် ဟောပြောပွဲ ပြုလုပ်ရန် လူရည်ချွန်ဟောင်းများ အဖွဲ့က စီစဉ်နေကြောင်း အဆိုပါအဖွဲ့ ဥက္ကဋ္ဌ ဒေါက်တာတင်မျိုးဝင်းက The Voice သို့ ပြောကြားသည်။



အဆိုပါ ဟောပြောပွဲကို ဇွန်လ ၈ ရက်နေ့တွင် ပြုလုပ်မည် ဖြစ်ပြီး လာရောက်သော ကလေးသူငယ်များအတွက် တစ်ကိုယ်ရေ ကျန်းမာရေး စစ်ဆေးပေးကာ အခြေခံအသုံးအဆောင်များ ထောက်ပံ့ပေးမည် ဖြစ်ကြောင်း ၎င်းက ထပ်လောင်း ပြောကြားသည်။



သွားနှင့် ခံတွင်း ကျန်းမာရေး၊ တစ်ကိုယ်ရေ ကျန်းမာရေး အခြေအနေများကို စစ်ဆေးရန် ကလေးအထူးကု ဆရာဝန်ကြီး ဗိုလ်မှူးကြီး ကေသီထွန်း အပါအဝင် ဆရာဝန်များက ကူညီပံ့ပိုးမည် ဖြစ်ကြောင်း လူရည်ချွန်အဖွဲ့ (၁၉၆၄-၁၉၈၈) ထံမှ စုံစမ်းသိရှိရသည်။



လှိုင်သာယာမြို့နယ်ရှိ လေလွင့်ကလေးငယ်များအတွက် ဟောပြောပွဲ အစီအစဉ်များကို ၂၀၁၄ ခုနှစ်ဆန်းပိုင်းက စတင်ခဲ့ပြီး ဇွန်လ ၈ ရက်နေ့တွင် ပြုလုပ်မည့် ဟောပြောပွဲသည် ဒုတိယအကြိမ်မြောက် ဖြစ်ကြောင်း၊ လက်ရှိအချိန်တွင် လေလွင့်ကလေးသူငယ် ၃၆၀ ကျော်ကို အသိပညာပေး ပံ့ပိုးမှုများ ပြုလုပ်ထားကြောင်း ဒေါက်တာတင်မျိုးဝင်းက The Voice သို့ ပြောဆိုသည်။



“တတ်နိုင်တဲ့ ဘက်ကနေ တစ်နိုင်တစ်ပိုင် လုပ်တာ ဝမ်းသာပါတယ်။ စနစ်တကျနဲ့ ကလေးအားလုံးကို ထိထိရောက်ရောက် လုပ်ပေးနိုင်ဖို့လဲ မျှော်လင့်တယ်” ဟု မြန်မာနိုင်ငံ ကလေးသူငယ် အခွင့်အရေးများ ဖွံ့ဖြိုးတိုးတက်ရေးကွန်ရက် စီမံကိန်း ဒါရိုက်တာ ဦးအာကာစိုးနောင်က ဆိုသည်။



မြန်မာတွင် ကျောင်းပြင်ပ ရောက်ရှိနေသူ ကလေးသူငယ်များအတွက် ပညာရေး ဝန်ကြီးဌာနက ကျောင်းပြင်ပ ပညာရေး မူလတန်းကျောင်းများ ဖွင့်လှစ်ခဲ့သော်လည်း အလှူရှင် လိုအပ်ချက်ကြောင့် မြို့နယ်တိုင်းတွင် ဖွင့်လှစ်နိုင်ခြင်း မရှိသေးချေ။



သို့သော် အရပ်ဘက် အဖွဲ့အစည်း အချို့နှင့် ရွှေ့ပြောင်းပညာရေး အဖွဲ့အစည်းများက ကလေးလုပ်သားနှင့် လေလွင့်ကလေးသူငယ်များအတွက် အသိပညာပေး ပညာရေး အစီအစဉ်များကို ၂၀၁၂ ခုနှစ် နောက်ပိုင်းတွင် ပိုမိုတိုးမြှင့် လုပ်ဆောင်လျက်ရှိကြောင်း အဆိုပါ အသိုင်းအဝိုင်းမှ သိရသည်။



မြန်မာနိုင်ငံတွင် လေလွင့်ကလေးသူငယ်ရေးရာအတွက် ပညာရေး ဝန်ကြီးဌာနနှင့် လူမှုဝန်ထမ်း ဦးစီးဌာနတို့က အဓိက ဖြေရှင်းပေးလျက် ရှိသည်။







from The Voice Weekly's Facebook Wall http://ift.tt/1kKK8Og