မြန်မာပိုလီတက္ကသိုလ် ဖွင့်လှစ်နိုင်ရန် ညှိနှိုင်းဆောင်ရွက်နေ
အောင်သူရထွန်း
သိပ္ပံနှင့်နည်းပညာဝန်ကြီးဌာနနှင့် ကိုး ရီးယား ပိုလီတက်ကနစ်တက်္ကသိုလ်တို့ ပူးပေါင်း၍ မြန်မာ ပိုလီတက်ကနစ်တက္ကသိုလ်ကို တည်ထောင်နိုင်ရေးအတွက် နားလည်မှုစာချွန်လွှာ(မူကြမ်း)အား လက်မှတ်ရေးထိုးရန် ညှိနှိုင်းဆောင်ရွက်နေသည်ဟု သိပ်္ပံနှင့် နည်းပညာဝန်ကြီးဌာန၊ ဒုတိယ၀န်ကြီး ဒေါက်တာ အောင်ကျော်မြတ်က ဇွန်လ ၅ ရက်တွင် ကျင်းပသော အမျိုးသားလွှတ်တော်၌ ပြောသည်။
၎င်းက“ပိုလီတက်ကနစ်ဆိုတာက အသက်မွေးပညာကျောင်းလို့လဲခေါ်တယ်။ စင်ကာပူမှာကတော့ ပိုလီ တက်ကနစ် အင် စတီကျု့လို့ခေါ်တာပေါ့။ ပိုလီတက်လို့ ခေါ်လိုက်တယ်။ ကိုးရီးယားကတော့ ပိုလီတက် ကနစ် ယူနီဗာစတီလို့ခေါ်တယ်၊ ဒီက level နဲ့ဆိုရင်တော့ ဒီပလိုမာ အပ်နှင်းတဲ့ level ပေါ့၊ ဘွဲ့တော့ မအပ်နှင်းဘူး”ဟု ဆိုသည်။
မည်သည့်အချိန်တွင် နားလည်မှုစာချွန် လွှာကို လက်မှတ်ရေးထိုးမည်ကို မပြောကြားခဲ့သော်လည်း ကိုးရီးယားနှင့် ပူးပေါင်း ဖွင့်လှစ်မည့် မြန်မာပိုလီတက်ကနစ်အား ယူနီဗာစတီဟု သုံးထားသည့်အတွက် နောက်ပိုင်းတွင် ဘွဲ့ပေးမည်ဟုလည်း ဒု- ၀န်ကြီးက ဆိုသည်။
ဧရာဝတီတိုင်းဒေသကြီး၊ အမှတ်(၃) မဲဆန်္ဒနယ်၊ အမျိုးသားလွှတ်တော်ကိုယ်စားလှယ် ဦးဉဏ်လင်းက တောင်ကိုးရီးယား နှင့် မြန်မာ ပူးပေါင်း၍ ပိုလီနည်းပညာ တက်္ကသိုလ် ဖွင့်လှစ်သွားမည့် အစီအစဉ်ကို သိလိုသည်ဟု မေးမြန်းမှုကို ဒု-၀န်ကြီးက ပြန်လည်ဖြေကြားခဲ့ခြင်း ဖြစ်သည်။
ဦးဉဏ်လင်းက“ပိုလီနည်းပညာ တက္ကသိုလ်ရဲ့ သဘောသဘာဝ၊ သင်ကြားမယ့် ဘာသာရပ်များ၊ ဖွင့်လှစ် သွားမည့် အခြေအနေ၊ ရရှိနိုင်မည့် အကျိုးရလဒ်များအား လူငယ်လူရွယ်များနှင့် ပြည်သူများသိရှိစေဖို့ ဒီမေး ခွန်းကို မေးတာပါ”ဟု ဆိုသည်။
မြန်မာပိုလီတက်ကနစ် တက္ကသိုလ်သည် စက်ရုံအလုပ်ရုံများတွင် တိုက်ရိုက်အသုံးပြုနိုင်သည့် လက်တွေ့ ကျွမ်းကျင်မှု ဦးစားပေးသော လေ့ကျင့်သင်ကြားမှု၊ အလုပ်ရရှိပြီးသူ၊ ဘွဲ့ရရှိပြီးသူများက လုပ်ငန်းခွင် အတွင်း လက်တွေ့ကျွမ်းကျင်မှုများ ပိုမိုရရှိနိုင်ရေး မွမ်းမံသင်တန်းများ၊ စက်ရုံ အလုပ်ရုံများရှိ ၀န်ထမ်းများမှ ပညာရေး ဆက်လက်သင်ကြားလိုပါက ပေါင်းကူးဆောင်ရွက်ပေးနိုင်မည့် ပညာသင်ကြားမှု စနစ်တို့ ဖြစ်သည်။
from Mizzima - News in Burmese's Facebook Wall http://ift.tt/1oiGkDO
Comments
Post a Comment