သိမ်းဆည်းရရှိခဲ့သော လက်နက်များ နှင့် ထိုင်းအတိုက်အခံ ခေါင်းဆောင် ဆက်နွယ်နေကြောင်း စစ်တပ်ပြော
အေဖက်ပီ
ဘန်ကောက်၊ ဇွန် ၃၀
ထိုင်း ငြိမ်းချမ်းရေးနှင့် တရားဥပဒေ စိုးမိုးရေး အမျိုးသားကောင်စီ (NCPO)သည် မေလ ၂၂ ရက်မှ ဇွန်လ ၂၅ ရက်အတွင်း ထိုင်းနိုင်ငံတစ်ဝန်း၌ စစ်ဘက် အထူးတာဝန်တပ်ဖွဲ့များက သိမ်းဆည်းရရှိခဲ့သော တရားမဝင် လက်နက် ခဲယမ်းမီးကျောက် အမြောက်အများအား ပြသခဲ့သည်ဟု ဇွန်လ ၃၀ရက် အေအက်ဖ်ပီ သတင်းတစ်ရပ်တွင် ဖော်ပြထားသည်။
ထို တရားမဝင် လက်နက်များ သိမ်းဆည်းနိုင်ရေးအတွက် ဝင်ရောက်စီးနင်းမှုများ ပြုလုပ်ခဲ့ကြရာတွင် စစ်တပ် နှင့် ရဲ အထူးတာဝန်တပ်ဖွဲ့များ ပါဝင်ခဲ့ကြောင်း ငြိမ်းချမ်းရေး နှင့် တရားဥပဒေ စိုးမိုးရေး အမျိုးသားကောင်စီက ဆိုသည်။
“အဲဒီ မြေအောက် လှုပ်ရှားမှုရဲ့ နောက်ကွယ်မှာ ပါဝင်ပြီးတော့ ဒီလက်နက်တွေကိစ္စမှာ ဆက်နွယ်ပတ်သတ်နေတဲ့သူတွေ အများကြီးထဲမှာ အတိုက်အခံခေါင်းဆောင်တစ်ဦးဖြစ်သူ ဂျက်ကရာပေါ့ဘ်ပန်ကယ်လည်း ပါတဲ့အကြောင်း တွေ့ရှိခဲ့ရပါတယ်” ဟု ဘန်ကောက် ရဲတပ်ဖွဲ့၏ လက်ထောက် အကြီးအကဲ ရဲမှူးကြီး ဆွန်ပေါ်ဝပ်ထနာချိုင်းက ဆိုခဲ့သည်။
ထိုကဲ့သို့ စုံစမ်းထောက်လှမ်း ရရှိခဲ့သော အချက်အလက်များအရ ထိုင်း စစ်ခုံရုံးသည် အခွင့်အရေး နှင့် ဒီမိုကရေစီ အတွက် လွတ်လပ်သော ထိုင်းနိုင်ငံသား အဖွဲ့” ၏ အမှုဆောင် အတွင်းရေးမှူး ဂျက်ကရာပေါ့ဘ်အား ဖမ်းဝရမ်း ထုတ်ပြန်ခဲ့ခြင်း ဖြစ်ကြောင်းလည်း ရဲမှူးကြီးက ဆိုသည်။ အာဏာသိမ်း ထိုင်းစစ်အစိုးရအား ဆန့်ကျင်လှုပ်ရှားမည့် ထိုအဖွဲ့ကို ပြည်ပတွင် မကြာသေးမီက ဖွဲ့စည်းခဲ့ကြခြင်း ဖြစ်သည်။
တရားမဝင် လက်နက်ကိုင် အဖွဲ့အစည်းများ ဖွဲ့စည်းတည်ထောင်ရန် ကြိုးပမ်းနေခြင်း နှင့် နိုင်ငံရေးပြိုင်ဘက်များအား တိုက်ခိုက်ရန် ပြင်ဆင်သည့်အနေဖြင့် လက်နက်များ တရားမဝင်
စုဆောင်းမှုများ ရှိခဲ့ခြင်းသည် မေလ ၂၂ ရက်တွင် စစ်တပ်က အာဏာသိမ်းခဲ့ရခြင်း၏ အဓိက အကြောင်းရင်းများမှ တစ်ခုဖြစ်ကြောင်း ငြိမ်းချမ်းရေး နှင့် တရားဥပဒေ စိုးမိုးရေး အမျိုးသားကောင်စီက ဆိုခဲ့သည်။
ယခုအချိန်အထိ သိမ်းဆည်းရရှိခဲ့သော လက်နက်များထဲတွင် သေနတ် ၁၉၉၆ လက်၊ ကျည် ၃၁,၈၄၀ နှင့် ဖောက်ခွဲရေး ကိရိယာ ၂၅၆ ခု ပါဝင်သည်ဟု ဆိုသည်။ ထို့ပြင် ရိုင်ဖယ်များ၊ စက်သေနတ်များ၊ ပစ္စတိုများ နှင့် လောင်ချာများလည်း ပါဝင်သည်။
from Mizzima - News in Burmese's Facebook Wall http://ift.tt/1myWN1W
Comments
Post a Comment