ဆေးကျောင်းသား သေဆုံးသည့် အကြောင်းရင်းမှန် တစ်လကျော်သည်အထိ မသိရသေးဟု မိသားစုဝင်မျ...

ဆေးကျောင်းသား သေဆုံးသည့် အကြောင်းရင်းမှန် တစ်လကျော်သည်အထိ မသိရသေးဟု မိသားစုဝင်များ ပြောကြား



ရန်ကုန်၊ ဇွန် ၁၃



နောက်ဆုံးနှစ် ဆေးတက္ကသိုလ် ကျောင်းသားတစ်ဦးဖြစ်သည့် အသက် ၂၀ အရွယ် ကိုဂွန်ဆိုင်းအောင် ဧပြီလ ၂၉ ရက်နေ့က သေဆုံးခဲ့မှုနှင့် ပတ်သက်၍ သေဆုံးသည့် အကြောင်းရင်းမှန်ကို တစ်လကျော်ကြာသည်အထိ မသိရသေးကြောင်း မိသားစုဝင်များက ပြောကြားသည်။



ကိုဂွန်ဆိုင်းအောင်မှာ ၎င်း၏ သူငယ်ချင်းတစ်ဦးနှင့်အတူ ဧပြီလ ၂၈ ရက်နေ့ မော်တော်ယာဉ် ဝယ်ယူခဲ့ကြောင်း၊ ယင်းနေ့ ညနေ ၄ နာရီခန့်က ကမာရွတ်မြို့နယ် ကျွန်းတောလမ်းရှိ ၎င်း၏ ဦးလေး ပိုင်ဆိုင်သော ကားရေဆေး ဆီထိုးအလုပ်ရုံတွင် ကားရေဆေးခဲ့ပြီး ၎င်း၏ သူငယ်ချင်းနှင့် ကျူရှင်သွားခဲ့ကြောင်း၊ ယင်းသို့ ထွက်သွားစဉ် ၎င်းနှင့်အတူ ကြွပ်ကြွပ်အိတ်ဖြင့် ထည့်ထားသော ငွေကျပ် ၁၇ သိန်း ပါရှိခဲ့ကြောင်း ၎င်း၏ ဦးလေး ဦးထွန်းခိုင်လတ်က ပြောကြားသည်။



ကိုဂွန်ဆိုင်းအောင်မှာ မသေဆုံးမီ တစ်ရက်အထိ ချစ်သူနှင့် အဆက်အသွယ် ရှိခဲ့ပြီး ၎င်းတို့နှစ်ဦး နောက်ဆုံးတွေ့ဆုံစဉ်က အရက်သောက်ထားခြင်း၊ မူးယစ်ဆေး သုံးစွဲထားခြင်းမျိုး မတွေ့ရကြောင်း၊ ၎င်း၏ ချစ်သူမှာ သူငယ်ချင်းတစ်ဦး၏ အိမ်တွင် ညအိပ်မည် ဖြစ်သည်ကို သိရှိထားပြီး အပြန်အလှန် ပေးပို့စာများအရ ၎င်းတို့ ချစ်သူနှစ်ဦးမှာ ဧပြီ ၂၉ ရက်နေ့ နံနက် ၂ နာရီခွဲခန့်ထိ အဆက်အသွယ် ရှိခဲ့ကြောင်းကို ဂွန်ဆိုင်းအောင်၏ ချစ်သူက မြန်မာနိုင်ငံရဲတပ်ဖွဲ့ ဌာနချုပ် ရဲချုပ်ထံ ပေးပို့သော လက်ရေးမူ ထွက်ဆိုချက်တွင် ဖော်ပြထားသည်။



ဧပြီ ၂၉ ရက်နေ့ နံနက် ၈ နာရီတွင် ၎င်း၏ သူငယ်ချင်းက အိပ်ရာမှထရန် နှိုးရာတွင် ဂွန်ဆိုင်းအောင် သေဆုံးနေသဖြင့် ရန်ကုန်ဆေးရုံကြီးကို ပို့ဆောင်ခဲ့ကြောင်း၊ မည်သည့်ရောဂါဖြင့် သေဆုံးသည်ကို ယနေ့အထိ အဖြေတိတိကျကျ မသိရသေးကြောင်း သေဆုံးသူ၏ ဦးလေးတော်စပ်သူ ဦးမင်းသိန်းက ပြောကြားသည်။



“မူးယစ်ဆေးနဲ့ သေတယ်လို့ ဆေးရုံက မပြောပေမယ့် ဘာကြောင့် သေတယ်ဆိုတာ မသိရဘူး။ သေပြီး မကြာဘူး ဂျာနယ်တစ်ခုမှာ မူးယစ်ဆေးဝါး သုံးစွဲထားတဲ့ လက္ခဏာနဲ့ သေတယ်လို့ ပါလာတယ်။ ကျွန်တော်တို့က ကချင်တွေ ဖြစ်တဲ့အတွက် တစ်ယောက်သိရင် အားလုံးသိတဲ့ သဘောရှိတယ်။ လူတွေက ဘာကြောင့်သေလဲလို့ ဝိုင်းမေးကြတယ်။ ကျွန်တော်တို့ ခေါင်းတောင် မဖော်နိုင်ပါဘူး။ အိမ်ထဲကတောင် မထွက်နိုင်ဘူး။ လူပြန်မရှင်နိုင်တော့ပေမယ့် သေရတဲ့ အကြောင်းရင်းအမှန်ကိုတော့ သိချင်ပါတယ်” ဟု ၎င်းကဆိုသည်။



ဆေးကျောင်းသား သေဆုံးမှုမှာ တစ်လကျော် ကြာမြင့်ပြီ ဖြစ်သော်လည်း ပွင့်လင်းမြင်သာမှုနှင့် မြန်ဆန်တိကျမှု မရှိသည့်အတွက် စစ်ဆေးသူများကို အားမရကြောင်း၊ မိသားစုဝင်များက တောင်းဆိုလိုသည်မှာ သေဆုံးခဲ့ရသည့် အကြောင်းရင်းအမှန်ကို အမြန်ဆုံးသိရှိလိုပြီး ယင်းအမှုကို ဥပဒေအရ အမြန်ဆုံး ဆောင်ရွက်စေလိုကြောင်း ၎င်း၏ ဦးလေး ဦးထွန်းခိုင်လတ်က ပြောကြားသည်။



ဆေးကျောင်းသား သေဆုံးမှုနှင့် ပတ်သက်၍ လက်တလောတွင် သေဆုံးသူ၏ ဖုန်းအဝင်အထွက်များကို စစ်ဆေးလျက်ရှိကြောင်း ဇွန်လ ၁၇ ရက်နေ့တွင် ရန်ကုန်ဆေးရုံကြီး မှုခင်းဆေးစာဌာနတွင် ဆေးစာအဖြေ ရရှိမည် ဖြစ်ကြောင်း၊ ဆေးစာအဖြေတွင် သေဆုံးသည့် အကြောင်းရင်းမှန်ကို သိရှိရမည် ဖြစ်သောကြောင့် ဆက်လက်စုံစမ်းသွားမည် ဖြစ်ကြောင်း လှိုင်မြို့မရဲစခန်းမှ ရဲအရာရှိတစ်ဦးက ပြောကြားသည်။

from The Voice Weekly's Facebook Wall http://ift.tt/1qdAdTv