" ဖုန်းမှ တစ်ဆင့်မဖွယ်မရာပြောဆိုမှုတိကျသော ဥပဒေမရှိခြင်းကြောင့် အရေးယူရန်ခက် "...

" ဖုန်းမှ တစ်ဆင့်မဖွယ်မရာပြောဆိုမှုတိကျသော

ဥပဒေမရှိခြင်းကြောင့် အရေးယူရန်ခက် "



မိုဘိုင်းဖုန်းမှတစ်ဆင့် အမျိုးသမီးများအား မဖွယ်မရာပြောဆိုခြင်း၊ ခြိမ်း ခြောက်ခြင်းကို တရားစွဲဆို အရေးယူနိုင်ရေးမှာ တိကျသောဥပဒေ မရှိခြင်းကြောင့် ထိရောက်မှု အားနည်းနေသေးကြောင်း သက်ဆိုင်ရာနယ်ပယ်အလိုက် ကျွမ်းကျင်သူများက ပြောသည်။



လက်ရှိတွင် ညအိပ်ချိန်များ၌ အမျိုးသမီးများ ကိုင်ဆောင်သည့် ဖုန်းများကို ဖုန်းမှားသည့်အသွင်ဖြင့် မဖွယ်မရာစကားများ၊ ခြိမ်းခြောက်မှုများကို အသံဖြင့်လည်းကောင်း၊ မက်ဆေ့ခ်ျ ပေးခြင်း ဖြင့် လည်းကောင်း ပြု လုပ်နေသည်ဟု ကိုယ်တိုင်ကြုံတွေ့သူများက ပြောသည်။



''အိပ်ပျော်နေတုန်း ဖုန်းလာလို့ ကိုင်လိုက်မိတယ်။ တစ်ဖက်က ပြော တဲ့စကားဘယ်လောက်တောင် မိုက်ရိုင်းသလဲဆိုရင် အိပ်ချင် စိတ်တောင် ပျောက်ပြီးတော့ ဒေါသ အလိပ်လိပ် ထွက်ရပါတယ်'' ဟု အင်းစိန်မြို့နယ်မှ မထက်ထက်က ပြောသည်။



ယင်းအပြင် ပုဇွန်တောင်မြို့နယ်မှ အသက် ၃ဝ အရွယ် မဝင်းမာကလည်း အသိတစ်ယောက်ဖုန်းထင်၍ ကိုင်လိုက်သောအခါ တစ်ဖက်မှ မဖွယ်မ ရာများ ပြောဆိုသည့်အပြင် အုပ်စုနှင့်ရှိနေကြောင်း ခြိမ်းခြောက် ပြော ဆိုသွားသည့်အတွက် ဒေါသဖြင့် စိတ်ဆင်းရဲခဲ့ရကြောင်း ပြောသည်။



လက်ရှိဖြစ်စဉ်အား ဆက်သွယ်ရေး ဥပဒေနှင့် အရေးမယူနိုင်ကြောင်း၊ လူမှုရေးကိစ္စများဖြစ်သည့်အတွက် ရဲစခန်းတွင်သာ ဆောင်ရွက်သင့်ကြောင်း၊ ဆက်သွယ်ရေးအနေဖြင့် ဖုန်းခေါ်ဆိုသည့်အချိန်နှင့် ခေါ်ဆိုထားသည့်ဖုန်းနံပါတ်၊ မိနစ်စသည့် အချက်များကိုသက်သေအဖြစ်သာ ပေးအပ်နိုင်ကြောင်း အဆိုပါကိစ္စများနှင့် ပတ်သက်၍အရေးယူမှုအပိုင်းကို မြန်မာ့ဆက်သွယ်ရေး လုပ်ငန်းအားဆက်သွယ်မေးမြန်းရာ မိုဘိုင်းဌာနမှ အင်ဂျင်နီယာမှူး ဦးအောင်ကျော်က ပြောသည်။



လက်ရှိ ဖုန်းဖြင့် ညစ်ညမ်းပြောဆိုနေမှုများသည် ရဲအရေးပိုင်သော အမှုမဟုတ်သည့်အတွက် တရားရုံးကိုသာ ဦးတိုက်လျှောက်ထားရ မည့်အမှု ဖြစ်ကြောင်း၊ တရားရုံးသို့ လျှောက်ထားရာတွင် ပစ္စည်းသက်သေ၊ လူသက်သေများလို အပ်ကြောင်း၊ သက်သေမရှိပါက အမှုဖွင့်ရန် အလွန် အမင်းခက်ခဲ ကြောင်း၊ ယင်းဖြစ်စဉ်များအတွက် ဥပဒေသီးသန့်ရှိပါက ကိုင် တွယ်ရန်လွယ်ကူမည်ဖြစ်ကြောင်း ရန်ကုန်တိုင်းဒေသကြီး အရှေ့ပိုင်းခရိုင် ရဲရုံးမှလုပ်သက် ၁ဝ နှစ်ဝန်းကျင်ရှိ ရဲအုပ်တစ်ဦးက သူ့အမြင်ကို ပြောသည်။



သက်သေခိုင်လုံသည့် အမှုဖြစ်ပါက ခြိမ်းခြောက်မှု ပုဒ်မ ၅ဝ၄၊ ၅ဝ၆၊ ညစ်ညမ်းစွာဆဲရေးမှု ပုဒ်မ ၂၉၄ စသည့် အမှုများဖြင့် တရားစွဲဆိုနိုင် မည်ဖြစ်ပြီး ငွေဒဏ်နှင့် အများဆုံး ထောင်ဒဏ်တစ်နှစ်သာ ကျနိုင်သည်ဟု တရားလွှတ်တော် ရှေ့နေ ဦးကျော်ဇေယျက ပြောသည်။



Smart ဖုန်းကိုင်ဆောင်ထားသော သူများအတွက် Auto Call Recoder ဆော့လ်ဝဲ ထည့်သွင်းထားခြင်းဖြင့် တစ်ဖက်မှ ပြောဆိုမှုများကို အသံဖမ်းယူနိုင်သည်။ ၎င်းအသံဖိုင်တွင် ဖုန်းနံပါတ်အချိန်တို့ကို အလိုအလျောက် မှတ်တမ်းတင်သည်ဖြစ်၍ နောင်တွင် ထိုဖုန်းနံပါတ်အား Black List ထည့် ထားပြီး ဖုန်းခေါ်ဆိုမှုကို ပိတ်ဆို့ထားနိုင်ကြောင်း အိုင်တီပညာရှင်တစ်ဦးက ဆိုသည်။



လက်ရှိ ဖြစ်နေသည့် ကိစ္စများသည် မြန်မာနိုင်ငံတွင် ထိထိရောက်ရောက် အရေးယူနိုင်ခြင်း မရှိသေးသော်လည်း အခြားနိုင်ငံများတွင် ဥပဒေ တစ်ခု ပြဋ္ဌာန်းပြီး ပြင်းပြင်းထန်ထန် အရေးယူနေမှုများရှိကြောင်း ရန်ကုန် တိုင်းဒေသကြီး လွှတ်တော်ကိုယ်စားလှယ် ဒေါ်ညိုညိုသင်းက ပြောသည်။



''ဥပဒေ မရှိသေးဘူးဆိုပေမယ့် လက်ရှိ ပြဋ္ဌာန်းထားတဲ့ ဥပဒေတွေနဲ့ ထိထိ ရောက်ရောက်အရေးယူမယ်ဆို ရင် ဒါတွေ တော်တော်လေး ကင်းနိုင်ပါတယ်'' ဟု ၎င်းက ပြောသည်။



ဥပဒေပေါ်ပေါက်လာရေးအတွက် ကွန်ရက်တစ်ခုနှင့်လူမှုဝန်ထမ်းဦးစီး ဌာနတို့ပူးပေါင်း၍ ဥပဒေရေးဆွဲနေ ကြောင်း၊ ယင်းဥပဒေ ပေါ်ပေါက်လာပါက လက်ရှိဖုန်းဖြင့် အမျိုးသမီးများအား မဖွယ်မရာ ပြောဆိုခြင်း၊ ခြိမ်း ခြောက်ခြင်း များအား အကြမ်းဖက်သည့် ပုဒ်မဖြင့် ထိရောက်စွာ အရေးယူရမည်ဟု ၎င်းက

သူ့အမြင်ကို ပြောသည်။



အောင်ဇော်







from Popular Myanmar News Journal's Facebook Wall http://ift.tt/TfYdI7