ပေါက်ကွဲမှုဖြင့် တရားစွဲ ခံထားရသည့် စစ်ရှောင်များ ထောင်ဒဏ်နှစ်ရှည် ချမှတ်ခံရ မြစ...

ပေါက်ကွဲမှုဖြင့် တရားစွဲ ခံထားရသည့် စစ်ရှောင်များ ထောင်ဒဏ်နှစ်ရှည် ချမှတ်ခံရ



မြစ်ကြီးနား၊ ဇွန် ၅



ကချင်ပြည်နယ်တွင် ၂၀၁၂ ခုနှစ် အတွင်းက ဖြစ်ပွားသွားခဲ့သော ပေါက်ကွဲမှုများနှင့် ပတ်သက်၍ စွပ်စွဲကာ ပေါက်ကွဲ (၃)၊ ပေါက်ကွဲ (၄) ပုဒ်မများဖြင့် တရားစွဲဆိုခြင်း ခံထားရသူ မြစ်ကြီးနား ရွေစက်ရပ်ကွက် စစ်ရှောင်စခန်းမှ စစ်ရှောင်ဒုက္ခသည် သုံးဦးကို ခရိုင်တရားရုံးက ၂၀၁၄ ခုနှစ် ဇွန်လ ၅ ရက်နေ့တွင် ထောင်ဒဏ် နှစ်ရှည် ချမှတ်လိုက်ကြောင်း တရားခံများ၏ အကျိုးဆောင်ရှေ့နေ ဦးဂျီမာခါးက The Voice သို့ ပြောသည်။



မြစ်ကြီးနား ရွေစက်ရပ်ကွက် စစ်ရှောင်စခန်းတွင် နေထိုင်သည့် ဦးလဖိုင်ဂမ်၊ ဦးဘရန်ရုန်းနှင့် ဦးလရရိန်တို့ သုံးဦးမှာ ၂၀၁၂ ခုနှစ်အတွင်းက အခကြေးငွေဖြင့် ကျွဲ နွား အငှားမောင်း လိုက်သွားရာမှ တာလောကြီး ကျေးရွာအနီး အောင်ချမ်းသာ လယ်ကွင်းအရောက် ခ.လ.ရ (၃၇) တပ်ရင်း၏ ဖမ်းဆီးခြင်းကို ခံခဲ့ရပြီးနောက် စစ်ဘက်ရေးရာ လုံခြုံရေးတပ်ဖွဲ့သို့ လွဲပြောင်းပေးခဲ့ရာမှ မတရားအသင်း ဆက်သွယ်မှု ပုဒ်မ ၁၇ (၁)၊ ပေါက်ကွဲ (၃)၊ ပေါက်ကွဲ (၄) စသည့် ပုဒ်မများဖြင့် တရားစွဲဆိုခံခဲ့ရခြင်း ဖြစ်ကြောင်း၊ ၎င်းတို့ကို စစ်ဘက်ရေးရာ လုံခြုံရေးတပ်ဖွဲ့ (စ.ရ.ဖ) က အမှုပေါင်း ခြောက်မှုဖြင့် တရားစွဲဆိုခဲ့ပြီး ၂ နှစ်ခန့်နီးပါး ကြာမြင့်ချိန်တွင် ခရိုင်တရားရုံးက ပြစ်မှုထင်ရှားသည်ဟု ဆိုကာ ဦးဘရန်ရုံးကို ထောင်ဒဏ် ၁၄ နှစ်၊ ဦးလဖိုင်ဂမ်ကို ထောင်ဒဏ် ၁၃ နှစ်နှင့် ဦးလဖိုင်ဂမ်ကို ထောင်ဒဏ်သုံးနှစ် အသီးသီး ကျခံစေရန် စီရင်ချက် ချမှတ်ခဲ့ခြင်း ဖြစ်ကြောင်း အကျိုးဆောင်ရှေ့နေ ဦးဂျီမားခါးက ရှင်းပြသည်။



ခရိုင်တရားရုံး အနေနှင့် တရားခံများကို စီရင်ချက် ချမှတ်ရာတွင် စစ်ဘက်ရေးရာ လုံခြုံရေးတပ်ဖွဲ့က စစ်ကြောရေး ပြုလုပ်ထားသည့် ထွက်ဆိုချက်များကိုသာ သုံးသပ်ပြီး စီရင်ချက် ချမှတ်ခဲ့ခြင်း ဖြစ်သောကြောင့် ယခုစီရင်ချက်ကို လက်မခံနိုင်ကြောင်း ဦးဂျီမာခါးက ထပ်မံ ပြောကြားသည်။



“ကျွန်တော့် အမှုသည်တွေက ဘာကေအိုင်အေကလည်း မဟုတ်သလို ပေါက်ကွဲမှုတွေကို လုပ်ခဲ့တဲ့ သူတွေလည်း မဟုတ်ဘူး။ နောက်ကြောင်း ရာဇဝင်အရ ဒီလူတွေက ပြစ်မှုကျူးလွန်သူတွေ မဟုတ်ဘူး ဆိုတာလည်း ထင်ရှားနေတယ်။ ဥပဒေအရ စ.ရ.ဖ ရဲ့ ထွက်ဆိုချက် တစ်ခုတည်းကို သုံးသပ်ပြီး ထောင်ချလို့ မရဘူး။ အဲဒီထွက်ဆိုချက်က သက်သေခံ အဖြစ်တောင် တင်ပြလို့ မရဘူး။ ရှေ့နေတစ်ယောက် အနေနဲ့ တရားရုံးက ဒီလို စီရင်ချက် ချခြင်းအပေါ် ပြင်းပြင်းထန်ထန် ကန့်ကွက်ရှုတ်ချတယ်” ဟု ၎င်းကဆိုသည်။



ဦးဘရန်ရုံး၊ ဦးလဖိုင်ဂမ်နှင့် ဦးလရရိန်တို့ သုံးဦးမှာ ၂၀၁၃ ခုနှစ် ကုန်ပိုင်းတွင် စစ်ဘက်ရေးရာ လုံခြုံရေးတပ်ဖွဲ့က သီးခြားစွဲဆိုထားသော ပြစ်မှုများဖြင့် မြို့နယ်တရားရုံးက ထောင်ဒဏ် ငါးနှစ်စီ ချမှတ်ခြင်းကိုလည်း ခံထားရပြီး ဖြစ်သောကြောင့် ယခု ခရိုင်တရားရုံးက ထပ်မံချမှတ်သော ပြစ်ဒဏ်များနှင့် ဆိုပါက တစ်ဦးလျှင် ထောင်ဒဏ်နှစ် ၂၀ ကျော်စီ ကျခံရမည် ဖြစ်ကြောင်း၊ ခရိုင်တရားရုံး၏ စီရင်ချက်ကို အထက်တရားရုံးတွင် ဆက်လက် အယူခံ ဝင်သွားမည် ဖြစ်ကြောင်း တရားခံများ၏ အကျိုးဆောင်ရှေ့နေက ဆက်လက်ပြောကြားသည်။



အဆိုပါ ထောင်ဒဏ်နှစ်ရှည် စီရင်ချက် ချမှတ်ခံရသူများမှာ ကချင်ပြည်နယ်တွင် ဖြစ်ပွါးခဲ့သော တိုက်ပွဲများကြောင့် ဝိုင်းမော်မြို့နယ် အတွင်းရှိ အင်ပေါန်ကျေးရွာမှ ရွှေစက်ရပ်ကွက် နှစ်ခြင်းခရစ်ယာန် ဒုက္ခသည်စခန်းသို့ ၂၀၁၂ ခုနှစ်ဆန်းပိုင်းတွင် စစ်ရှောင်လာသူများ ဖြစ်ပြီး လက်ရှိတွင်လည်း ၎င်းတို့၏ မိသားစုဝင်များမှာ အဆိုပါ စစ်ရှောင်စခန်းတွင် နေထိုင်နေဆဲ ဖြစ်ကြောင်း ဆက်လက်သိရှိရသည်။

from The Voice Weekly's Facebook Wall http://ift.tt/1oz7wwl