NDF ပါတီခေါင်းဆောင် ဒေါက်တာသန်းငြိမ်းကွယ်လွန်
မဇ္ဈိမသတင်းဌာန
ရန်ကုန်၊ မေ ၂၁
အမျိုးသားဒီမိုကရေစီအင်အားစုပါတီ(NDF)ခေါင်းဆောင် ဖြစ်သည့် ၁၉၉၀ခုနှစ်တွင် ကျောက်တန်းမြို့နယ်မှ ရွေးကောက်ပွဲဝင် လွှတ်တော်ကိုယ်စားလှယ် ဒေါက်တာသန်းငြိမ်းသည် မေ ၂၁ ရက်နံနက်ပိုင်းက ကွယ်လွန်သွားခဲ့သည်ဟု NDFဥက္ကဌ ဦးခင်မောင်ဆွေက မဇ္ဈိမကို အတည်ပြုပြောဆိုခဲ့သည်။
“ကျောင်းသားနိုင်ငံရေးကစပြီး လုပ်လာတဲ့ ဆရာက သူ့ရဲ့ နောက်ဆုံးချိန်ထိနိုင်ငံရေးထဲမှာ နစ်မြုပ်ခဲ့တာပါ။ အခုလို အသွင် ကူးပြောင်းရေးကာလမှာ ဖြစ်သွားတော့ ဆရာ့အတွက် တစ်ကယ်ကို ဝမ်းနည်းရပါတယ်” ဟု ဦးခင်မောင်ဆွေက ပြောသည်။
် ဒေါက်တာသန်းငြိမ်းသည် အသည်းကင်ဆာရောဂါဖြင့် ပင်လုံဆေးရုံ၌ ကွယ်လွန်သွားခဲ့ခြင်းဖြစ်ပြီး ယခုကွယ်လွန်ချိန်တွင် အသက် ၇၆နှစ်ရှိနေပြီဖြစ်သည်။
ဇာပနအခမ်းအနားကို မေ ၂၃တွင် ကျင်းပရန်စီစဉ်ထားသည်ဟု ဦးခင်မောင်ဆွေက ပြောသည်။
from Mizzima - News in Burmese's Facebook Wall http://ift.tt/1vDgCNX
Comments
Post a Comment