motors.com.mm က လုပ်ငန်းတိုးချဲ့ရန် မြို့ကြီးများတွင် ရုံးခွဲများ ထပ်မံဖွင့်မည်
ရန်ကုန်၊ မေ ၁၇
မြန်မာနိုင်ငံ၏ နံပါတ်တစ် မော်တော်ယာဉ် အရောင်းအဝယ် လမ်းညွှန် Website ဖြစ်သည့် motors.com.mm က ပြည်တွင်းလုပ်ငန်း အခြေအနေကို ထပ်မံတိုးချဲ့ရန် မြန်မာနိုင်ငံအတွင်းရှိ အချက်အချာကျသော မြို့ကြီးများတွင် ရုံးခွဲများ ဖွင့်လှစ်၍ လုပ်ငန်းတိုးချဲ့ လုပ်ကိုင်သွားမည် ဖြစ်ကြောင်း အဆိုပါ Website ကို တည်ထောင်ထားသည့် ဂျာမနီအခြေစိုက် Rocket Internet ကုမ္ပဏီမှ အုပ်ချုပ်မှုဒါရိုက်တာ Mr. Erwin Sikma က ပြောကြားသည်။
motors.com.mm အနေနှင့် လက်ရှိအချိန်တွင် ရန်ကုန်မြို့တွင် အခြေစိုက် လုပ်ကိုင်နေသော်လည်း လုပ်ငန်း ပိုမိုတိုးချဲ့နိုင်ရန်နှင့် နိုင်ငံတစ်ဝန်းမှ မော်တော်ယာဉ်များကို ပိုမိုစုစည်း တင်ပြနိုင်ရန် နေပြည်တော်၊ မန္တလေး၊ မကွေး၊ တောင်ကြီး အစရှိသည့် မြို့ကြီးများတွင် တိုးချဲ့ ဆောင်ရွက်သွားရန် စီစဉ်နေကြောင်း ၎င်းကဆိုသည်။
“လက်ရှိ Website မှာ မော်တော်ယာဉ် ၅၀၀၀ ကျော်လောက်ရဲ့ အချက်အလက်တွေ တင်ပေးထားတယ်။ ရောင်းထွက်သွားတဲ့ ကားတွေကို ထပ်တင်မထားဘူး။ ပြန်ဖြုတ်ချတယ်။ တစ်လတစ်လကို ဒီ Website ကနေတစ်ဆင့် မော်တော်ယာဉ် အရောင်းအဝယ် လုပ်ဖို့ စုံစမ်းတဲ့ အကြိမ်အရေအတွက် ၇၀၀၀ ပတ်ဝန်းကျင်လောက် ပုံမှန်လုပ်ကြတယ်။ ၃၀ ရာခိုင်နှုန်းလောက်က မိုဘိုင်းကနေတစ်ဆင့် သုံးကြတာပါ” ဟု motors.com.mm မှ တာဝန်ရှိသူ တစ်ဦးဖြစ်သူ ဦးအောင်ခမ်းက ဆိုသည်။
motors.com.mm ကို လက်ရှိအချိန်တွင် မော်တော်ယာဉ် အရောင်းပြခန်းနှင့် အကျိုးတော်ဆောင် ၇၀ ရာခိုင်နှုန်းနီးပါးက ချိတ်ဆက် အသုံးပြုနေကြပြီး လစဉ် အသုံးပြုသူ အရေအတွက် ၃၀၀၀ ခန့် တိုးတက်နေကြောင်း အဆိုပါ Website မှ သိရှိရသည်။
“ဂျပန်ကား အဟောင်းလေလံမှာ မနှစ်ကဆိုရင် မြန်မာနိုင်ငံက ဒုတိယ အဝယ်အများဆုံး။ ဒါတွေက Online ကနေ ဝယ်တာလေ။ နိုင်ငံတကာမှာ ဆိုရင်တော့ Online ကားဝယ်ရောင်း ဈေးကွက်က တော်တော် ခေတ်စားနေပြီ။ စရိတ်နည်းနည်းနဲ့ အချိန်ကုန်လည်း သက်သာတဲ့ ဒီစနစ်ဆိုတော့ ကောင်းတယ်” ဟု Farmer Auto Showroom မှ အမှုဆောင်အရာရှိချုပ် ဒေါက်တာစိုးထွန်းက ဆိုသည်။
Rocket Internet သည် motors.com.mm အပါအဝင် အာရှဒေသများတွင် ၎င်းတို့ တည်ထောင်ထားသည့် မော်တော်ယာဉ် အရောင်းအဝယ် လမ်းညွှန် Website များကို တိုးချဲ့ရန် အမေရိကန်ဒေါ်လာ ၁၀ သန်း ထပ်မံရင်းနှီး မြှုပ်နှံသွားမည် ဖြစ်ကြောင်း ပြီးခဲ့သော ဧပြီလက ကြေညာထားသည်။
from The Voice Weekly's Facebook Wall http://ift.tt/1sGfdBO
Comments
Post a Comment