အူရီးဒူးနှင့် MIT Media Lab တို့ ပူးပေါင်းကာ အိုင်စီတီ ဆန်းသစ်တီထွင်မှုအားမြှင့် လုပ်ဆောင်မည်
စ, ချိုကို
အိုင်စီတီ ဆန်းသစ်တီထွင်မှုများကို တိုးမြှင့်လုပ်ဆောင်သွားရန်အတွက် ဆက်သွယ်ရေးလိုင်စင်ရ အူရီးဒူးနှင့် MIT Media Lab တို့ ပူးပေါင်းကာ ဆောင်ရွက်သွားမည်ဟု အူရီးဒူးမြန်မာမှ မေ ၂၂ ရက်တွင် သတင်းထုတ်ပြန်သည်။
အူရီးဒူးမြန်မာ၏ အမှုဆောင်အရာရှိချုပ် RossCormack က“ယနေ့ခေတ်မှာ ICT နည်းပညာရဲ့ လျင်လျင်မြန်မြန် တိုးတက်စုစည်းလာတာကြောင့် ထွန်းသစ်စဈေးကွက်တွေရှိ သုံးစွဲသူတွေဟာ မိုဘိုင်းစက်ပစ္စည်းတွေ အသုံးပြုပြီးသူတို့ရဲ့ နေ့စဉ်ဘ၀တွေမှာ ထောင့်စုံ ICT ကို အသုံးချလာနေကြတာ တွေ့ရပါတယ်။ MIT Media Lab နဲ့ အခုလိုပူးပေါင်းဆောင်ရွက်လိုက်တာကြောင့် ကမ္ဘာ့ထိပ်တန်းအဖွဲ့အစည်းတစ်ခုရဲ့ ဆန်းသစ်တီထွင်မှုတွေကို အသုံးချပြီး ကျွန်တော်တို့ရဲ့သုံးစွဲသူတွေအတွက် ထူးခြားဆန်းသစ်တဲ့ ကုန်ပစ္စည်းနဲ့ ၀န်ဆောင်မှုတွေကို ပေးအပ်နိုင်မှာ ဖြစ်ပါတယ်”ဟု ဆိုသည်။
ထို့ပြင်အရှေ့တောင်အာရှဒေသအတွင်း “ဆန်းသစ်တီထွင်သောစနစ်” ဖြစ်ထွန်းတိုးတက်လာရန်နှင့် MIT ပညာရှင်များ၏ ဆန်းသစ်တီထွင်သောအတွေးအခေါ်များကို ပိုမိုကျယ်ပြန့်စေရန် ကူညီပေးခြင်း၊ သုတေသ နပညာရှင်များနှင့် ရင်းနှီးစွာပူးပေါင်းဆောင်ရွက်ခြင်း၊ သုတေသနပြုလုပ်ရန် လေ့လာမှုများ ၀င်ရောက်ပြု လုပ်ခြင်းတို့ ပါဝင်မည်ဟုဆိုသည်။ ဤပူးပေါင်းဆောင်ရွက်မှုမှ ပေါ်ထွန်လားမည့် နည်းပညာများကို ဉဏမူ ပိုင်ခွင့်များအရ ထိန်းသိမ်းစောင့်ရှောက်ရေးကို လုပ်ဆောင်သွားမည် ဖြစ်သည်။
မြန်မာနိုင်ငံတွင်း ဉဏမူပိုင်ခွင့်များနှင့်ပတ်သက်၍ IT Law သတ်မှတ်ပြီးသည့်အခါမှသာ တီထွင်ထားသည့် နည်းပညာများကို ထိန်းသိမ်းစောင့်ရှောက်ရေးပိုမို အဆင်ပြေလာမည်ဟု software ပညာရှင် ဦးအောင်အောင်က သုံးသပ်ပြောကြားသည်။
၎င်းက“IT Lawကို သတ်မှတ်ဖို့ ကြိုးစားနေတယ်။ IT Lawသတ်မှတ်ပြီးရင် တီထွင်မှုတွေကို မှတ်ပုံတင်ဖို့ လိုအပ်လာလိမ့်မယ်။ ကိုယ်တီထွင်ထားတဲ့ တီထွင်မှုနဲ့ ပတ်သက်ပြီးတော့လည်း အာမခံချက်တွေ၊ ဉဏမူ ပိုင်ခွင့်တွေ ရရှိလာနိုင်မှာပါ” သုံးသပ်ပြောကြားသည်။
MIT Medai Lab ၏ ဒါရိုက်တာ JoiIto ကလည်း“ကမ္ဘာတစ်ဝန်းရှိ လူသားသန်းပေါင်းများစွာပေါ် အကျိုးသက်ရောက်မှုရှိစေမည့် ဆန်းသစ်တီထွင်မှုများကို အကျိုးတူပူးပေါင်းဆောင်ရွက်သွားကြဖို့ မျှော်လင့်ထား ပါတယ်”ဟု ပြောကြားသည်။
MIT Media Lab တွင် လက်ရှိအဖွဲ့ဝင် ၇၀ ကျော်ရှိပြီး လျှပ်စစ်ပစ္စည်း၊ ဖျော်ဖြေရေး၊ ကျန်းမာရေးနှင့် ဆက်သွယ်ရေးအစရှိသော နယ်ပယ်ပေါင်းစုံ ပါဝင်သည်။ MITသုတေသနအဖွဲ့ပေါင်း ၂၅ ခုတွင် ပင်မအဖွဲ့ဝင်၊ သုတေသန၀န်ထမ်းနှင့် ကျောင်းသား ကျောင်းသူများ ပါဝင်ကြကာ ၎င်းတို့သည် Digital Interface၊ ရုပ်လုံးဖော် TV၊ စက်ရုပ်ပိုင်းဆိုင်ရာ FEMTO ဓာတ်ပုံနည်းပညာနှင့် မြို့ပြပို့ဆောင်ရေးဆိုင်ရာ ဆန်းသစ်တီ ထွင်မှုများစသည့် ပရောဂျက် ၃၅၀ ကျော်တွင် လေ့လာလုပ်ဆောင်နေသည်။
from Mizzima - News in Burmese's Facebook Wall http://ift.tt/TArGwS
Comments
Post a Comment