ရန်ကုန် စတော့ခ်အိတ်ချိန်း ဝင်ရောက်ရေး အကြိုပြင်ဆင်ရန် MAPCO ခြေလှမ်းစ
ရန်ကုန်၊ မေ ၂၅
လာမည့် ၂၀၁၅ ခုနှစ်တွင် ပြည်တွင်း၌ စတင် ဖော်ဆောင်မည့် ရန်ကုန်စတော့ခ်အိတ်ချိန်း (Yangon Stock Exchange) ဈေးကွက်အတွင်း ဝင်ရောက်နိုင်ရေး အကြိုပြင်ဆင်မှု လုပ်ငန်းများ ခြေလှမ်းစတင်ရန် မြန်မာ့လယ်ယာစီးပွား အများပိုင် ကုမ္ပဏီလီမိတက် (MAPCO) နှင့် Daiwa Securities တို့ မေလ ၂၄ ရက်နေ့တွင် ရန်ကုန်မြို့တွင် သဘောတူလက်မှတ် ရေးထိုးခဲ့သည်။
လယ်ယာစိုက်ပျိုးရေးကဏ္ဍမှ ရန်ကုန်စတော့ခ်အိတ်ချိန်းတွင် အများပိုင် ကုမ္ပဏီတစ်ခု ပါဝင်နိုင်ရေးအတွက် အကြိုပြင်ဆင်မှု လုပ်ငန်းများ လုပ်ကိုင်ရန် ယခုကဲ့သို့ လက်မှတ်ရေးထိုးခြင်း ဖြစ်သည်ဟု MAPCO ၏ အုပ်ချုပ်မှုဒါရိုက်တာ ဦးရဲမင်းအောင်က ပြောကြားသည်။
အများပိုင်ကုမ္ပဏီများသည် ကုမ္ပဏီ၏ အရှုံး၊ အမြတ် စာရင်းများကို ရှယ်ယာရှင်များသို့ ပွင့်လင်းမြင်သာစွာ တင်ပြသင့်ပြီး အစုရှယ်ယာရှင်များနှင့် ဆက်သွယ်ရေး လမ်းကြောင်းကို ဖွင့်လှစ်၍ မည်သည့် ရှယ်ယာရှင်မဆို ရှယ်ယာ ဝယ်ယူခွင့် ရသင့်ကြောင်း ၎င်းက ပြောကြားသည်။
“လူ ၇၀ လောက်ကပဲ ရှယ်ယာ ဝယ်ခွင့်ရမယ်။ လုပ်ငန်းကြီးတွေကို သူတို့ကပဲ လုပ်နေတယ် ဆိုရင် အများပိုင်ကုမ္ပဏီရဲ့ ဝိသေသနဲ့ မညီဘူးပေါ့” ဟု ပြည်တွင်းအများပိုင် ကုမ္ပဏီများနှင့် ပတ်သက်၍ ၎င်းက မှတ်ချက်ပြုသည်။
MAPCO ကို အများပိုင်ကုမ္ပဏီ နိုင်ငံတကာ စည်းမျဉ်း၊ စည်းကမ်းများနှင့် ညီရန် တည်ဆောက်လျက် ရှိကြောင်း၊ စတော့အိတ်ချိန်းသို့ ဝင်ရောက်ရာတွင် ရှယ်ယာ ဝယ်ယူသူများ၏ ယုံကြည်မှုနှင့် ကုမ္ပဏီများ၏ ရှေ့အလားအလာသည် များစွာ အရေးကြီးကြောင်း အဆိုပါ အများပိုင်ကုမ္ပဏီ ဥက္ကဋ္ဌ ဦးချစ်ခိုင်က ပြောကြားသည်။
“ဟန်ပြ အများပိုင်ဖြစ်လို့ မရဘူး။ စာရင်းအင်းဆိုင်ရာ မှန်ကန်မှုတွေက သတ်မှတ်စံချိန်ညီဖို့ လိုတယ်။ တကယ့်ကို စည်းမျဉ်းနှင့် ညီဖို့လိုတယ်” ဟု ပြည်တွင်းအများပိုင်များ စတော့ခ်အိတ်ပ်ချိန်း ဈေးကွက်သို့ ဝင်ရောက်ရာတွင် အဓိက လိုအပ်ချက်ကို ၎င်းက ထောက်ပြသည်။
မြန်မာ့လယ်ယာစီးပွား အများပိုင်ကုမ္ပဏီကို ၂၀၁၂ ခုနှစ်တွင် စတင် တည်ထောင်ခဲ့ပြီး မြန်မာ့လယ်ယာ စိုက်ပျိုးရေးကဏ္ဍတွင် အကြီးဆုံးသော ကုမ္ပဏီဖြစ်သည်။
from The Voice Weekly's Facebook Wall http://ift.tt/1guzEBI
Comments
Post a Comment