KIO နှင့် NCCT တို့ ကချင်လူထုနှင့် မြစ်ကြီးနားမြို့ မနောကွင်း၌ တွေ့ဆုံ
ကချင်ပြည်နယ် မြစ်ကြီးနားမြို့ မနောကွင်းတွင် ကချင်လူထုနှင့် ဗိုလ်ချုပ်ဂွမ်မော် အပါအဝင် NCCT ခေါင်းဆောင်များ တွေ့ဆုံခဲ့ပြီး တစ်နိုင်လုံးအပစ်အခတ်ရပ်စဲရေး လုပ်ငန်းစဉ်များကို ချပြခဲ့သည်။
ယင်းတွေ့ဆုံပွဲသို့ ကချင်လူထု နှစ်သောင်းဝန်းကျင် တက်ရောက်ခဲ့ပြီး ဖယ်ဒရယ်အရေး၊ တစ်နိုင်ငံလုံး အပစ်အခတ်ရပ်စဲရေး နှင့်နိုင်ငံရေးဆွေးနွေးပွဲများ ဆက်လက်လုပ်ဆောင်နိုင်ရေးတို့ကို ဆွေးနွေးတင်ပြခဲ့သည်။
ယင်းဆွေးနွေးပွဲတွင် ဗိုလ်ချုပ်ဂွမ်မော်က သန်းခေါင်စာရင်းကိစ္စအား ကချင်လူထုကြားတွင် အငြင်းပွားတွေဝေမှုများ ဖြစ်ပေါ်ခဲ့ပြီး မိမိမှာ ဝန်ကြီးဦးခင်ရီနှင့် သီးခြားတွေ့ဆုံပြီး မျိုးနွယ်စုအရေးနှင့် တိုင်းရင်းသားအရေးကို ဆွေးနွေးခဲ့ကြောင်း ကချင်မျိုးနွယ်စုများ ပေါင်းလိုက်ပါက ကချင်စာရင်းအောက်တွင်သာ ရောက်ရှိသွားမည်ဖြစ်သည့်အတွက် စိတ်ပူစရာအကြောင်း မရှိကြောင်း ပထမဆုံး ပြောကြားခဲ့သည်။ ထို့နောက် ဗိုလ်ချုပ်ဂွမ်မော်က တစ်နိုင်ငံလုံး အပစ်အခတ်ရပ်စဲရေးနှင့် ပတ်သက်ပြီး “ယနေ့ ကျွန်တော်တို့ ကေအိုင်အိုအနေနဲ့ စိတ်ခံစားမှုကိုပြောတာထက် လုပ်သင့်လုပ်ထိုက်တာကို ရှေ့တန်းတင်ပြီး ပြောဆိုတာထက် လုပ်သင့်လုပ်ထိုက်တာကိုပဲ ညှိညှိင်းနှိုင်းနှိုင်း လုပ်ရမယ်။ တိုင်းရင်းသားတွေအားလုံး စုပေါင်းလုပ်ဆောင်နေလို့ ကိုယ်ဖြစ်ချင်တာပဲ ဦးစားပေးလို့မရပါဘူး။ ကျွန်တော်တို့ တစ်နိုင်လုံးအပစ်ရပ်ဖို့ ကြိုးစားနေလို့ ကုလသမဂ္ဂအဖွဲ့တွေ၊ ဥရောပအဖွဲ့တွေက ကူညီနေကြတာပါ။ ကချင်တွေကို တခြားအကြောင်းကြောင့် ထောက်ပံ့နေတာလို့ မမှတ်ယူသင့်ကြောင်း ပြောလိုပါတယ်။ ကချင်ကို ကမ္ဘာက ကူညီနေပြီလို့ တလွဲမမှတ်ကြပါနဲ့။
ကျွန်တော်တို့သွားနေတဲ့ လမ်းကြောင်းက ဘုရားသခင်ကို တိုင်တည်ပြီး သွားနေရပါတယ်။ ကိုယ့် ကိုယ်ကိုယ်မှန်ဖို့ လိုတယ်။မုသားဆိုတာ ခဏပဲသုံးလို့ရပါတယ်။ ကချင်တွေ ငြိမ်းချမ်းရေးမလိုချင်ဘူး။ စစ်သွေးကြွတယ်လို့ အပြင်မှာပြောကြပါတယ်။တစ်ပြည်လုံး အပစ်ရပ်ဖို့ ကြိုးစားနေပါတယ်။လာမယ့် မေလဆွေးနွေးပွဲမှာ လက်မှတ်ထိုးဖြစ်အောင်ထိုးဖို့ တစ်လစောင့်ရ စောင့်ရ ညှိနှိုင်းကြဖို့ပြောပြီးသားဖြစ်ပါတယ်။ ကျွန်တော်တို့ အလုပ်မှာ မိဘပြည်သူများ ပါဖို့လိုပါတယ်” ဟုပြောကြားသည်။
ယင်းနောက် ဗိုလ်ချုပ်ဂွမ်မော်သည် အပစ်ရပ်စဲရေးနှင့် အပစ်ရပ်စဲပြီးပါက နိုင်ငံရေးဆွေးနွေးမှုကို ဆက်လက်လုပ်ဆောင်ရန် ကြိုးစားနေကြောင်း၊ အစိုးရအနေဖြင့် ကရင်လက်နက်ကိုင်အဖွဲ့သည် ကရင်ကို ကိုယ်စားမပြု၊ ကချင်လက်နက်ကိုင်သည် ကချင်ကို ကိုယ်စားမပြုဟု ယူဆနေပြီး မိမိ အမေရိကန်ရောက်စဉ် မိမိတို့အဖွဲ့အပေါ် မေးမြန်းမှုအား တိုင်းရင်းသားကိစ္စရပ်များကို လုပ်ဆောင်နေသည့်အဖွဲ့ဟု ထင်မြင်ကြောင်းကို ကြားသိရကြောင်း လူထုအား ပြောကြားသည်။
NCCT အဖွဲ့ခေါင်းဆောင် ဦးနိုင်ဟံသာ က “ကျွန်တော်တို့ လက်ရှိအခြေအနေက လက်နက်ကိုင်မှ နိုင်ငံရေးစကားပြောခွင့်ရသလို ဖြစ်နေတယ်။ လက်နက်မရှိရင် နိုင်ငံရေးလုပ်လို့မရဘူးဆိုတဲ့ အဓိပ္ပာယ်မျိုး သက်ရောက်နေတယ်။ ခေတ်တစ်လျှောက်လုံး လက်နက်အပ်ဖို့ချည်း ပြောနေတယ်။ စစ်အစိုးရနဲ့တွေ့တော့လည်း စစ်အစိုးရပါ လူထုကရွေးချယ်ထားတာ မဟုတ်တော့ လူထုအစိုးရတက်လာမှ ဆွေးနွေးပါဆိုလို့ ယခုလိုအဆင့်ပဲ ဖြစ်လာပါတယ်။
အပစ်ရပ်တာကို တစ်ဖွဲ့ချင်းစီ လက်ခံပေမယ့် နိုင်ငံရေးဆွေးနွေးပွဲကို တစ်နိုင်ငံလုံး တိုင်းရင်းသားတွေပါဖို့ ဒီအဖွဲ့ကို ဖွဲ့စည်းလိုက်တာပါ။ တရားဝင် သုံးကြိမ်ဆွေးနွေးခဲ့ပြီး အချက် (၆) ချက်မှာ နောက် (၂) ချက်က တည်ဆဲဥပဒေနဲ့ ၂ဝဝ၈ ဖွဲ့စည်းပုံ ကို လက်ခံဖို့ကတော့ ပြင်ဖို့မလွယ်တဲ့ကိစ္စတွေက သဘောတူဖို့မလွယ်လို့ ဆက်လက်ဆောင်ရွက်နေဆဲ ရှိပါသေးတယ်”ဟု ဆို သည်။
ယင်းတွေ့ဆုံမှုတွင် လူထုမှ ကချင်အရေးကိစ္စများ၊ အပစ်အခတ်ရပ်စဲရေးကိစ္စရပ်များ၊ ဖက်ဒရယ်မူဘောင်ကိစ္စများ၊ ကျောင်းသားတပ်မတော်ကိစ္စရပ်များကို မေးမြန်းခဲ့ပြီး ဗိုလ်ချုပ်ဂွမ်မော်၊ ဆလိုင်းလျန်မှုန်ဆာခေါင်း၊ ဖဒိုစောကွယ်ထူးဝင်း၊ ဦးခွန်ဥက္ကာ၊ ကျောင်းသားတပ်မတော်မှ ဦးသံခဲတို့က ဖြေကြားခဲ့သည်။
(မြစ်ကြီးနားမြို့ မနောကွင်းတွင် ကျင်းပသည့် တွေ့ဆုံပွဲသို့ လာရောက်ခဲ့ကြသူများကို တွေ့ရစဉ်)
from Eleven Media Group's Facebook Wall http://ift.tt/1nQoXeV
Comments
Post a Comment