#emg_editorials ၂၀၁၄ မေလ ၂၁ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော...

#emg_editorials



၂၀၁၄ မေလ ၂၁ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်



ထိုင်းစစ်တပ်၏ မာရှယ်လော ကြေညာချက်



ထိုင်းနိုင်ငံတွင် သက်ဆင်ရှင်နာဝပ်ထရာအပြင် သူနှင့်ဆက်နွှယ်နေသော နိုင်ငံရေးအင်အားစုများနှင့် ဒီမိုကရက်ပါတီဦးဆောင်သော အတိုက်အခံအင်အားစုများ အားပြိုင်နေခဲ့သည်မှာ နှစ်ပေါင်းအတန်ကြာခဲ့ပြီဖြစ်သည်။

ရှပ်နီအုပ်စုနှင့် ရှပ်ဝါအုပ်စုဟူ၍ အကြမ်းဖျင်း သတ်မှတ်ခေါ်ဆိုကြသည်။ စစ်တပ်ကအာဏာသိမ်းယူမှုကြောင့် သက်ဆင်အစိုးရ ပြုတ်ကျပြီးနောက်ပိုင်း သက်ဆင်နှင့် ဆက်နွှယ်နေသော ၀န်ကြီးချုပ်များ တက်လာလိုက် အတိုက်အခံများကြောင့် ပြန်ပြုတ်ကျသွားလိုက်နှင့် သံသရာလည်နေခဲ့သည်မှာ သက်ဆင်၏ညီမဖြစ်သူ ယင်လက် ၀န်ကြီးချုပ်ဖြစ်လာသည်အထိဖြစ်သည်။ နောက်ဆုံး၌ ယင်လက်ကို ဖွဲ့စည်းပုံအခြေခံဥပဒေဆိုင်ရာ တရားရုံးက မေ ၇ ရက်တွင် ရာထူးမှဖယ်ရှားခဲ့ပြီး နီဝတ်တုမရွမ်ဘွန်ဆောင်ပေဆန် ယာယီဝန်ကြီးချုပ်ဖြစ်လာခဲ့သည်။ သို့သော် ထိုင်းနိုင်ငံရေး ပဋိပက္ခက ငြိမ်သက်၍မသွားဘဲ မေ ၂၀ ရက်တွင် ထိုင်းစစ်တပ်က တစ်နိုင်ငံလုံး၌ မာရှယ်လောကြေညာချက် ထုတ်ပြန်ခဲ့သည်။



လွန်ခဲ့သည့် ခြောက်လကတည်းက စတင်ဖြစ်ပေါ်ခဲ့သော အစိုးရဆန့်ကျင်ရေး ဆန္ဒပြပွဲများအတွင်း လူသေဆုံးမှုများဖြစ်ပေါ်ခဲ့သည့် အကြမ်းဖက်မှုများကြောင့် မငြိမ်မသက်ဖြစ်နေသည့် အနေအထားကို ထိန်းသိမ်းရန်အတွက် စစ်တပ်က မာရှယ်လောထုတ်ပြန်ခဲ့ခြင်းဖြစ်သည်ဟုဆိုသည်။ သို့သော် စစ်တပ်က မာရှယ်လောထုတ်ပြန်ခြင်းသည် အာဏာသိမ်းခြင်းမဟုတ်ဟု ကြေညာခဲ့သည်။ မာရှယ်လော ထုတ်ပြန်ခဲ့ပြီးနောက် ထိုင်းနိုင်ငံတွင် လက်ရှိနိုင်ငံရေး သဘောထားကွဲလွဲမှုများ ဖြစ်ပေါ်လာစေရာ၌ အဓိကကျသူ ၀န်ကြီးချုပ်ဟောင်း သက်ဆင်ရှင်နာဝပ်ထရာက မာရှယ်လောကြေညာချက်သည် ဒီမိုကရေစီကို ဖျက်ဆီး၍ရမည်မဟုတ်ကြောင်း ပြောကြားခဲ့သည်။ ထိုင်းနိုင်ငံ၏ ယာယီဝန်ကြီးချုပ် နီဝတ်တုမရွမ်ဘွန်ဆောင်ပေဆန်က မာရှယ်လောကြေညာချက်အပေါ် သူ၏ပထမဆုံးတုံ့ပြန်မှုအဖြစ် တရားဝင်ကြေညာချက်တစ်ရပ် ထုတ်ပြန်ရာတွင် စစ်တပ်အနေဖြင့် ဖွဲ့စည်းပုံအခြေခံဥပဒေဘောင်အတွင်း၌သာ လုပ်ဆောင်ရန် တောင်းဆိုခဲ့သည်။



အမှန်တကယ်၌ မာရှယ်လောကြေညာရာတွင် စစ်တပ်က အာဏာသိမ်းခြင်းမဟုတ်ဟု အခိုင်အမာပြောကြားခဲ့သော်လည်း ထိုင်းဝန်ကြီးချုပ်၏ လက်ထောက်တစ်ဦး ပြောကြားခဲ့သကဲ့သို့ တစ်ဝက်တစ်ပျက် အာဏာသိမ်းမှုဟုပင် ဆိုရမည်ဖြစ်သည်။ နိုင်ငံရေးသိပ္ပံပညာရှင် ဆင်မြူယယ်ပီဟန်တင်တန်၏အဆိုအရ အာဏာသိမ်းမှု၌ အမျိုးအစားသုံးရပ်ရှိသည်။ တော်လှန်ပြောင်းလဲလိုသောစစ်တပ်က အစဉ်အလာအတိုင်း အုပ်ချုပ်နေသော အစိုးရတစ်ရပ်ကိုဖြုတ်ချကာ လက်ရွေးစင်ပုဂ္ဂိုလ်များ ရွေးချယ်လျက် အစိုးရအဖွဲ့သစ် ဖန်တီးခြင်းကို Breakthrough coup ဟုခေါ်သည်။ အစိုးရ၏ အမိန့်အာဏာနှင့် စွမ်းဆောင်ရည်များ တိုးတက်စေရန်နှင့် ခြစားမှုများကို အပြီးသတ်ရန် စစ်တပ်က အာဏာအား ယာယီထိန်းသိမ်းခြင်းကို Guardian coup ဟုခေါ်သည်။ စစ်တပ်က ပြည်သူလူထုအများစု၏ ဆန္ဒနှင့် လူမှုရေးလှုပ်ရှားမှုအားလုံးကို တစ်ချက်လွှတ်ပယ်ချပြီး အာဏာသိမ်းယူအုပ်ချုပ်ခြင်းကို Veto coup ဟုခေါ်သည်။



ထိုင်းနိုင်ငံတွင် မာရှယ်လောကြေညာချက် ထုတ်ပြန်ခဲ့ပြီးနောက် အမေရိကန်က ယင်းသည် ယာယီသာဖြစ်ရမည်ဖြစ်ကြောင်းနှင့် နိုင်ငံပေါင်းစုံမှ ကုမ္ပဏီများက ထိုင်းနိုင်ငံ၏ဖြစ်ရပ်များကို စိုးရိမ်တကြီး စောင့်ကြည့်နေကြောင်း ပြောကြားခဲ့သည်။ မည်သို့ပင်ဆိုစေကာမူ ထိုင်းနိုင်ငံအနေဖြင့် ကျော်လွှားနိုင်ရန် ကြီးမားသော စိန်ခေါ်မှုများစွာရှိနေပြီး ယခုကဲ့သို့စစ်တပ်က မာရှယ်လောကြေညာမှုသည် အာဏာရှင်စနစ်ဆီ ပြန်လည်ဦးလှည့်ခြင်းလား သို့မဟုတ် နိုင်ငံရေးပြုပြင်ပြောင်းလဲမှု ပုံစံတစ်ရပ်လားဟူသည်ကို စောင့်ကြည့်ရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

from Eleven Media Group's Facebook Wall http://ift.tt/1knpYIB