မြန်မာ့ပြုပြင်ပြောင်းလဲရေးကို အကူအညီပေးမည့် ဒေါ်လာသုံးသန်းတန် အမေရိကန်အစီအစဉ် စပြီ
မင်းမင်း| အင်္ဂါနေ့၊ မေလ ၂၇ ရက် ၂၀၁၄ ခုနှစ်
အမေရိကန်ပြည်ထောင်စု နိုင်ငံတကာ ဖွံ့ဖြိုးတိုးတက်ရေး အေဂျင်စီ (USAID)၊ Chevrom/Unocal Myanmar နှင့် Pact တို့ ပူးပေါင်း ကျန်းမာရေးကဏ္ဍအတွက် အမေရိကန်ဒေါ်လာ သုံးသန်းခန့်ကုန်ကျမည့် သုံးနှစ်ကြာ (Sustainable Health and Empowerment-SHINE ) စီမံချက်ကို တရားဝင်စတင်ပြီဟု ယင်းအဖွဲ့အစည်းတို့ က မေ ၂၆ တွင် ထုတ်ပြန်ကြေညာသည်။
“ဒီနိုင်ငံမှာ လက်ရှိဖြစ်ပေါ်နေတဲ့ ပြုပြင်ပြောင်းလဲရေးတွေ ရှေ့ခရီးဆက်နိုင်ဖို့ ပိုမိုထောက်ကူပေးနိုင်မယ်လို့ ယုံကြည်ပါ တယ်” ဟု မြန်မာနိုင်ငံဆိုင်ရာ သံအမတ်ကြီး ဒဲရစ်ခ်မစ်ချယ်က ပြောသည်။
အမေရိကန် ပြည်ထောင်စုသည် Chevrom ကဲ့သို့ တာဝန်ယူမှုရှိသော ရင်းနှီး မြှုပ်နှံသူများနှင့် ပူးပေါင်း ဆောင်ရွက်ရခြင်းကို ကျေနပ်အားရမိသည်ဟုလည်း ၎င်းက ညွှန်းဆိုခဲ့သည်။
“ဒီနိုင်ငံက ပြည်သူတွေအားလုံးပါဝင်တဲ့ ပွင့်လင်းမြင်သာမှုရှိတဲ့ ထိတွေ့မှုမျိုးကို ဆက်လက်တိုးမြှင့် ဆောင် ရွက်သွားပါမယ်” ဟု အမေရိကန်သံအမတ်က ကတိပြုခဲ့သည်။
ယခုအစီအစဉ်သည် ယင်းအဖွဲ့အစည်း တို့ကြား ၁၀ နှစ်ကျော်ပူးပေါင်းဆောင်ရွက်ခဲ့မှုမှထွက်ပေါ်လာသည့် ဒုတိယအဆင့် စီမံချက်ဖြစ်သည်။ ယခင်က အောင်မြင်စွာ အကောင်အထည်ဖော်နိုင်ခဲ့သည့် ရေရှည် တည် တံ့သော ကျန်းမာရေးစောင့်ရှောက်မှုများ ရရှိရေးနှင့် စွမ်းအားမြှင့်တင်ရေး စီမံချက်၏ နောက်ဆက်တွဲဟု ထုတ်ပြန်ချက်က ညွှန်းဆိုသည်။
၂၀၁၄-၁၇ ခုနှစ်များအတွင်း မြန်မာ နိုင်ငံအလယ်ပိုင်းရှိ ကျေးရွာပေါင်း ၃၉၃ ရွာတွင် နေထိုင်သူ ၁၆၀,၀၀၀ ကျော်၏ လူနေမှုဘ၀အခြေအနေများကို မြှင့်တင်ပေးရန် ရည်ရွယ်သည်ဟုဆိုသည်။ ယင်း တွင် အမျိုးသမီး များ၏ စီးပွားရေးစွမ်းအား မြင့်တက်လာစေရေးအတွက် ကျေးရွာ ကျန်းမာရေးနှင့် ဖွံ့ဖြိုးရေးရန်ပုံငွေများ ထူထောင်ရန်လည်းပါသည်။
from Mizzima - News in Burmese's Facebook Wall http://ift.tt/1tIogEC
Comments
Post a Comment