ကျေးရွာ ကျန်းမာရေးနှင့် ဖွံ့ဖြိုးရေး ငွေစုအသင်းများ မြို့နယ်သုံးခုတွင် ထူထောင်မည်
ရန်ကုန်၊ မေ ၂၆
မြန်မာနိုင်ငံအလယ်ပိုင်း မြို့နယ် သုံးခုတွင် ကျေးရွာ ကျန်းမာရေးနှင့် ဖွံ့ဖြိုးရေးရန်ပုံငွေ ငွေစုအသင်းများ ထူထောင်ရန် စီမံကိန်းဖြင့် လုပ်ဆောင်မည် ဖြစ်ကြောင်း ကျေးလက်ဒေသ ဖွံ့ဖြိုးရေး အသေးစားချေးငွေများ ထုတ်ချေးသော Pact Myanmar Global Fund အဖွဲ့ထံမှ သိရသည်။
အမေရိကန်ဒေါ်လာ သုံးသန်း သုံးစွဲ၍ မန္တလေးတိုင်းဒေသကြီး ပြင်ဦးလွင်မြို့နယ်၊ မတ္တရာမြို့နယ်နှင့် ကောလင်းမြို့နယ်တို့တွင် လုပ်ကိုင်မည့် ယင်းစီမံကိန်းကို အမေရိကန်ပြည်ထောင်စု နိုင်ငံတကာ ဖွံ့ဖြိုးတိုးတက်ရေး အေဂျင်စီ (USAID)၊ Chevron Unocal Myanmar နှင့် Pact Myanmar Global Fund အဖွဲ့တို့ ပူးပေါင်း ဆောင်ရွက်မည် ဖြစ်ပြီး ယင်းသို့ လုပ်ဆောင်ရန် မေလ ၂၆ ရက်က သဘောတူလက်မှတ် ရေးထိုးခဲ့ကြောင်း ယင်းအဖွဲ့များက ပူးတွဲထုတ်ပြန် ကြေညာသည်။
အဆိုပါ စီမံကိန်းအရ ရန်ပုံငွေ ငွေစုအသင်းများ ထူထောင်ရန် နည်းပညာ ပေးခြင်းများ ပြုလုပ်မည် ဖြစ်ပြီး ငွေစုအသင်းများမှ တစ်ဆင့် ကျေးလက်ဒေသရှိ ကိုယ်ဝန်ဆောင် အမျိုးသမီးများ ကျွမ်းကျင်သော သားဖွားသူနာပြု ဆရာမများနှင့် မွေးဖွားနှုန်း မြင့်တက်စေခြင်း အပါအဝင် ကျေးလက်ဒေသ လူနေမှု အဆင့်အတန်း မြှင့်တင်ရန် ရည်ရွယ်ကြောင်း ယင်းကြေညာချက်တွင် ဖော်ပြထားသည်။
from The Voice Weekly's Facebook Wall http://ift.tt/1oCF5yJ
Comments
Post a Comment