ဇွဲကပင် ကေဘယ်လ် အဆောက်အအုံ မေလနောက်ဆုံးပတ် စတင်ဆောက်မည်
နန်းမြင့်| အင်္ဂါနေ့၊ မေလ ၁၃ ရက် ၂၀၁၄ ခုနှစ်
ကရင်ပြည်နယ်ရှိ ဇွဲကပင်တောင် ဆံတော်ရှင်စေတီကို မိနစ်အနည်းငယ်ဖြင့် ဖူးမြော်နိုင်မည့် ကေဘယ်လ် ကားစီမံကိန်း အောက်ခြေအထိုင် အဆောက်အအုံကို မေနောက်ဆုံးပတ်အတွင်း စတင်တည်ဆောက်မည် ဖြစ်သည်ဟု ဇွဲကပင်တောင် ဆံတော်ရှင် ကေဘယ်လ်ကား စီမံကိန်းဖြစ်မြောက်ရေးကော်မတီမှ ပြန်ကြားရေးမှူး ဦးစောကြည်ဝင်းက မဇ္ဈိမကို ပြောသည်။
အထိုင်အဆောက်အအုံကို မလေးရှားနိုင်ငံမှ တရုတ်ပညာရှင်များ လာရောက်ပြီး စတင်အကောင်အထည် ဖော် ဆောင်ရွက်သွားမည်ဖြစ်သည်ဟု ၎င်းက ပြောသည်။
“မေလအတွင်းမှာ မလေးရှားက တရုတ်ပညာရှင်တွေ လာမယ်။ ကေဘယ်လ် ထိုင်မယ့် အဆောက်အအုံ စတင်လုပ်မယ်”ဟု ဦးစောကြည်ဝင်းက ပြောသည်။
အဆောက်အအုံကို အနောက်ဘက် ဇွဲကပင်တောင်ခြေရင်းတွင် ဆောက်လုပ်သွားရန် လျာထားပြီး ပညာ ရှင်များ လာရောက်မှသာ အထိုင်အဆောက်အအုံဒီဇိုင်း သိရှိရမည် ဖြစ်သည်။
ယင်းစီမံကိန်း ဖြစ်မြောက်ရေး၏ ကုန်ကျမည့်စရိတ်မှာ အမေရိကန်ဒေါ်လာသန်း ၂၀ကျော်ဖြစ်၍ ဆရာတော် ကြီးများက ရန်ပုံငွေတရားပွဲများ မြန်မာနိုင်ငံ အနှံ့အပြားတွင် ပြုလုပ်လျက် ရှိသည်။
from Mizzima - News in Burmese's Facebook Wall http://ift.tt/1jUNkVC
Comments
Post a Comment