(မေလ ၁၄ ရက်ထုတ် မဇ္ဈိမနေ့စဉ်သတင်းစာမှ အယ်ဒီတာ့အာဘော်)
အကောင်းမြင်မှုနှင့် အယုံသွင်း လုပ်ဆောင်မှုများ
အမေရိကန်သမ္မတ ဘာရက်အိုဘားမား မကြာသေးမီက မလေးရှားနိုင်ငံတွင် ဟောပြောခဲ့သော သူ၏မိန့်ခွန်းထဲတွင် မြန်မာနိုင်ငံနှင့်ပတ်သက်၍ ထည့်သွင်း ဝေဖန်ခဲ့သည်။ မြန်မာနိုင်ငံတွင် ဆောင်ရွက်လျက်ရှိသော နိုင်ငံရေး ပြုပြင်ပြောင်းလဲမှုများကို အိုဘားမားက ချီးကျူးခဲ့သော်လည်း ဒီမိုကရေစီအသွင်ကူးပြောင်းရေးတွင် အန္တရာယ်တစ်ခုမှာ ဘာသာရေးနှင့် လူမျိုးရေးပဋိပက္ခများ ပွင့်အန်ထွက်လာနိုင်ခြင်းဖြစ်ပြီး ထိုပဋိပက္ခများသည် မြန်မာနိုင်ငံကို လမ်းကြောင်းမှားဆီသို့ ဦးတည်သွားစေနိုင်ကြောင်း သတိပေးခဲ့သည်။
မြန်မာနိုင်ငံနှင့် ပတ်သက်၍ ဝေဖန်ခဲ့သူမှာ အိုဘားမား တစ်ယောက်တည်းတော့ မဟုတ်ပေ။ မြန်မာစစ်ဘက်နှင့် အမေရိကန် ပူးပေါင်းဆောင်ရွက်ရေး စည်းကမ်းသတ်မှတ်ချက်များ ပြဋ္ဌာန်းရန် အမေရိကန် ကွန်ဂရက်လွှတ်တော်အမတ်များက ဖိအားပေးလျက်ရှိကြကာ လူ့အခွင့်အရေးအခြေအနေများနှင့် တိုင်းရင်းသား ပြည်နယ်များတွင် မြန်မာစစ်တပ်၏ စစ်ရေးဆောင်ရွက်မှုများအပေါ် စိုးရိမ်ကြောင်း ပြောဆိုခဲ့ကြသည်။
မြန်မာအစိုးရ မည်ကဲ့သို့ ပြောဆိုရှင်းပြနေသည်ဖြစ်စေ၊ မြန်မာနိုင်ငံသည် နောက်သို့ ပြန်ဆုတ်သွားကြောင်း ထင်ရှားသော လက္ခဏာများ ရှိနေပါသည်။ မြန်မာအာဏာပိုင်များသည် ပြည်သူလူထုကို ဆွဲဆောင်နိုင်ရန် လုံလောက်မည့် အတိုင်းအတာရှိသော လွတ်လပ်ခွင့်ချပေးထားကာ အခြားတစ်ဖက်တွင် ပြဿနာများကို အလုံအလောက် ဖန်တီးနေခြင်းအားဖြင့် နိုင်ငံရေးကစားနေသလားဟု ဝေဖန်မေးခွန်းထုတ်သော ကျွမ်းကျင်သူများနှင့် ဝေဖန်ရေးသမားများလည်း အတန်အသင့် ရှိနေသည်။ ထိုကဲ့သို့သော ပြဿနာများ ရှိနေပါက အာဏာပိုင်များ မကြာခဏ ပြောလေ့ရှိသည့် “စည်းကမ်းပြည့်ဝသော” နည်းလမ်းဖြင့် ပြုပြင်ပြောင်းလဲရေးလုပ်ငန်းစဉ်ကို အကောင်အထည်ဖော်ရမည့် သဘောမျိုး အကြောင်းပြနိုင်ရန် နိုင်ငံရေးကစားခြင်း ဖြစ်နိုင်ကြောင်း ဝေဖန်သူများက ဆိုကြသည်။
မြန်မာနိုင်ငံ၏ အုပ်စုလိုက် အကြမ်းဖက်မှုများ သတင်းမီဒီယာများအပေါ် ဖိနှိပ်မှုများနှင့် စစ်တပ်အလိုကျ ၂၀၀၈ အခြေခံဥပဒေအား ပြုပြင်ပြောင်းလဲရေးကိစ္စ နှောင့်နှေးနေခြင်းများအပေါ် အမေရိကန်၏ ဝေဖန်မှုများမှာ စကားလုံးများ သက်သက်သာဖြစ်လိမ့်မည်ဟု နေပြည်တော်က ယူဆနေနိုင်ပါသည်။
မြန်မာနိုင်ငံ၏ ပြုပြင်ပြောင်းလဲရေးလုပ်ငန်းစဉ် အရည်အသွေးနှင့် ပတ်သက်၍ အားမလိုအားမရ ဖြစ်နေသော မြန်မာနိုင်ငံသားများအတွက်မူ အမေရိကန်၏ နှစ်ခွဖြစ်နေသော မူဝါဒက စိတ်ပျက်စေနိုင်ပါသည်။ မြန်မာနိုင်ငံတွင် သတင်းလွတ်လပ်ခွင့်နှင့် လူမျိုးအားလုံး စည်းလုံးညီညွတ်ရေးကို တောင်းဆိုနေကြသော ဝေဖန်သူများက အမေရိကန်သည် ဝေဖန်ရေးစကားလုံးများကို တကယ့်အရေးယူ ဆောင်ရွက်မှု အသွင်သို့ ပြောင်းလဲနိုင်စွမ်း မရှိကြောင်းနှင့် ပြောင်းလဲလိုစိတ်လည်း မရှိကြောင်း သဘောပေါက်လာပေလိမ့်မည်။
မြန်မာနှင့် နိုင်ငံခြားသား ဒီမိုကရေစီနှင့် လူ့အခွင့်အရေး လှုပ်ရှားသူများသည် အမေရိကန်နှင့် အနောက်နိုင်ငံအစိုးရများက မြန်မာ့လူ့အခွင့်အရေးအပေါ် တကယ်အလေးထား ဆောင်ရွက်မှုမရှိပုံကို အားမလို အားမရ ခံစားရနိုင်သလို မြန်မာနိုင်ငံတွင် လူ့အခွင့်အရေး ချိုးဖောက်မှုဆိုသည်မှာ အတိတ်က အရာတစ်ခုသာဖြစ်ကာ အာဏာကို ပြည်သူများထံသို့ လွှဲပြောင်းပေးလိုက်ပြီဖြစ်ကြောင်း မြန်မာစစ်ဗိုလ်ချုပ်များနှင့် လွှတ်တော်အမတ်များက မြန်မာနိုင်ငံသားများနှင့် ကမ္ဘာ့အသိုင်းအ၀ိုင်းအား ထိရောက်စွာ အယုံသွင်းလျက် ရှိနေပုံကို တွေ့မြင်ကြလိမ့်မည် ဖြစ်သည်။
from Mizzima - News in Burmese's Facebook Wall http://ift.tt/1jeuQAA
Comments
Post a Comment