လယ်ယာမြေပြဿနာနှင့် အလုပ်သမား၊ လယ်သမားအရေးများကို လေးလပတ် အစည်းအဝေးသို့ တင်ပြမည်...

လယ်ယာမြေပြဿနာနှင့် အလုပ်သမား၊ လယ်သမားအရေးများကို လေးလပတ် အစည်းအဝေးသို့ တင်ပြမည်



မျိုးသန့်| အင်္ဂါနေ့၊ မေလ ၁၃ ရက် ၂၀၁၄ ခုနှစ်



မန္တလေးမြို့ ရွှေပြည်သာဟိုတယ်တွင် မေလ ၁၀ ရက် ညနေ လေးနာရီခွဲခန့် နိုင်ငံတော်သမ္မတရုံးဝန်ကြီး ဦးအောင်မင်းနှင့် ပါတီများ၊ လူမှုအဖွဲ့အစည်းများ တွေ့ဆုံ၍ လိုအပ်ချက်၊ တောင်းဆိုချက်များကို မေးမြန်းခဲ့ပြီး သမ္မတရုံးဝန်ကြီးများ၏ လေးလပတ် အစည်းအဝေးတွင် တင်ပြပေးသွားမည်ဟု ပြောဆိုခဲ့ကြောင်း တက်ရောက်ခဲ့သော ပါတီများနှင့် လူမှုအဖွဲ့အစည်းများက ပြောသည်။



“လယ်ယာမြေပြဿနာတွေ၊ အလုပ်သမား လယ်သမားအရေးတွေကို တင်ပြခဲ့ပါတယ်။ အဲဒါတွေကို လေးလပတ် အစည်းအဝေးမှာ တင်ပြပေးမယ်လို့ ပြောပါတယ်။ ကျေနပ်လောက်တဲ့ အဖြေလည်း မရခဲ့ပါဘူး” ဟု အိုင်အယ်လ်အိုနှင့် ဆက်သွယ်ဆောင်ရွက်သူများ ကွန်ရက်မှ ကိုအေးသိန်းက ပြောသည်။



မန္တလေးခရိုင်အတွင်း အလုပ်သမားနေ့တွင် အလုပ်ဆင်းနေရသည့်သူများရှိပြီး အလုပ်သမားနေ့ကို ပီပီပြင်ပြင် သတ်မှတ်ပေးစေလိုခြင်း၊ အနည်းဆုံး အခြေခံလစာ သတ်မှတ်မည့်ကိစ္စကို အချိန်မဆွဲဘဲ အမြန်ဆုံး လုပ်ဆောင်ပေးစေလိုခြင်း၊ သမဂ္ဂဖွဲ့စည်းရာတွင် လက်ရှိစည်းကမ်းချက်များကို ဖြေလျှော့ပေးစေလိုခြင်းနှင့် တာဝန်ရှိသူများနှင့် တစ်လတစ်ကြိမ် တွေ့ဆုံလိုခြင်း၊ သိလိုသည်များကို မေးမြန်းခွင့်ပြုစေလိုခြင်းစသည်တို့အပြင် အခြားသော လုပ်ဆောင်ပေးရန် လိုအပ်သည်များကို တင်ပြသော်လည်း တွေ့ဆုံမှုသာဖြစ်သောကြောင့် မည့်သည့်အကြောင်းအရာကိုမျှ ပြန်လည် ဖြေကြားပေးခဲ့ခြင်း မရှိဟုဆိုသည်။



“စစ်ဘောင်ကျဉ်းမှ ဒီမိုကရေစီဘောင် ကျယ်လာမယ်လို့ ၀န်ကြီးက ပြောပါတယ်။ ဒါ့အတွက် လက်ရှိဒီမိုကရေစီ ဆန့်ကျင်နေတဲ့ ဥပဒေတွေ ရှိနေတယ်။ ဖျက်သိမ်းပေးဖို့ လိုအပ်ပါတယ်။ အဲဒီအတွက် ၀န်ကြီးက ဖွဲ့စည်းပုံ အခြေခံဥပဒေကို တပ်မတော်က အသက်နဲ့လဲ ကာကွယ်သွားမယ်လို့ သုံးကြိမ်လောက် ပြောခဲ့ပါတယ်။ နောက်တစ်ခေါက်ပြောတဲ့ အချိန်ကျတော့ ပြုပြင်ပြီးသွားရင်လည်း ဖွဲ့စည်းပုံ အခြေခံဥပဒေကို တပ်မတော်က အသက်နဲ့လဲ ကာကွယ်သွားမယ်လို့ လျှော့ပြီး ပြောဆိုသွားပါတယ်” ဟု အမျိုးသားဒီမိုကရေစီအဖွဲ့ချုပ် မန္တလေးတိုင်း အတွင်းရေးမှူး ဦးတင်ကိုကိုက ပြောသည်။



ဝန်ကြီးနှင့် တွေ့ဆုံပွဲအတွက် Myanmar Peace Center က စီစဉ်လုပ်ဆောင်ခဲ့ခြင်းဖြစ်ကာ မီဒီယာများက ၀န်ကြီးနှင့် တွေ့ဆုံခွင့်၊ လူမှုရေးအဖွဲ့အစည်းများနှင့် တွေ့ဆုံချိန်တွင် သတင်းရယူခွင့်တို့ကို တောင်းခံခဲ့သော်လည်း ၀န်ကြီးက မီဒီယာများ သတင်းယူခွင့်ကိစ္စကို မည်သို့မှ မှာကြားထားခြင်းမရှိကြောင်း၊ သို့ဖြစ် ၍ ၀န်ကြီးနှင့် တွေ့ဆုံခွင့်၊ သတင်းဝင်ရောက်ယူခွင့် မရခဲ့ဘဲ တွေ့ဆုံပွဲပြီးမှသာလျှင် လူမှုအဖွဲ့အစည်းများအား မေးမြန်းခွင့်ရခဲ့သည်။

from Mizzima - News in Burmese's Facebook Wall http://ift.tt/1jUNi03