ဧရာဝတီမြစ်ကို နိုင်ငံတကာမြစ်ဟု သုံးနှုန်းထားမှုအပေါ် ကမ္ဘာ့ဘဏ် တောင်းပန် မန္တလေး၊ မေ...

ဧရာဝတီမြစ်ကို နိုင်ငံတကာမြစ်ဟု သုံးနှုန်းထားမှုအပေါ် ကမ္ဘာ့ဘဏ် တောင်းပန်



မန္တလေး၊ မေ ၁၆



ကမ္ဘာ့ဘဏ်က ဧရာဝတီမြစ် ဘက်စုံမြစ်ဝှမ်း စီမံခန့်ခွဲရေးအတွက် ချေးငွေပေးမည့် စီမံကိန်း သတင်းအချက်အလက် ယူဆချက် စာတမ်းတွင် ဧရာဝတီမြစ်ကို နိုင်ငံတကာမြစ်ဟု သုံးနှုန်းမိသည့်အပေါ် အများပြည်သူ စိတ်အနှောင့်အယှက် ဖြစ်ရသည့်အတွက် တောင်းပန်ကြောင်း ကမ္ဘာ့ဘဏ်စီမံကိန်း အဖွဲ့ခေါင်းဆောင် Dr. Claudia Sadofs က ပြောကြားသည်။



သဘာဝပတ်ဝန်းကျင် ထိန်းသိမ်းရေး လှုပ်ရှားမှု လူမှုအဖွဲ့အစည်းများ၊ အစိုးရဌာနဆိုင်ရာမှ တာဝန်ရှိသူများနှင့် သတင်းမီဒီယာများ တက်ရောက်သည့် ဆွေးနွေးပွဲကို မေလ ၁၆ ရက်နေ့ မွန်းလွဲ ၂ နာရီက မန္တလေးမြို့တော်ရှိ Mandalay Hill Resort Hotel တွင် ကျင်းပရာ အဆိုပါပွဲတွင် ၎င်းက အထက်ပါအတိုင်း ပြောကြားခြင်း ဖြစ်သည်။



“အသုံးအနှုန်းနဲ့ ပတ်သက်လို့ စိတ်အနှောင့်ယှက် ဖြစ်ရင် တောင်းပန်ပါတယ်။ စိတ်မကောင်းလည်း ဖြစ်မိပါတယ်။ ရေဝေရေလဲ ဒေသနဲ့ ဆက်စပ်နေလို့ ကမ္ဘာ့ဘဏ် ပေါ်လစီအတိုင်း သုံးနှုန်းလိုက်တာပါ။ ပညာရှင်တွေရဲ့ စိုးရိမ်မှုကို သိလို့ ဒီရက်ပိုင်းအတွင်းမှာပဲ ဖြုတ်ထားလိုက်ပါပြီ။ တရုတ်နာမည် နှစ်ခုကိုလည်း ဖယ်ထားပြီးပါပြီ” ဟု ၎င်းက ဘာသာပြန်မှ တစ်ဆင့် ထပ်လောင်း ပြောကြားသည်။



အဆိုပါ စီမံကိန်း စာတမ်းတွင် ဧရာဝတီမြစ်သည် တရုတ်၊ အိန္ဒိယနှင့် မြန်မာနိုင်ငံတို့က မျှဝေ ယူထားသည့် အပြည်ပြည်ဆိုင်ရာ မြစ်တစ်စင်း ဖြစ်ကြောင်း ဖော်ပြထားချက်မှာ အတည်မဟုတ်ကြောင်း ကနဦး ရေးသားသည့် မူကြမ်းအဆင့် ဖြစ်သဖြင့် ပြင်ဆင်နိုင်ပြီး စီမံကိန်းနှင့် ပတ်သက်၍ အများပြည်သူ အကြံပေးချက်များ လက်ခံသွားမည် ဖြစ်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူး ဦးစိန်ထွန်းက ပြောကြားသည်။



ဧရာဝတီမြစ် ပေါင်းဆုံရာ မေခမြစ်၏ ရေဝေရေလဲ ဒေသမှာ တရုတ်နှင့် အိန္ဒိယနိုင်ငံမှ ရေများ စီးဝင်နေရာ ပထဝီ အနေအထားအရ ဆက်စပ်မှု ရှိနေသော်လည်း အဆိုပါ ရေပမာဏမှာ ၀ ဒသမ ၃ ရာခိုင်နှုန်းသာ ရှိသဖြင့် ဧရာဝတီမြစ်သည် မြန်မာနိုင်ငံ မြစ်သာ ဖြစ်ကြောင်း ၎င်းက ထပ်မံ ပြောကြားသည်။



ကမ္ဘာ့ဘဏ်မှ ဧရာဝတီမြစ်နှင့် ပတ်သက်၍ ရေးသားချက်ကို မန္တလေးမြို့တော်ရှိ စိမ်းရောင်စို သဘာဝ ပတ်ဝန်းကျင်ဆိုင်ရာ လှုပ်ရှားမှုအဖွဲ့က အဆိုပါ အသုံးအနှုန်းနှင့် ပတ်သက်၍ ရှင်းလင်း ဖော်ပြရန်နှင့် အဆိုပါ ရေးသားမှုကို ကန့်ကွက်ကြောင်း သဘောထား ကြေညာချက်ကို မေလ ၁၅ နေ့ ရက်စွဲဖြင့် ထုတ်ပြန်ထားသည်။



“ဒီစီမံကိန်းက အများပြည်သူ အကျိုးကို ဘယ်လောက်ထိ ဆောင်ရွက်မှာလဲ ဆိုတာ အဓိကကျပါတယ်” ဟု အဆိုပါအဖွဲ့ အတွင်းရေးမှူး ဦးမောင်မောင်ဦးက ဆိုသည်။



ဧရာဝတီ ဘက်စုံမြစ်ဝှမ်း စီမံခန့်ခွဲရေး စီမံကိန်းအတွက် ကမ္ဘာ့ဘဏ်က ချေးငွေ အမေရိကန်ဒေါ်လာ သန်းတစ်ရာ ထုတ်ချေးပေးမည် ဖြစ်ရာ မေလတွင် အကြို အကဲဖြတ်ခြင်းအဆင့် ဆောင်ရွက်နေပြီး သဘာဝပတ်ဝန်းကျင်နှင့် လူမှုရေးစီမံခန့်ခွဲမှု မူဘောင်အကြမ်း ဆွေးနွေးပွဲကို ဇူလိုင်လတွင် ပြုလုပ်ပြီး အောက်တိုဘာလတွင် အစိုးရနှင့် ကမ္ဘာ့ဘဏ် ဆွေးနွေး ညှိနှိုင်းခြင်းကို ကျင်းပမည် ဖြစ်ကာ ဒီဇင်ဘာလတွင် ချေးငွေထုတ်ချေးရန် အတည်ပြုမည် ဖြစ်သည်။







from The Voice Weekly's Facebook Wall http://ift.tt/1sCRT89