မြန်မာနိုင်ငံ၏ ဇီဝနည်းပညာသုံး စိုက်ပျိုးမှု ကိုယ်ပိုင်သုတေသနပြု ရှာဖွေရန် တိုက်တွ...

မြန်မာနိုင်ငံ၏ ဇီဝနည်းပညာသုံး စိုက်ပျိုးမှု ကိုယ်ပိုင်သုတေသနပြု ရှာဖွေရန် တိုက်တွန်း



ရန်ကုန်၊ မေ ၂၉



ဇီဝနည်းပညာသုံး သီးပင်စားပင်များ စိုက်ပျိုးမှု ထိပ်တန်းရောက် အိန္ဒိယနှင့် တရုတ်ပြည်သူ့သမ္မတ နိုင်ငံတို့၏ အိမ်နီးချင်း မြန်မာနိုင်ငံအနေနှင့် ဇီဝနည်းပညာသုံး စိုက်ပျိုးနည်း စနစ်များကို ကိုယ်ပိုင်သုတေသနပြု ရှာဖွေပြီးမှသာ စိုက်ပျိုးကြရန် တိုက်တွန်းလိုကြောင်း နိုင်ငံတကာ စီးပွားရေးအကြံပေး Mr. Graham Brooke က The Voice သို့ ပြောကြားသည်။



မေလ ၂၆ ရက်နေ့ ဗီယက်နမ်နိုင်ငံ၊ ဟနွိုင်းမြို့တွင် ကျင်းပသော အာဆီယံ ဒေသတွင်း ဇီဝနည်းပညာသုံး စိုက်ပျိုးမှုနှင့် စားနပ်ရိက္ခာဖူလုံရေး သတင်းမီဒီယာ အလုပ်ရုံ ဆွေးနွေးပွဲတွင် ၎င်းက ပြောကြားခဲ့ခြင်း ဖြစ်သည်။



ကမ္ဘာတစ်ဝန်း ဇီဝနည်းပညာသုံး စိုက်ပျိုးမှုတွင် အမြင့်ဆုံး ရောက်ရှိပြီးသော နိုင်ငံများနှင့် ဈေးကွက်၊ နည်းပညာချင်း အတုယူယှဉ်ပြိုင်ရန် မြန်မာနိုင်ငံအတွက် ခက်ခဲနိုင်သောကြောင့် ကိုယ်ပိုင်နည်းပညာနှင့် ဖောက်ထွက်ရန် Mr.Graham Brooke က အကြံပြုသည်။



ယင်းအပြင် မြန်မာနိုင်ငံတွင် ဇီဝနည်းပညာသုံး စိုက်ပျိုးမှုများ တိုးတက်စေရန် စိုက်ပျိုးသူများကို အသိပညာပေးခြင်းနှင့် နည်းပညာများ လက်ဆင့်ကမ်းရန် လိုအပ်ကြောင်း၊ နည်းပညာမြင့် စိုက်ပျိုးမှုများကြောင့် သီးနှံ အထွက်တိုးမြင့်သည့် အပြင် သဘာဝပတ်ဝန်းကျင် ပျက်စီးမှုကိုလည်း လျော့ကျစေနိုင်ကြောင်း ၎င်းက ဆက်လက် ပြောဆိုသည်။



သို့သော် ပြည်တွင်းဈေးကွက်တွင် ဇီဝနည်းပညာသုံး မျိုးစေ့များ ဖြန့်ချိရောင်းချရန်အတွက် ထိန်းချုပ်ထားသော ဥပဒေ၊ နည်းဥပဒေများ လက်ရှိအချိန်ထိ မပြဋ္ဌာန်းနိုင်သေးကြောင်း စိုက်ပျိုးရေးပညာရှင်နှင့် လုပ်ငန်းရှင် အသိုင်းအဝိုင်းထံမှ သိရသည်။



မြန်မာနိုင်ငံတွင် ဇီဝနည်းပညာသုံး ဝါ၊ ပြောင်းဖူး၊ ကြံနှင့် အခြား သစ်သီးဝလံများကို အများဆုံး စိုက်ပျိုးလျက် ရှိပြီး အဆိုပါ မျိုးစေ့မျိုးစုံကို တရုတ်ပြည်သူ့သမ္မတနိုင်ငံနှင့် ထိုင်းနိုင်ငံတို့မှ တင်သွင်းလာကြောင်း ၎င်းတို့ထံမှ စုံစမ်းသိရှိရသည်။



“ဆန်စပါး အဓိကထားတဲ့ မြန်မာအတွက်ဆို ဇီဝနည်းပညာဆန်က နောက်ပိုင်း အသုံးဝင်မှာပါ” ဟု Mr. Graham Brooke က ပြောကြားသည်။



ဇီဝနည်းပညာသုံး စိုက်ပျိုးခြင်းနှင့် ပတ်သက်၍ ဖွံ့ဖြိုးပြီး ကမ္ဘာ့နိုင်ငံ အသီးသီးတွင် စားသုံးရန် သင့်မသင့် အငြင်းပွားနေဆဲသာ ရှိပြီး လက်ရှိ အချိန်ထိ မျိုးရိုးဗီဇ ပြောင်းလဲထားသော ဇီဝနည်းပညာသုံး သီးပင်စားပင်များ၏ ဆိုးကျိုးများနှင့် ပတ်သက်၍ တိကျရေရာသော သုတေသနများ မရှိသေးချေ။



မြန်မာနိုင်ငံသည် ကမ္ဘာပေါ်ရှိ ဇီဝနည်းပညာသုံး စိုက်ပျိုးသော ၂၇ နိုင်ငံတွင် အဆင့် ၁၅ ခုမြောက် အများဆုံး စိုက်ပျိုးရာ နိုင်ငံဖြစ်ပြီး ငွေချည် ၆ အမည်ရှိ ဝါပင်ကို အများဆုံး စိုက်ပျိုးသည်။

from The Voice Weekly's Facebook Wall http://ift.tt/1wwApyP