ရှမ်းမြောက်တွင် စစ်ရေးတင်းမာနေ
ဖနိဒါ| ဗုဒ္ဓဟူးနေ့၊ မေလ ၁၄ ရက် ၂၀၁၄ ခုနှစ်
ရှမ်းပြည်နယ်မြောက်ပိုင်း တိုင်းရင်းသားအဖွဲ့အစည်းများနှင့် မြန်မာအစိုးရ စစ်တပ်တို့အကြား တိုက်ပွဲများ ဖြစ်ပွားနေကာ စစ်ရေးတင်းမာမှုများ ရှိနေဆဲဟု တအာင်း(ပလောင်) အမျိုးသားလွတ်မြောက်ရေး တပ်မတော် TNLA မှ အတွင်းရေးမှူး ဗိုလ်မှူးကြီး မိုင်းဘုန်းကျော်က မဇ္ဈိမကို ပြောသည်။
မေလ ၁၃ ရက်တွင်လည်း ရှမ်းပြည် နယ် နမ့်ခမ်းမြို့နယ် ထပ်ကျက်ကျေးရွာအနီး TNLA တပ်ရင်း ၄၇၈ နှင့် အစိုးရ၏ တပ်မ ၈၈ လက်အောက်ခံ တပ်ဖွဲ့တို့အကြား တစ်နာရီကြာ တိုက်ပွဲဖြစ်ပွားခဲ့သည်ဟု ၎င်းက ပြောသည်။
“တိုက်ပွဲက ကြိုးကြားကြိုးကြားဖြစ်တာ တစ်ပတ်ကျော်ရှိလာပြီ””ဟု မိုင်းဘုန်းကျော် က မဇ္ဈိမကို ပြောသည်။မေလ ၆ ရက်မှစတင်ကာ ရှမ်းပြည်နယ် မူဆယ်ခရိုင် မုံးကိုးမြို့နယ်အတွင်း TNLA၊ KIA နှင့် မြန်မာအမျိုးသား ဒီမိုကရေစီ မဟာမိတ်တပ်မတော်(NNDAA)၊ ကိုးကန့် တပ်မတော်တို့ ပူးပေါင်းတပ်ဖွဲ့များ နှင့် အစိုးရစစ်တပ် ၏ တပ်ရင်း ၁၂ရင်းထိုးစစ်ဆင်လာသဖြင့် ထိပ်တိုက်ရင်ဆိုင် တိုက်ပွဲဖြစ်ပွားခဲ့ပြီးနောက် ယနေ့အထိ စစ်ရေး တင်းမာမှုများ ရှိနေသည်ဟု ဆိုသည်။
from Mizzima - News in Burmese's Facebook Wall http://ift.tt/T0zsjf
Comments
Post a Comment