နေပြည်တော်လမ်း အမြန်လမ်းအင်္ဂါရပ်နှင့်မညီဟု ၀န်ခံ
ဝင်းကိုကိုလတ်၊ အောင်သူရထွန်း| သောကြာနေ့၊ မေလ ၁၆ ရက် ၂၀၁၄ ခုနှစ်
ကျပ်သန်းပေါင်း ကိုးသိန်းကျော်ကုန်ကျခဲ့သည့် ရန်ကုန်-နေပြည်တော်-မန္တလေး အမြန်လမ်းမကြီးသည် အမြန်လမ်းအင်္ဂါရပ်နှင့် မပြည့်စုံသေးကြောင်း အစိုးရတာဝန်ရှိသူများက မေလ ၁၅ ရက်တွင် ၀န်ခံလိုက်သည်။
တစ်မိုင်လျှင် ကျပ် ၂ ဒသမ ၅ ဘီလီယံ (သန်းပေါင်း ၂,၅၀၀) ကုန်ကျခဲ့ပြီး အရှည် ၃၆၆ မိုင်ရှိသည့် အဆိုပါလမ်းမကြီးသည် ရှစ်လမ်းသွားအထိ ဖောက်လုပ်ပြီးစီးမှသာ အမြန်လမ်းအင်္ဂါရပ်များနှင့် ပြည့်စုံမည်ဟု ပြောဆိုလိုက်ခြင်းဖြစ်သည်။
“နိုင်ငံတကာ အမြန်လမ်းမကြီးတွေနဲ့ နှိုင်းယှဉ်ရင် အမြန်လမ်းအင်္ဂါရပ် ၁၀ ရာခိုင်နှုန်းလောက်ပဲ ပြည်စုံပါသေးတယ်”ဟု ဆောက်လုပ်ရေးဝန်ကြီးဌာန၊ ဒုတိယ၀န်ကြီး ဦးစိုးတင့်က ဆိုသည်။
နေပြည်တော်ရှိ ရထားပို့ဆောင်ရေးဝန်ကြီးဌာနတွင် မေလ ၁၅ ရက်က ကျင်းပသည့် သတင်းစာရှင်းလင်းပွဲတွင် ၎င်းက
အထက်ပါအတိုင်း ပြောကြားလိုက်ခြင်းဖြစ်သည်။
ရထားပို့ဆောင်ရေးဝန်ကြီး ဦးသန်းဌေးကလည်း အမြန်လမ်းမကြီးကို ဘဏ္ဍာရေးအကန့်အသတ်၊ နည်းပညာအကန့်အသတ်များရှိခဲ့သော်လည်း မဖြစ်မနေလိုအပ်သည်ဟု ယူဆလျက် ယခင်တပ်မတော်အစိုးရက
ဖောက်လုပ်ခဲ့သည်ဟု ဆိုသည်။
“လမ်းအရည်အသွေး မပြည့်မီသေးဘူး၊ နိုင်ငံတကာ စံချိန်စံညွှန်းတွေနဲ့ မကိုက်ညီဘူး၊ ဒီဇိုင်းမှားတယ် စသည်အားဖြင့် ဝေဖန်မှုတွေ တော်တော်များပါတယ်။ ဒါပေမဲ့ ကိန်းဂဏန်းတွေအရ ယာဉ်မတော်တဆမှုတွေရဲ့ ၁ ဒသမ ၁၆ ရာခိုင်နှုန်းဟာ လမ်းကြောင့်ပဲလို့ ဖော်ပြထားပါတယ်”ဟု ၀န်ကြီးဦးသန်းဌေးက ကာကွယ် ပြောဆိုသည်။
သို့သော် လမ်းမကြီးသည် အမြန်လမ်းဟုပင် မခေါ်ဆိုနိုင်သေးပဲ အရည်အသွေးပိုင်းဆိုင်ရာ အားနည်းချက်များရှိသည်ကို
ဝန်ခံလိုသည်ဟု ၎င်းက ပြောသည်။
အမြန်လမ်းရဲတပ်ဖွဲ့၏ထုတ်ပြန်ချက်အရ ယာဉ်မတော်တဆမှုများသည် လူကြောင့် ၆၃ ရာခိုင်နှုန်း၊ ကားကြောင့် ၂၃ ရာခိုင်နှုန်း၊ ရာသီဥတုကြောင့် သုည ဒသမ ၄ ရာခိုင်နှုန်းနှင့် လမ်းကြောင့် ၁ ဒသမ ၆ ရာခိုင်နှုန်းရှိသည်။
အစိုးရက အမြန်လမ်းမကြီးကို ရှစ်လမ်းသွားအဖြစ် ပြန်လည်အဆင့်မြှင့်တင်ရန် မေလ ၁၂ ရက်က လူ ၁၄ ဦး သေဆုံးခဲ့သည့် ရာဇာမင်းကားတိမ်းမှောက်မှုအပြီးတွင် ဆုံးဖြတ်ထားပြီး US Aid ကလည်း အကူအညီများပေးအပ်ထားသည်။ ဂျပန်နိုင်ငံအကူအညီဖြင့် လမ်းမကြီးကို စမ်းသပ်ရာတွင် ၇၅ ရာခိုင်နှုန်းကောင်းမွန်သည်ဟု ဆောက်လုပ်ရေးဝန်ကြီးဌာန၊ ဦးဆောင်ညွှန်ကြားရေးမှူး ဦးကျော်လင်းက ဆိုသည်။
“ပြီးခဲ့တဲ့နှစ်က ချက်ချင်းပြင်ဖို့လိုတဲ့ ခြောက်ရာခိုင်နှုန်းကို ပြင်ဆင်ခဲ့ပါတယ်။ ကျန်တဲ့ ၁၉ ရာခိုင်နှုန်းကို ဒီနှစ်ထဲမှာ ပြုပြင်နေပါတယ်”ဟု ၎င်းက ပြောသည်။
from Mizzima - News in Burmese's Facebook Wall http://ift.tt/1lmZ4P3
Comments
Post a Comment