မျိုးစောင့်ဥပဒေကို ကန့်ကွက်မှု ထိရောက်မည်မဟုတ်ဟု ဦးဝီရသူမိန့် မင်းမင်း| အင်္ဂါနေ့...

မျိုးစောင့်ဥပဒေကို ကန့်ကွက်မှု ထိရောက်မည်မဟုတ်ဟု ဦးဝီရသူမိန့်



မင်းမင်း| အင်္ဂါနေ့၊ မေလ ၁၃ ရက် ၂၀၁၄ ခုနှစ်



အမျိုးဘာသာ သာသနာစောင့်ရှောက်ရေးအဖွဲ့က ပြဋ္ဌာန်းစေလိုသော မျိုးစောင့်ဥပဒေများအပေါ် ကန့်ကွက်သူတို့၏ လုပ်ဆောင်ချက် ထိရောက်မည်မဟုတ်ဟု မန္တလေး မစိုးရိမ်တိုက်သစ်ဆရာတော် ဦးဝီရသူက မဇ္ဈိမကို မိန့်ကြားလိုက်သည်။



မျိုးစောင့်ဥပဒေကို ပြဋ္ဌာန်းလိုက်ပါက ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်မှုကို ပျက်ပြားနိုင် သည်ဟု အရပ်ဘက် အဖွဲ့အစည်းပေါင်း ၁၀၀ ကျော်က ယခုလ ၅ ရက်တွင် ကြေညာချက် ထုတ်ပြန်ပြီး ကန့်ကွက်လိုက်မှုအပေါ် ဦးဝီရသူက တုံ့ပြန် ရည်ညွှန်းလိုက်ခြင်း ဖြစ်သည်။



“မျိုးစောင့်ဥပဒေကို နှစ်ယောက်တစ်ပိုင်း ဖွဲ့ထားတဲ့ အဖွဲ့သေးသေးလေးတွေက ၀ိုင်းဝန်းပြီး ကန့်ကွက်တာ ကို ပြည်သူလူထုက အားမလျှော့နဲ့။ အဲဒီအဖွဲ့အစည်းတွေ အားလုံးပေါင်းလိုက်တော့မှ ဦးဇင်းရဲ့ တရားပွဲ တစ်ပွဲစာလောက်တောင် လူဦးရေ မရှိပါဘူး။ အဲ့ဒါကြောင့် ခွေးလေးခုန်လို့ ဖုန်မထပါဘူး” ဟု ဆရာတော် က မိန့်သည်။



သံဃာပေါင်း ၂၅၀၀ ကျော် တက်ရောက်သည့် မေလ ၁၂ ရက် ပဉ္စမအကြိမ် ဂိုဏ်းပေါင်းစုံ သံဃာ့အစည်း အဝေးအပြီး မဇ္ဈိမ၏ မေးမြန်းမှုကို အထက်ပါအတိုင်း မိန့်ခဲ့ခြင်းဖြစ်သည်။



မျိုးစောင့်ဥပဒေကို ကန့်ကွက်ကြသည့် အရပ်ဘက်အဖွဲ့အစည်းများ၏ ကြေညာချက်၌ တိုင်းရင်းသားလူမျိုး စုအကြားတွင် ဘာသာရေးမတူညီမှုများ ရှိနေသည့်အတွက် တိုင်းရင်းသားစည်းလုံး ညီညွတ်ရေးနှင့် လက် ရှိငြိမ်းချမ်းရေး တည်ဆောက်မှုဖြစ်စဉ်အား အဟန့်အတား ဖြစ်စေနိုင်သည်ဟု ဖော်ပြထားသည်။



သို့သော် ဦးဝီရသူကမူ “ဒီဥပဒေ ပေါ်ပေါက်လာရင် တိုင်းရင်းသူတွေအားလုံးဟာ ဘာသာခြားတွေရဲ့ နှိပ် စက်မှုကို မခံရတော့ဘူး။ အဲ့တော့ လက်ရှိ အမျိုးသမီး အခွင့်အရေးတွေ၊ လူ့အခွင့်အရေးတွေ ဆုံးရှုံးနေတဲ့ တိုင်းရင်းသားမဟုတ်တဲ့ ဘာသာခြားနဲ့ညားတဲ့ တိုင်းရင်းသူတွေလည်း ဒီအခွင့်အရေးတွေ ပြန်ရလာနိုင် တယ်။ သာသာခြားနဲ့ မညားသေးတဲ့ ညားနိုင်တဲ့ တိုင်းရင်းသူတွေလည်း ညားသွားရင် ဒီလိုဒုက္ခမျိုး မခံရ တော့ဘူး” ဟု ဆိုသည်။



၂၀၁၃ ခုနှစ်၊ ဇွန် ၁၂ ရက် မှော်ဘီ ဆေကိန္ဒာရာမကျောင်းတိုက်တွင် ကျင်းပခဲ့သည့် ဗုဒ္ဓသာသနာတော် ဆိုင်ရာ သြ၀ါဒခံယူပွဲနှင့် အကြိုညှိနှိုင်းဆွေးနွေးပွဲ၌ ပြုလုပ်သည့် သတင်းစာရှင်းလင်းပွဲတွင် မျိုးစောင့် ဥပဒေ မူကြမ်းကို စတင်ဖြန့်ဝေခဲ့ကြခြင်း ဖြစ်သည်။



ထိုဥပဒေကြမ်းအရ မြန်မာဗုဒ္ဓဘာသာဝင် အမျိုးသမီးကို လက်ထပ်မည့်သူသည် တရားဝင် ဗုဒ္ဓဘာသာဖြစ် ရမည်ဖြစ်ပြီး၊ ဘာသာခြားဖြစ်သူက ဗုဒ္ဓဘာသာ အမျိုးသမီးကို လက်ထပ်မည်ဆိုလျှင် ဗုဒ္ဓဘာသာသို့ ၀င် ရောက်ရမည်ဖြစ်ပြီး အသိအမှတ်ပြု လက်မှတ်ရရှိရန် လိုအပ်သည်။ ပြစ်ဒဏ်အနေဖြင့် ယင်းကိုမလိုက်နာ ပါက ထောင်ဒဏ် ၁၀နှစ် ကျခံရမည်ဟု ဥပဒေကြမ်းတွင် ထည့်သွင်း ရေးဆွဲထားသည်။



ယင်းနောက် အမျိုးဘာသာသာသနာ စောင့်ရှောက်ရေးအဖွဲ့(မဘသ)သည် မျိုးစောင့်ဥပဒေဟု လူသိများ သော လူမှုရေး၊ ဘာသာရေး၊ လူဦးရေဆိုင်ရာ ဥပဒေ လေးခု ပြဋ္ဌာန်းပေးရေး သမ္မတထံ တောင်းဆိုထားသည်။



သမ္မတကလည်း အဆိုပါဥပဒေတို့ကို ရေးဆွဲရန် ကော်မရှင်တစ်ရပ် ဖွဲ့စည်းလိုက်ပြီး ဇွန်လကုန် အပြီး ဆောင်ရွက်ရန် ညွှန်ကြားထားသည်။

from Mizzima - News in Burmese's Facebook Wall http://ift.tt/1mjQWS6