ရန်ကုန်မြို့တွင်း သယ်ယူပို့ဆောင်ရေးအတွက် လျာထားသည့် ဘတ်ဂျက်ငွေ အစိုးရမသုံးနိုင်
လပြည့်ဝန်း| အင်္ဂါနေ့၊ မေလ ၁၃ ရက် ၂၀၁၄ ခုနှစ်
ရန်ကုန်မြို့တွင်း သယ်ယူပို့ဆောင်ရေး စီမံကိန်းအတွက် အသုံးပြုရမည့် ဘတ်ဂျက် လျာထားချက်ကို အစိုးရက မသုံးစွဲနိုင်သည့်အတွက် ချေးငွေရယူခြင်း အပါအ၀င် အချက်သုံးချက်ဖြင့် အကောင်အထည်ဖော်ရမည်ဟု JICA မှ စီမံကိန်းရေးဆွဲရေးအဖွဲ့မှအဖွဲ့ဝင် Mr.Takashi Shoyama က မေ ၁၂ရက်တွင် ပြောကြားလိုက်သည်။
အာရှပလာဇာတွင် ပြုလုပ်သည့် ရန်ကုန်မြို့ပြ သယ်ယူပို့ဆောင်ရေး ပင်မစီမံကိန်း YUTRA ဆိုင်ရာဆွေး နွေးပွဲတွင် ပြောကြားခဲ့ခြင်း ဖြစ်သည်။
ပင်မစီမံကိန်း YUTRA ၏ ရေရှည်စီမံကိန်းအတွက် စုစုပေါင်းကုန်ကျငွေကို အမေရိကန်ဒေါ်လာ၂၅ ဘီလီ ယံ လျာထားပြီး အစိုးရက အမေရိကန် ဒေါ်လာ ၁၅ ဒသမ ၃ ဘီလီယံသာ အသုံးပြုနိုင်မည် ဖြစ်သည်ဟု ဆိုသည်။
ကျန်ငွေ အမေရိကန်ဒေါ်လာ ၁၀ ဘီလီယံခန့်ကို ပြည်သူများထံမှ ယာဉ်ကြောကျပ်တည်းမှု ဖြစ်နေသည့် ကားများကို ငွေကြေးကောက်ခံခြင်း၊ ကားပါကင်ကြေး ကောက်ခံခြင်း၊ အခွန်များကောက်ခံခြင်း၊ ပုဂ္ဂလိက လုပ်ငန်းရှင်များမှ အလှူငွေ ကောက်ခံခြင်း၊ နိုင်ငံတကာမှ ချေးငွေယူများ ရယူခြင်းစသည့် လုပ်ငန်းများဖြင့် အကောင်အထည်ဖော်ရမည် ဖြစ်သည်ဟု Mr.Takashi Shoyama က ဆိုသည်။
“အာဆီယံဒေသတွင်း အစိုးရတွေက သယ်ယူပို့ဆောင်ရေးနဲ့ ပတ်သက်ပြီး အသုံးစရိတ်သုံးတဲ့ နေရာတွေ မှာ အလွန်နည်းနေတဲ့အတွက် စီမံကိန်းက အဆင်မပြေနိုင်ဘူး။ ၆၀ ရာခိုင်နှုန်းကနေ ၈၀ ရာခိုင်နှုန်းအထိပဲ လုပ်လို့ရနိုင်တယ်။ ဒါကြောင့် အစိုးရအနေနဲ့ ဒီနှစ်ရှည်စီမံကိန်းကို တခြားအခွန်တွေကနေ တစ်ဆင့် ရှာပြီး သုံးသင့်တယ်” ဟု ၎င်းက ဆိုသည်။
ရန်ကုန်မြို့တွင်း ယာဉ်ကြောကျပ်တည်းမှုများ အဓိကဖြစ်ပေါ်နေရခြင်းမှာ ကားအရေအတွက်နှင့် ရထား အရေအတွက် အလွန်နည်းနေသည့်အပြင် တရားမ၀င် ကားပါကင်စနစ်၊ မီးပွိုင့်စနစ် လုံလောက်မှု မရှိခြင်း တို့ အခြားအချက်များစွာလည်း ရှိနေသေးသည့်အတွက်ကြောင့် ဖြစ်သည်ဟု JICA ၏သုတေသနစစ်တမ်း ထုတ်ပြန်ချက်တွင် ထုတ်ပြန်ထားသည်။
လမ်းပန်းဆက်သွယ်ရေးဝန်ကြီး ဦးအောင်ခင်က “ယာဉ်ကြောကျပ်နေတဲ့ကိစ္စမှာ ဂျပန်က ရေတို၊ ရေရှည် အစီအစဉ်တွေ ဆွဲတာ အများကြီး ကောင်းသွားတယ်။ အဓိကပြဿနာက ကိုယ်ပိုင်မော်တော်ယာဉ်တွေ များ လာလို့ ယာဉ်ကြောတွေ ကျပ်လာတယ်။ နောက်တစ်ခုက ယာဉ်စည်းကမ်းမလိုက်နာတဲ့ ကားတွေကြောင့် လည်း ယာဉ်ကြော ကျပ်လာရတယ်” ဟု ဆိုသည်။
အဆိုပါ ရန်ကုန်မြို့ပြ သယ်ယူပို့ဆောင်ရေး စီမံကိန်းကို ၂၀၁၄ ခုနှစ် မှ ၂၀၁၈ ခုနှစ်အထိ ရေတိုစီမံကိန်း အဖြစ် သတ်မှတ်ထားပြီး၊ ၂၀၁၉ ခုနှစ် မှ ၂၀၂၅ ခုနှစ်အထိ ရေလတ်စီမံကိန်း အဖြစ်နှင့်၊၂၀၂၆ ခုနှစ် မှ ၂၀၃၅ ခုနှစ်အထိ ရေရှည်စီမံကိန်းအဖြစ် သတ်မှတ်ထားသည်။
ရန်ကုန်မြို့၏ သယ်ယူပို့ဆောင်ရေး ကျပ်တည်းမှု မရှိစေရန် သာကေတတံတားသစ် တည်ဆောက်ခြင်းနှင့် ရှစ်မိုင်လမ်းဆုံနေရာ တိုးတက်ကောင်းမွန်စေရန်အတွက် JICA နှင့် ရန်ကုန်မြို့တော် စည်ပင်သာယာ ရေးကော်မတီတို့ ၂၀၁၂ ခုနှစ် ဒီဇင်ဘာမှ စတင်ကာ ပူးပေါင်းအကောင်အထည် ဖော် ဆောင်ရွက်လျက် ရှိသည်။
from Mizzima - News in Burmese's Facebook Wall http://ift.tt/1jlUEVz
Comments
Post a Comment