မြန်မာ - ဖိလစ်ပိုင် တိုက်ရိုက်လေကြောင်း ခရီးစဉ်ပြေးဆွဲနိုင်ရန် ဆွေးနွေးနေ
သီဟကိုကို
ရန်ကုန်၊ မေ ၂၀
မြန်မာနှင့် ဖိလစ်ပိုင် နှစ်နိုင်ငံအကြား တိုက်ရိုက်လေကြောင်းခရီးစဉ်များပြေး ဆွဲနိုင်ရန်အတွက် ဆွေးနွေးမှုများပြုလုပ်နေသည်ဟု လေကြောင်းပို့ဆောင်ရေး ညွှန်ကြားမှုဦးစီးဌာန၏ ဒုတိယညွှန်ကြား ရေးမှူးချုပ် ဦးဝင်းဆွေထွန်းက မဇိ်္ဈမ ကို ပြောသည်။
ထိုသို့ လုပ်ငန်းများဆောင်ရွက်နိုင်ရန် အတွက် မေလ ၁၉ ရက်တွင် လေကြောင်း ပို့ဆောင်ရေးညွှန်ကြား မှုဦးစီးဌာနမှ တာဝန်ရှိပုဂ်္ဂိုလ်များနှင့် ဖိလစ်ပိုင်နိုင်ငံအစိုးရ၏ လေကြောင်းဆိုင်ရာအဖွဲ့အစည်းတို့ တွေ့ဆုံ ဆွေးနွေးခဲ့ခြင်း ဖြစ်သည်။
ဦးဝင်းဆွေထွန်းက “ ဖိလစ်ပိုင်ဘက်ကနေ မြန်မာကို ပြေးဆွဲချင်တယ်လို့ စတင်ကမ်းလှမ်းတာပါ။ အခြေခံ ကျတဲ့အဓိကအချက်က နှစ်နိုင်ငံကြားမှာ လေကြောင်း ပေးဆွဲမယ်ဆိုရင် တူညီတဲ့အခွင့်အရေးတွေ ရရှိ ဖို့ပါပဲ။ ဘယ်တော့ စပြေးဆွဲဖြစ်မလဲဆိုတာကတော့ ပြောရခက်တယ်။ တစ်ဖက်နဲ့ တစ်ဖက် လေကြောင်း ဈေးကွက် အခြေအနေကိုလည်း လေ့လာရဦးမယ်” ဟု ပြောသည်။
၁၉၇၉ ခုနှစ်အတွင်း မြန်မာနှင့် ဖိလစ်ပိုင်နှစ်နိုင်ငံအကြား လေကြောင်းပျံသန်းမှုဆိုင်ရာစာချုပ် ချုပ်ဆိုခဲ့ပြီး နှစ်နိုင်ငံ တိုက်ရိုက်လေကြောင်း ခရီးစဉ် ပျံသန်းနိုင်ရန်အတွက် စာချုပ်အားပြင် ဆင်ချုပ်ဆိုရန် လေးကြိမ်ခန့် ကြိုးစားမှုများရှိခဲ့သော်လည်း အောင်မြင်မှုမရရှိခဲ့ ဟု ယင်းက ပြောသည်။
မြန်မာနိုင်ငံအခြေစိုက်လေကြောင်း လိုင်းများဖြစ်သည်Myanmar Internati-onal Airways နှင့် Goldern Myanmar လေကြောင်းလိုင်းနှစ်လိုင်းမှ မြန်မာ - ဖိလစ်ပိုင်လေကြောင်းခရီးစဉ် တွင် ၀င်ရောက်ပြေးဆွဲ ရန် စိတ်ဝင်စားမှုများ ရှိသည်ဟု ဦးဝင်းဆွေထွန်း က ပြောသည်။
Myanmar International Airways ၏ လူမှုဆက်ဆံရေးအရာရှိ ဒေါ်အေးမရသာ က “ လေကြောင်းလိုင်း ရဲ့ Plan က လည်းဒေသတွင်းနိုင်ငံတွေမှာ လေကြောင်းခရီးစဉ်တွေကို တိုးချဲ့ပြေးဆွဲဖို့ရှိပါတယ်။ဖိလစ်ပိုင် ကို ပြေးဆွဲဖို့ကလည်း ခရီးသည်လိုအပ်ချက်အပေါ်မူတည်ပြီး နောက်ပိုင်း မှာပြေးဆွဲဖို့ရှိပါတယ်” ဟု ပြော သည်။
မြန်မာနိုင်ငံနှင့် နိုင်ငံပေါင်း ၄၆ နိုင်ငံ မှ လေကြောင်းပျံသန်းမှုဆိုင်ရာစာချုပ် များချုပ်ဆိုထားပြီး ပျံသန်းပြေး ဆွဲဖြစ်သည့် နိုင်ငံ ၁၃ နိုင်ငံရှိသည်ဟု လေကြောင်းပို့ဆောင်ရေးညွှန်ကြားမှုဦးစီးဌာနမှ သိရှိရသည်။
ယခုနှစ်ပိုင်းများအတွင်း မြန်မာနိုင်ငံသို့ နိုင်ငံခြားခရီးသွားများဝင်ရောက်မှု စံချိန်တင်မြင့်တက်လာခဲ့ပြီး နိုင်ငံတကာ လေကြောင်းလိုင်းများလည်း တိုက်ရိုက်ပြေးဆွဲခွင့်ရရန် လာရောက်လျှောက်ထား လျက်ရှိ သည်။
from Mizzima - News in Burmese's Facebook Wall http://ift.tt/1vDgApa
Comments
Post a Comment