ပညာရေးနှင့် စိုက်ပျိုးရေးအတွက် ဒေါ်လာ ၁ ဒသမ ၃၅ ဘီလီယံ အီးယူ ကူညီမည်
နီနီမြင့်| သောကြာနေ့၊ မေလ ၉ ရက် ၂၀၁၄ ခုနှစ်
ဥရောပသမဂ္ဂ(အီးယူ) မှ မြန်မာနိုင်ငံအတွင်းရှိ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နိုင်ရန်အတွက် ၂၀၁၄ မှ ၂၀၂၀ ခုနှစ်အတွင်း ယူရိုတစ်ဘီလီယံ (အမေရိကန်ဒေါ်လာ ၁ ဒသမ ၃၅ ၀န်းကျင် ဘီလီယံ) ကူညီပေးသွားမည်ဖြစ်ကြောင်း မြန်မာနိုင်ငံဆိုင်ရာ ဥရောပသမဂ္ဂသံရုံးမှသံအမတ် မစ္စတာရိုလန်ကိုဘီယာက မေလ ၈ ရက်တွင် ပြောသည်။
“အီးယူက မြန်မာနိုင်ငံမှာ အကြီးဆုံးအလှူရှင် ဖြစ်ပါတယ်။ အခုကူညီပေးမယ့် ငွေတွေကို ပညာရေး၊ စိုက်ပျိုးရေး၊ ငြိမ်းချမ်းရေး၊ တရားဥပဒေစိုးမိုးရေးစတဲ့ လုပ်ငန်းတွေ ဆောင်ရွက်တဲ့နေရာမှာ သက်ဆိုင်ရာ အဖွဲ့အစည်းတွေကနေတစ်ဆင့် ကူညီပေးသွားမှာ ဖြစ်ပါတယ်”ဟု မစ်္စတာကိုဘီယာက ရန်ကုန်မြို့၊ သင်္ကေတ စားသောက်ဆိုင်တွင် ကျင်းပသော အီးယူနေ့အခမ်း အနားနေ့၊ စာနယ်ဇင်းများနှင့် တွေ့ဆုံပွဲတွင် ပြောကြားခဲ့ခြင်းဖြစ်သည်။
အဆိုပါ ထောက်ပံ့ငွေများကို ပညာရေးကဏ္ဍတွင် ၃၅ ရာခိုင်နူန်း၊ ကျေးလက် ဖွံ့ဖြိုးရေး၊ စိုက်ပျိုးရေး အစား အသောက်နှင့် အာဟာရဖွံ့ဖြိုးရေး ကဏ္ဍတို့တွင် ၃၅ ရာခိုင်နှုန်း၊ ငြိမ်းချမ်းရေးကဏ္ဍတွင် ၁၅ ရာခိုင်နူန်း၊ အုပ်ချုပ်ရေး၊ တရားဥပဒေစိုးမိုး ရေးတို့တွင် ၁၄ ရာခိုင်နူန်းနှင့် အခြားကဏ္ဍများတွင် တစ်ရာခိုင်နှုန်းဖြင့် ကူညီပေးသွားမည်ဖြစ်သည်။ ပညာရေးကဏ္ဍနှင့် ကျေး လက်ဖွံ့ဖြိုးရေး ကဏ္ဍတို့အတွက် ထောင်စုနှစ်ရည် မှန်းချက်များ ပန်းတိုင်ရှိမူဘောင်အတွင်း ပံ့ပိုးပေးသွားလိမ့်မည်ဖြစ်သည်။
“မြန်မာနိုင်ငံ ငြိမ်းချမ်းရေးအတွက် ထောက်ပံ့ပေးမှုတွေအားလုံးထဲမှာ အီးယူ က ၈၀ ရာခိုင်နှုန်းအထိ ပါပါ တယ်။ အဲဒီ ထောက်ပံ့မှုတွေက မြန်မာနိုင်ငံငြိမ်းချမ်းရေး ပြန်လည်ထူထောင်ရေးဗဟိုဌာန (MPC) တစ်ခု တည်းကိုပေးနေတာမဟုတ်ပါဘူး။ အခြား ငြိမ်းချမ်းရေးအတွက်လှုပ်ရှားနေတဲ့ အဖွဲ့အစည်းတွေ အတွက် လည်း ကူညီထောက်ပံ့မှုတွေ ပေးပါတယ်”ဟု မစ္စတာ ကိုဘီယာက ပြောသည်။
အီးယူအနေဖြင့် ၎င်း၏ ထောက်ပံ့ငွေများကို အဖွဲ့အစည်းများမှ အမှန်တကယ် အသုံးပြုခြင်း ရှိ/မရှိ အပေါ် တွင်လည်း တင်းကျပ်သော ထိန်းချုပ်မှုများနှင့်အတူ အဖွဲ့အစည်းမှ ဆောက်ရွက်ပြီးစီးသည့် ရလဒ်များအပေါ် တွင်လည်း စောင့်ကြည့်အကဲဖြတ်ကြောင်း ပြောသည်။
“အဖွဲ့အစည်းတွေက ကျွန်တော်တို့ ထောက်ပံ့တဲ့ငွေတွေကို တကယ်အသုံးမပြုဘူးဆိုရင် သူတို့အနေနဲ့ ထောက်ပံ့ငွေတွေ ကို ပြန်ပေးရပါတယ်”ဟု ၎င်းက ဆက်ပြောသည်။
၂၀၁၃ ခုနှစ်၊ နိုဝင်ဘာလ ၁၅ ရက် တွင် အီးယူ-မြန်မာ လုပ်ငန်းအဖွဲ့က ထုတ်ပြန်ထားသော သတင်းထုတ်ပြန်ချက်အရ အီးယူအနေဖြင့် မြန်မာနိုင်ငံကိုထောက်ပံ့ရန်အတွက် ၎င်းအသုံးပြုနေသော ငွေကြေး ထက် ၂၀ ရာခိုင်နူန်းတိုးပြီး တစ်နှစ်လျှင် ယူရိုသန်း ၉၀ အထိ ကူညီသွားရန်လျာထားကြောင်း ပါရှိခဲ့သည်။
“မြန်မာပြည်ကို ကူညီတယ်လို့ပြောတဲ့အခါ အစိုးရနဲ့တင်အလုပ်လုပ်တာမဟုတ်ပါဘူး။ စီးပွားရေးလုပ်ငန်းရှင်တွေ၊ လူထု အခြေပြု အဖွဲ့အစည်းတွေစတဲ့ ကဏ္ဍပေါင်းစုံနဲ့ အလုပ်လုပ်တာပါ။ အီးယူအနေနဲ့ မြန်မာ ပြည် ပြုပြင်ပြောင်းလဲမှု စကတည်းက အကူအညီပေးရေးတွေလုပ်လာခဲ့တာပါ။
ဒီပြုပြင်ပြောင်းလဲမှုတွေမှာလဲ တိုးတက်မှုတွေမြင်နေရလို့ ဆက်ပြီး တိုးမြှင့်ကူညီနေပါတယ်။ နိုင်ငံရေးပြုပြင် ပြောင်းလဲမှုတွေ အကုန်လုံးက အရမ်းကိုခဲယဉ်းပြီး ရှုပ်ထွေးပါတယ်။ မြန်မာပြည်က အခြေအနေကပြီး ပြည့်စုံတဲ့ ပြုပြင်ပြောင်းလဲမှုတော့ မဟုတ်သေးပါဘူး။ ဒီလိုဖြစ်ဖို့တော့ အချိန်တွေ အများကြီးလိုပါသေး တယ်”ဟု မစ္စတာ ကိုဘီယာက ပြောသည်။
from Mizzima - News in Burmese's Facebook Wall http://ift.tt/1l4siDE
Comments
Post a Comment