မြန်မာနိုင်ငံက စီးပွားရေးလုပ်ငန်းတွေ ရင်ဆိုင်နေရတဲ့ အခက် အခဲတွေထဲမှာ အဂတိလိုက်စားမှုဟာ အဆိုးဝါးဆုံးဖြစ်ကြောင်း မြန်မာ နိုင်ငံရဲ့ စီးပွားရေး ဆိုင်ရာ အချက်အလက်တွေကို ကောက်ခံပြီး ထုတ်ပြန်တဲ့စစ်တမ်းမှာ ဖေါ်ပြ ထားပါတယ်။
ရန်ကုန်မြို့ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် ( UMFCCI ) ရုံးချုပ်မှာ နိုင်ငံတကာနဲ့ မြန်မာနိုင်ငံက စီးပွားရေးလုပ်ငန်းရှင်တွေက သူတို့လေ့လာတွေ့ရှိချက်တွေကို ဒီနေ့ ထုတ်ပြန်ခဲ့တာဖြစ်ပါတယ်။
ဆွေးနွေးပွဲကို တက်ရောက်ခဲ့တဲ့ ကုန်သည်စက်မှု အသင်းချုပ် ဒေါ်ခင်ခင်နွယ် က ဒီနေ့ ထုတ်ပြန်တဲ့ စီးပွားရေးဆိုင်ရာ အချက်အလက်စစ်တမ်းအကြောင်း အခုလို ပြောပါတယ်။
"မြန်မာနိုင်ငံရဲ့ စီးပွားရေး ကဏ္ဍ အလွှာအသီးသီးကို တိုင်နဲ့ပြည်နယ် အနှံ့ပေါ့နော်၊လုပ်ငန်းပေါင်းစုံအနှံ့ ကဏ္ဍစုံအောင်လေ့လာပြီး ဒီလုပ်ငန်း ဌါနပေါင်း ၃၀၅၅ ခုအထိ လေ့လာပြီးတော့ ထွက်လာတဲ့စစ်တမ်းဟာ ပထဆုံးအကြိမ် ဖြစ်ပါတယ်၊ဒါကြောင့်မို့လို့ ဒါကိုလုပ်နေစေချင်တဲ့ စိတ်ဝင်စားခဲ့တဲ့ ဒါကြောင့်မို့ ဒီနေ့လည်းဒါကို ရအောင်တက်ပြီးတော့ နားထောင်ခဲ့ခြင်းဖြစ်ပါတယ်"
ဒီစီးပွားရေးဆိုင်ရာ အချက်အလက် ကောက်ခံမှုစစ်တမ်း ကို မြန်မာနိုင်ငံ က အသေးစား၊ အလတ်စား နဲ့ အကြီးစား လုပ်ငန်းပေါင်း ၃၄၀၀ ကို မေးခွန်းတွေမေးမြန်းပြီး ထုတ်ပြန်ခဲ့တာဖြစ်ပါတယ်။ စီးပွားရေး လုပ်ငန်းတွေအများစုက ဖြေဆိုတဲ့ သူတို့ရင်ဆိုင်နေရတဲ့ အခက်အခဲတွေမှာ အကတိလိုက်စားမှုက ထိပ်ဆုံးကဖြစ်ပြီး ကျွမ်းကျင်လုပ်သားရှားပါးမှု၊ နည်းပညာချို့တဲ့မှုနဲ့ စီးပွားရေးလုပ်ငန်း ရပ်တည်နိုင်ဖို့ မြေနေရာ အဆောက် အဦးရှားပါးမှုတွေကိုလည်း ရင်ဆိုင်နေရအကြောင်း စစ်တမ်းမှာ ဖေါ်ပြထား ပါတယ်။
အဲဒီစစ်တမ်းကို မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်း UMFCCI ၊ ကုလသမဂ္ဂလက်အောက်ခံ စီးပွားရေးဖွံ့ဖြိုး တိုးတက်ရေး အေဂျင်စီတစ်ခုဖြစ်တဲ့ UNESCAP ၊ ဖွံ့ဖြိုးတိုးတက်တဲ့နိုင်ငံတွေ စုပေါင်းဖွဲ့စည်းထားတဲ့ OECD တို့က ပူးတွဲပြီး စစ်တမ်းကောက်ယူ ထုတ်ပြန်ခဲ့တာဖြစ်ပါတယ်။
RFA Burmese
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1lWvBhg
Comments
Post a Comment